|
رد : علاقات عائلتي المدمره،،،هل ممكن تترمم بيوم من الأيام؟؟
اقتباس:
أكيد تعرفي أنه شرعا ما تجوز القطيعة بينكم .. وانتي مو مرتاحه لوضعكم .. ولهذا مفروض ترجعي علاقتك فيهم كلهم ... الان تعلمتي وتعرفي الحدود المفروض تكون بينكم وتعرفي كيف تتعاملي معاهم لكن القطيعة مرفوضه :) الان انتي أحسنتي لهم وبذلتي وطلعوا لئيمين وما بان فيهم المعروف .. خلاص اكتفي باجر رب العالمين واستغني عن اعترافهم بجميلك وصنيعك معهم . على الأقل يستاهلوا منك الشفقة على ضعفهم وقلة حيلتهم .. لو كانت سعاد شخصيتها قوية ما كانت سكتت ولكان عندها الشجاعة توقف معك مثل ما وقفتي معها . يهمني توصلي لراحتك النفسية ولهدوء داخلك حتى تمشي بحياتك بدون معوقات بسببهم ... ليش تسمحي لهم يخربوا عليك نفسيتك وحياتك ؟؟ ما يستاهلوا ... وهم الخسرانين بالنهاية . ليش تسمحي لهم يأثروا على صورتك أمام أخوك وأبوك وأمك ؟؟؟ بعصبيتك ونرفزتك سمحتي لهم يخربوها . هو كانوا لئيمين .. مفروض هم اللي يخسروا مو انتي ... وهم فعلا خسروكي كحليف وسند ... خلي الطوفان يوقف هنا ولا تخليه يوصلك وتخسري انتي من نفسيتك وأعصابك وتأكدي أنك لما تتصرفي معاهم بشكل طبيعي ( رسمي لكن طبيعي ) بدون ميانه زايدة .. وقتها راح ترجعي تكسبي أخوكِ والباقيين اللي يهموكِ .. عندنا مثل يقول الشمس ما تتغطى بغربال ( منخل :))ولا يصح الا الصحيح وبالنهاية راح تتكشف الأمور أمام اخوكِ ويرجعلك مثل أول . حتى هم اخرتهم بيعرفوا غلطتهم ومقدار خسارتهم ويرجعوا بعد ما يكون فات الأوان . نصيحتي لك ما تبعدي عن الكل ولا تفقدي الأمل وبنفس الوقت لا ترجعي مثل زمان تعطي بدون حساب واسمحيلي أقول لك خالد عليه وزر كبير ويتحمل جزء كبير من مشكلتك ... الله يسامحه لو خطبك ووفا بوعوده ما كنتي بهذا الوضع سواء مع خواتك أو الضغط النفسي اللي انتي فيه ... انسيه حبيبتي واللي باعك بيعيه ما يستاهلك .. وشوفي احد من الخطاب مناسب لك ووافقي عليه |
رد : علاقات عائلتي المدمره،،،هل ممكن تترمم بيوم من الأيام؟؟
اقتباس:
للأسف انا جدا عصبيه ووضعي النفسي كان سيئ جدااا ولازال ،،مع انو كلامك مستفز جدااا وماادري تبغي توصل لأيش بالضبط بس راح اجاوبك،،، مافي شي محرجني ولا محرجه اصلااا من شي،،، ازعل ايوا غصباااا عني من اللي صاير،،،، ذكرت افضالي عليهم بعد ماانكرت اني سويت لها اي شي،،،، بس اللي يبغى يشوف يعين وحده يشوف الظاهر له فقط، |
رد : علاقات عائلتي المدمره،،،هل ممكن تترمم بيوم من الأيام؟؟
اقتباس:
