|
رد : ايش رايكم بالانفصال بمثل وضعي بامانه ؟!
تحتاجين لجلسة مصارحة هادئة مع زوجك في وقت منااااسب
وانتبهي لألفاظك جيدا تكلمي بأسلوب الخبر لا الإنتقاد حتى لا يتحول لمدافع ومبرر بدل أن يتفهم قصدك وما تريدين |
رد : ايش رايكم بالانفصال بمثل وضعي بامانه ؟!
معليش يااختي حطي نفسك مكان زوجك والله يمكن تسوي اكثر من اللي يسويه
الزن ع الأذن اقوى من السحر معروفه لذلك كما ذكروا الآخوات انسي تتكلمي بالبطال عن اهله قدامه لما يجي عندك وهو زعلان احرجيه باابتسامتك وكثري الترحيب وقولي للاولاد يلااا نسلم ع بابا ولا تتذمري من تأخره عنك او اهماله في البداية حسسيه انو الموية تجري من تحتك وانتي غافله مو العكس وحتى لو ماكلمك انتي تكلمي عادي وقولي ايش رايك اسوي عشا وننزل نتعشى عند امك لو فرضنا رحتي قولي انو هذا اقتراح زوجك وادعي له بالبر قدامها هوه واهله حاسين انك قويه وآخذه حقك عشان كذا يناطحوك طبقي هذا المثل في حياتك تمسكني لمما تتمكني ولاتكوني انانية وتفكري بالطلاق وتنسى الأطفال في يوم من الايام قرأت بالمنتدي رد اعتقد انو لخاله بيتا اذا مو غلطانه قالت الحياة الزوجية زي الحرب يبغالها تكتيك وانا اقول الحياة كلها يبغالها تكتيك واحيانا نحتاج انو نحني راسنا للعاصفة لما تعدي بسلام دعواتي لك |
رد : ايش رايكم بالانفصال بمثل وضعي بامانه ؟!
الله يعينك ياختي نفس الوضع المزري ياختي ما احس بخصوصية والصراحة عينهم في كل شي عليك بالصلاة الاستغفار تغيري عليه ابتعدي عنه وحساسيته انك لأهية بحياتك ومشغولة الأنواع هدي ماينفع معها الحلول السلمية لازم تكوني لئيمة مثلهم تشيلي يقولون لزوجي أنت تعطيها 500 ريال والله كثير وهم الشناط يشتروها ب 1500 والله مع اني عند الوالد والله ما أكبرها وافخمها لكن تدرين لظروف زوجي ارضى بالقليل ويش كانت النهاية ادخلي موضوعي واقري ويمكن تهون عليك مصيبتك حسبي الله عليهم بس بعلمك دعوة أدعياء في قيام الليل قولي اللهم ياحابس يد ابراهيم عن ذبح ابنه احبس عني عيونهم والسنتهم وشرهم ورد كيدهم في نحورهم ووفقني وزوجي لما تحب وترضى والله يا اختي اني عند لولا الدعاء مدري ايش كان ثبتني في حياتي معهم
|
رد : ايش رايكم بالانفصال بمثل وضعي بامانه ؟!
اقتباس:
|
رد : ايش رايكم بالانفصال بمثل وضعي بامانه ؟!
اقتباس:
اصلا زوجي مايحب المواجهه واكثر شي يسوي الصمت القاتل والانشغال باتفه شي يعني ماهمني كلامك ومره قالي مالك دخل في اهلي!! مع ان كلامي كان لطيف وجاهدت حتى ابين له باسلوب حلو المشكله يقول لاتتعبين ماراح اكرهه اهلي اصلا هو يااختي ملقن من امه من قبل ان زوجة الابن دااائما تحاول تسرق زوجها من اهله وهذا هو كلامها ومخاوفها من اشهر الزواج الاولى تعيد وتزيد فيه ولقت اللي يسمع ويطبق |
رد : ايش رايكم بالانفصال بمثل وضعي بامانه ؟!
اقتباس:
اصلا امه ماتصارحه اببببدا بكرهي بلعكس تظهر الحب وانها ميته علي تبيني وتبي جلسه معي .... وكل اللي تسوي بتدبيرات من تحت لتحت واللي يساعدها انها تخبي عنه اموور كثير وتعرف عننا كل شي تقريبا وياما حاولت اقوله موكل شي يتقال برا البيت لكن للاسف يفهمها ان قصدي افرق بينهم واللع يااختي مو انانيه لكن انا انضغطت وتغيرت كثييير .. قاعده ادور الاريح لي والاسلم اشتري صحتي بالعربي وبالنسبه لقولك ان الزواج حرب وتبي تكتيك انااا معك .. لكن لما تكون القوتين متساويات او ع الاقل قريبه من بعض مستحيل جيش ينتصر بدون عده انا مامعي اي شي افوز فيه ماادري عن اي شششي ابدا زوجي مايتكلم في اي شي عن اهله بالمقابل يقول كل كل كل شي تقريبا شي مؤلم ويجرح ..... وبنفس الوقت ماتقدرين نهائي تاخذين حقك لا عن طريق زوجك ولا بنفسك حتى اي تواصل بيني وبينهم على طول تخبر زوجي عنه |
رد : ايش رايكم بالانفصال بمثل وضعي بامانه ؟!
انتي اختي تتعرضي لكيد نساء و لازم تكوني ادهى منهم لكن بما يرضي الله فتحي عينيك جيدا لما يدور حولك
و لا تنسي ان الله خير الماكرين |
| الساعة الآن 07:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©