|
رد : هل جزاء الإحسان إلا الإحسان !!!
اقتباس:
الله يسعدك قلبك ياااارب ويكره زوجك وزوجي حنظله في حقات المسيار .. نعم فيه اثبات على بعض المبالغ اللي استلفها مني .. ومبلغ اقل لا املك عليه اي دليل .. لكن لو وصل موضوعي للمحكمه .. يكفيني حلفه ع القرآن اذا انكر .. اهلي رافضين الكلام معه لأنه مراوغ ويكذب كثير .. وماله امااان .. بناتي اعمارهم 3 و 4 سنوات صغار الله يحفظهم .. طبعا بعد خروجي من البيت .. جابها البيت عشان ترعاه وتقوم بأموره هالنسوجي وعشان البنات .. طبعا ما اعرف وضعها سواء كانت بنت او مطلقه او ارمله ... طبعا بعد معرفتي بزواجه ارسلت له رساله ( بأني راح اسحب بناتي منه بالقوة لأن ام المسيار غير آهل لتربيتهم ) زوجي حنظله ما يحب احد من اهلي يتشرط عليه .. يحب يعيش الحياة مثل ما يحب .. سبهلله يعني .. |
رد : هل جزاء الإحسان إلا الإحسان !!!
لو فعلت زوجتي معي ذلك .. فلن افعل قط ما يدفعها لترك المنزل ابدا .. و حتي ان لم تفعل ذلك فلن اسيء اليها .. لان رسولنا الكريم صلي الله عليه و سلم قد اوصانا بالنساء خيرا
|
لايوجد لغة حوار بيني وبين زوجي عند حدوث اي مشكلة
السلام عليكم
مافي اي لغة حوار بيني وبين زوجي عند حدوث مشكله يعني مثلا اذا حصلت مشكله يرفع صوره ويسوي نفسه معصب وانه راح يضرب وانا اخاااف من اسلوبه يسوي كدا لأنه هو الغلطان .. ما يعطيني اي فرصه ادافع عن نفسي .. فاظطر اسكت .. لكن داخل قلبي مقهوره منه .. الصمت والرضا بالواقع .. صعب جدا على اي انسان مظلوم .. وكان طريقه دفاعي عن نفسي الهروب الى بيت اهلي حصل هذا مرتين .. في المره الثالثه .. خرجت الى بيت اهلي بعد مشكله .. فتزوج وادخلها بيتي وعند بناتي .. ثم بعد شهرين طلقها .. وبعد سنه تعرف على واحده عن طريق صديق او عن طريق النت .. لا اعلم .. وتزوجها مسيار .. لاحظت تغيره في الفتره الاخيره .. استأذنت منه في الذهاب لبيت اهلي لأرتاح شهرين .. وافق وبعدها بأسبوع ارسل كل اغراضي .. واحضر حبيبته لبيتي وعند اطفالي .. طبعا هو مرتاح نفسيا وجسديا وانا النار مولعه في قلبي .. من استهتاره .. للعلم هو يذهب ويخطب بنفسه بدون مشورة اهله .. يعني يخطب ويتزوج ثم يخبر اهله بالموضوع ويضعهم امام الامر الواقع .. اكثر شي يثير غرابتي موقف اهل البنت .. كيف يوافقوا يزوجوه بدون اهله .. حسبي الله عليه ونعم الوكيل ... |
رد : هل مر عليكم مثل هذا الشخص !!
تدرين وش حلك الوحيد
والله العظيم لا انا ولا اي شخص بهالمنتدى رح يفيدك حلك الوحيد اللي بيريحك، انك تفرشين سجادتك تالي الليل وتشكين له ظليمتك مثل ما شكيتي لنا الحين هو القادر سبحانه على نوعية زوجك |
رد : هل مر عليكم مثل هذا الشخص !!
حبيبتي لا تزعلين مني بس انتي بخروجج لي بيت اهلج عطيتيه الضوء الاخضر ان اييب وحدة بدالج
زعلي بس في بيتج وفيه طرق كثير تخليه يراضيج لو كان غلطان الله ييسر امرج يارب |
رد : هل مر عليكم مثل هذا الشخص !!
طيب ليه تتركين بناتك ليه ماتاخذينهم إذا مصرة على الخروج مع إنه غلط لكن تركك لهم ماتدرين عن المخلوقة هذي اللي يدخلها واللي ترضى إنها تدخل على عفش مو لها وزيجة اي كلام هذي كيف تكون أخلاقها وكيف تأمنين بناتك عندها الله يهديك .
|
رد : هل مر عليكم مثل هذا الشخص !!
الله يعينك ويفرج همك امين
عزيزتي فرح طيب ما فيه أي تواصل بينكم ليش ما تحاولي تكسبيه لصفك مبدئيا لحتى ترجعي حقوقك منه |
رد : هل جزاء الإحسان إلا الإحسان !!!
تم دمج الموضوعين لارتباط المحتوى
|
رد : هل جزاء الإحسان إلا الإحسان !!!
شكرا اخي مارد الجنوب
اللي حصل .. فكرت كثير . استخرت الله كثير .. كل مره استخير على شي .. مره على الطلاق . ومره برفع دعوة خلع. . ومره باني اشكيه للمحكمه عشان يرد اموالي .. بعد الاستخارة اشعر بحراره في قلبي .. قلبي رافض اي شكوى .. واستقريت علي اطلب خلع وبعدها اطالب بحضانة بناتي وارفع دعوة اطالب بمالي اللي عنده .. .. اتصلت عليه مره ولا ارد ابغى اعرف نهاية القصه . اتصلت على امه ما ردت .. قلت في نفسي يمكن مرتاح مع ام المسيار وخايف لو رجعت انكد عليه .. ربما .. هو عنيد جدا .. المهم ارسلت رساله ذكرت فيها اني اتصلت وحاولت الصلح وانت رافض ويخيرته بين. شيئين اما يطلق بدون مشاكل واترك بناتي عنده ويزوروني كل اسبوع .. او اذا رفعت دعوه خلع راح اطالب بعدها بحضانة البنات .. وارسلت نفس الرساله لأمه .. |
رد : هل جزاء الإحسان إلا الإحسان !!!
طبعا كنت ناويه لو وصل الموضوع للخلع اخذ بناتي واعيش معهم في شقه .. بيت اهلي بيت العائله ومفتوح للكل فصعب جدا اعيش ببناتي هناك . فكرت اخذ شقه واعيش مع بناتي .. وهو يكمل حياته مع من هدمت بيته وشتت اطفاله بسببها ..
طبعا اغلب ردوده ان الخلع مو بالسهل .. هو طالب يتم كل شي عن طريق اخواني .. واخواني متفقين يتفاهمون معه بشرط يحضر احد من اهله وهو رافض هذ الطلب .. حسب ما فهمت هو حاب بتفاهم على موضوع الفلوس بالأول .. يعني راح يشرط شروط تخدم مصلحته .. يعني ممكن يطلب تسديد الدين في 15 او 20 سنه .. وهذا صعب جدا بالنسبه لي ويعتبر استغلال .. غير حريص ابدا على مصلحة بناته .. كيف يرضى لواحده غريبه .. مادري من اي بيئه جابها .. وكيف اخلاقها وتربيتها .. كيف يسمح لها تجلس مع بناتي وهم صغار .. زواج تم في ايام قليله متى سأل عنها ومتى عملوا الفحص الطبي ومتى بانت النتيجه .. انسان متسرع في كل شي |
| الساعة الآن 02:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©