خالتو يبغى لي فترة طويله عشان اتوازن نفسيااا،،، القطيعة انا ماابغاها بس فرضوها عليا بالبداية وعشان مين الزعل هادا كلو عشان مااستقبلت مكالمة من شخص ماابغى اكلمه،،، لايمكن اتراجع واصلا مااقدر حتى لو فكرت مو مسالة كرامة مسالة جرح كبير وجحود ،،، همه خسروني للابد بإذن الله،،، ولو احد تدخل واصلح ( مع اني استبعد خاصه في الفترة هادي) راح يكون ظاهري والقلوب مشحونه،،، الله يسامح خالد ،،،،كأنو مافي في هالبلد الا هالولد،،،، انا مااحد ملى عيني وقلبي وروحي وحياتي الإ خالد،،،،كنت ولازلت وراح اظل للأبد مااشوف غيره،،، وهادا شي مو بيدي،،، |
رد : علاقات عائلتي المدمره،،،هل ممكن تترمم بيوم من الأيام؟؟
اكثر شي قاهرني اني مو قادره اساعد اختي المريضه بيني وبين نفسي اقول اكيد نسخة اخواتها بكرة النهار راح تسوي مثلهم ماابغى اساعدها واندم اعرف انو الشيطان جالس يوسوس لي بس والله احاول ،،،، |
رد : علاقات عائلتي المدمره،،،هل ممكن تترمم بيوم من الأيام؟؟
بكره عندي مقابلة شخصية
،،،، يمكن الشغل يسليني شويه ويطلعني من الاجواء المشحونه بالبيت،،، مع انو بعيد تماماااا عن تخصصي بس مااحد يدري الخيرة فين دعواتكم ،،، |
رد : علاقات عائلتي المدمره،،،هل ممكن تترمم بيوم من الأيام؟؟
اقتباس:
الله يوفقك بهذا الشغل اذا فيه الخير وييسر أمرك |
رد : علاقات عائلتي المدمره،،،هل ممكن تترمم بيوم من الأيام؟؟
هاذي ساندرا اللي كانت بتموت على اهلها لما فكرت انو اخوها طالع للجهاد ...؟!!!
يا عمري انتي تحبيهم بس الفترة هاذي شوية صعيبة ﻻ تفكرين فيهم عشان ﻻ يكبر لك إبليس خطاياهم هذا شي والشي الثاني ( ترى قرفت من سيرة خالد ) اذا نويتي فعلا انك تتخلصي منه زي ما قلتي ﻻ عاد تكتبي اسمه عشانك مو عشاننا ﻻن احنا ما نستفيد منه شيء انتي بتتضرري كل ما كتبتي اسمه . ساندرا انتي حجيتي و تقربتي لربنا بشي مرة فضيل ماشاءالله ربنا يقول ادعوني استجب لكم جاهدي نفسك و ادعيه يؤلف بينكم و كثفي الدعاء هذول عزوتك و سندك ﻻ تظنين انك اذا كرهتيهم بتفلحين او هم بيفلحون و كحل مبدئيا ابتعدي هذي الفترة و انشغلي بوظيفتك من خلال سطورك حسيتك كأنك تترقبي الزلة عليهم عشان تنفجري وهذا غلط .. انتي عمرك ماراح تنبسطي اذا صار فيهم شي بسببك او بسبب اي احد و الدليل دموعك وقت غياب اخوكي و تفكيره بالجهاد ترى وضعكم طبيعي وﻻ يجي في بالك ان وضعكم سيء فيه اللي اخس منكم بمليون مرة و تنحل مشاكلهم و لو تبغين رايي بصراحة اكثر انتي تتحملين نسبة من الخطأ انتي الكبيرة و العناد راكبك مفروض كنتي الين من كذا ﻻ تزعلين عاد انا ما اعرف اجامل |
رد : علاقات عائلتي المدمره،،،هل ممكن تترمم بيوم من الأيام؟؟
مرحباً ساندرا العنيدة ^_^
