|
رد : متعلقات الزواج السابق كيف يمكن التخلص منها
بعض مرات وانا اقرأ معاناة المطلقات استنكرها بشدة
مااحس كل شي صار لي زيهم ماتعلقت معي وﻻ ذكرى خاصه فيه ماعمره مر على بالي ذاك الآدمي صح بعض مرات احلم فيه لكن ما اهتم ابد وﻻ افسر نهائي بديت احس اني غريبة ، ماني مطلقة زيكم طيب ليه أنا كذا ...!!! |
رد : وش سويتو بالصور والذكريات وفستان الزواج
اقتباس:
لكنتي تخلصتي من كل شوائب الزواج المؤلمة انصحك بشيء جربته اذا حقدتي على احد ادعيله في صﻻة الليل وربي ان كل مشاعرك السيئة تتبخر مو بجهد منك لا .... راحه من الله كان بحياتي انسانة ما احب وجودها بحياتي و كنت اشوفها سيئة و عيوبها كثير و تضايقني لين سمعت درس عن الكره و الحقد و الحل ان الانسان يدعي للشخص اللي يكرهه و يهديه هدايا و طبقت الشي هذا على الانسانة هذه و الله العظيم اني اصبحت اشعر تجاهها بمشاعر اخرى غير الماضي صارت عﻻقتي فيها جدا راقية و زارتني في البيت و صارت اشياء ما توقعتها تصير بسبب دعوات في السجود برغم اني ما كنت ابغى شي غير انو قلبي يصبح سليم من الحقد . والحمد لله ربي جازاني بشيء جميل انصحك طبقيها و راح تذوقين راااااحه . الله يفرج همك و يرزقك من واسع عطاءه |
رد : متعلقات الزواج السابق كيف يمكن التخلص منها
الله يعين
ببدى ادور مكان لتاجير الفستان والمكياج انا قاعده استخدمه بس العطور وزعت كثير منها االله يعوضني يارب عندي لكم سؤال انا لي حق نفقه عند زوجي تقريبا عشر الاف ريال وقالي ابوي تبغيها روحي اخذيها من المحكمه بس اجراءاتها تطول ولازم ارفع قضيه ومشوار والاصعب احتمال اشوف طليقي شرايكم ارفع قضيه ولا اخليها |
رد : متعلقات الزواج السابق كيف يمكن التخلص منها
خليه و انسيه اختي
مافي داعي تفتحي جروحك علئ نفسك وقتها أموال الدنيا ما راح تفيدك يمكن تشفي غليلك |
رد : متعلقات الزواج السابق كيف يمكن التخلص منها
اقتباس:
عادي تراه زيه زي هندي البقاله ما يعني لك شي الا اذا تبين تخلقين لنفسك جو ضيقة هذا شي ثاني يا شيخه شوفي نفسك و فلوسك بعدين عادي خليها تطول اهم شي تاخذين حقك كامل ارفعي قضية و انسييييييها ، متى ما جا وقتها بتستعدين ﻻ تضيعين لحظة من عمرك تفكرين بشيء ما يفيدك فيه إصدارات حلوة للدكتور صﻻح الراشد ياليت تسمعينها بتعجبك حاسة طلي عليها باليوتيوب انا الشبكة عندي سيئة وﻻ كان دخلت و جبتلك اكثر من رائعه .ﻻ تفوتينها ع نفسك مبتعثة |
رد : متعلقات الزواج السابق كيف يمكن التخلص منها
ياجماعه انا طليفي مايعني لي شي كلها
انا ازعل على احساس الامومه والرغبه بالاستقرار بس طليقي مابيني وبينه شي الي ردني من اخذ حقي مع انه المفروض اخذه طليقي مادفع شي بحفله الزواج ولاشي الي ردني شئين امي مو راضيه تقول لاتدخلي محاكم خاصه ماعندك اطفال تبغي نفقتهم ةثاني شي اخاف يتكلم طليقي ويكبر الموضوع عند الناس ويقول فلانه رافعه علي قضيه وشوفته جد ماابغاها ام خالد هندي البقاله ماغثني وظلمني اخاف تنفتح كل جروحي الي مفكره اسويه اعطي محامي فلوس يتكفل بالقضيه وياخذ حقي منه بدون مااحضر هالمبلغ يفترض ان طليقي يسلمه لابوي واهلي تعويض لي بدون ماارفع قضيه خاصه ان هو الي طلق وسعى بالطلاق |
رد : متعلقات الزواج السابق كيف يمكن التخلص منها
إذا كان اللي رح تصرفيه عشان تستجدي هالمبلغ مقارب للعشرة آلاف
مافي داعي له اتركيها واحتسبي الأجر وإذا كان اللي رح ينصرف قليل جداا مقارنة بالمبلغ خذيها حبيبتي تفك زنقة عشرة مو شوي بعدين حبيبتي حتى لو شفتيه بالأخير هو كان زوجك ويمكن حتى ماتصادفيه بالمحكمة يمكن تصادفيه بأماكن ثانية فخلي الوضع طبيعي موفقة |
رد : متعلقات الزواج السابق كيف يمكن التخلص منها
اقتباس:
ما عندك اولاد منه ودخلتك للمحكمه ماهي على سنع وسكتي كل هالمده بعدها تكلمتي معناها انك منقهره وتفكرين فيه وراح يشهرون فيك ان راعية محاكم وتنقلب عليك ومحد يقرب لك ويطق بابك وبالنهايه كلها 10 الاف يا بلاش !! راتب شهر واحد ! والله ما تسوى غير خساير المحامي راح تتعبين نفسياً |
رد : متعلقات الزواج السابق كيف يمكن التخلص منها
انا مو رادني اﻻا كلامك يابدوي
مع انه حقي بنصل بالمحكمه اذا يقدرون يخلصونه من عندهم كان بها اذا لا ولازم مشاوير واوراق بخليها بذمته |
رد : متعلقات الزواج السابق كيف يمكن التخلص منها
اقتباس:
ما استفدتي راح تصيرين راعية محاكم حتى لو ما دخلتيها اهله ( الحريم ) راح يشهرون فيك ووقتها محد يقرب لك منتي ناقصه وشكلك متعلقه فيه الى الان ودك يرجع لك بس منتي عارفه اشلون |
| الساعة الآن 12:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©