كنتُ سأكتب رد من أول ماوضعت الموضوع لكن ماأحببتُ .. ساندرا سأتكلم معكِ بكل حقيقة دون مجاملة بكِ .. اقبليها مني ولا تزعلي فاأنا لاأعرفكِ ! ساندرا أخوانكِ شعروا بغربة وخاصة أنتِ تعلمين وقلت هذا خالد هو السبب نعم هو السبب ! وأنتِ فعلتِ جو شعروا بشيء ما تٌخفيه ! وعشتِ بجو العزلة والوحدة ! وهذا شيء متعب عليهم عندما يرون أختهم هكذا ! أعلم أحياناً يكون الواقع أشد سطوة عليكِ ! فقصة خالد وأخوانكِ معاً جعلت قلبكِ كالنار لايتحمل أبداً وصرتِ عنيدة وقوية وأعلم من داخلكِ شيء جمييل جداً ..! لكن أنصحكِ ياحبيبة لاتجعلي خالد وقصته تُفسد حياتكِ مع عائلتكِ مهما كان حجم قسوتهم ! إذا كنتِ ترينهم قاسيين عفكرة قسوة الظالم لاتدوم ..! اطمئني وقري عينا !! ساندرا اخرجي خالد من عقلكِ كفى يافتاة !!! من هذا الذي يسلبكِ حياتكِ مع من تحبين من ياساندرا من ؟! هذا مخلوق ضعيف !! وقهرني لما كتبتِ لن أنزعه من قلبكِ وسيظل حبه !! لما ياساندرا!! ساندرا !!! إقري موضوع بنت قبليها عن البحث عن الله مع انليمتد الحبيبة !!! ساندرا أنا قاسية معكِ اليوم !!! فلا يهم إذا كان الرد لا يعجبكِ لكن هذه حقيقة !! أفيقي ساندرا !! أخوانكِ بحاجة ساندرا القديمة وليس هذا القناع الذي لا يُليق بكِ .. أنتِ طيبة رائعة فلاتجعلي خالد يفقدكِ حياتكِ انتبهي ساندرا إياكِ ستندمين وتضيعين فرص جميلة مع من يحبوكِ !! تأملي أساليبكِ معهم تأملي حياتكِ والتغيير ستجدين نفسكِ عندما تبحثين عن الخلل جيداً ستعرفين الحل !! وفقكِ الله لكل خير .. وسامحيني على قسوتي ! |
رد : علاقات عائلتي المدمره،،،هل ممكن تترمم بيوم من الأيام؟؟
اقتباس:
انا بحاول اساعدها وبحملهم جزء من المسؤولية ماابغى اشيل كل شي لوحدي زي زمان |
رد : علاقات عائلتي المدمره،،،هل ممكن تترمم بيوم من الأيام؟؟
اقتباس:
انا احب اخويا اللي كان بيروح وهو صديق واخ ومااستغني عنه سلوى كمان احزن عليها بجد لأنها كيبه بس شخصيتها ضعيفه سعااااد لا اكرهها بشكل ماتتصوريه ومااقدر ابررلها بأي شكل مع اني احاول بس ماالاقي لها مبررات مااقول الا انها لئيمه لئامه الله وحده العالم فيها وهيه اللي جالسه تولعها من كل الجهات،،، خالد مو بيدي افتكره هو داخل بكل تفاصيل حياتي ،،،، من زمان قطعت علاقتي فيه وانتي عارفه،،، واجاهد عشان انشغل بااي شي وانسى ولازلت،،، انا متضايقه كثير لانو بجد احتاج اخوات وماالاقي ليه اروح لصحباتي واطلب منهم المساعده ،،، ليه اطلع معاهم ومااطلع مع اخواتي ،،،، ليه يتكلموا عليا قدام الناس ؟؟؟؟؟؟ وتبغي الصراحه بجد حسيت اني اشغلت نفسي فيهم وصرت اعدد زلاتهم ،،،، وحضرتهم مايغيبوا عن البيت كل يوم عندنا ،،،، ادعي الاقي الشغل اللي يخليني ارجع البيت مهدوده وانام وماالاقي وقت لهم ،،،، |
| الساعة الآن 06:21 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©