|
رد : زوجي يضربني/ابو حكيم وBeta
اقتباس:
خلينا حريصين وهادين وبعيدين حبتين ... نشوف حيحصل ايه وحيتصرف ازاي وبانتظارك حبيبتي بأي وقت تحبي تكتبي مستجداتك :) |
رد : زوجي يضربني/ رؤوف/Beta
السلام عليكم ، اشكركم كثيراً للوقوف بجانبي والاهتمام بمشكلتي فكم اشعر بوحدة رهيبة ، والله دائماً اشعره بحبي وهو يعلم اني احبه ، نعم هو يغير بشدة وانا اراعي هذا دائماً في تصرفاتي، سأظل بعيدة وانتظر بس اريد ان استفسر هو الآن يعتمد علي نفسه في الاكل حتي لا يطلب مني ، طيب بالنسبة الي باقي الاشياء يعني مثلاً غسيل ملابسه ووضعها في اماكنها وتعليقها وهكذا ، هل اقوم بكل هذا عادي ولا اجعله يعتمد علي نفسه برده بما انه يقول لي مش عايز حاجة منك؟ وشكراً
|
رد : زوجي يضربني/ رؤوف/Beta
برايي تعمليها عشان لما يتفتح الموضوع بعدين ما تعطيه فرصة يركز على تقصيرك في الحاجات دي لو ما عملتيها ، ويشتت نقاشكم عن غلطه هو
|
رد : زوجي يضربني/ رؤوف/Beta
حاضر ، شكراً
|
رد : زوجي يضربني/ رؤوف/Beta
اقتباس:
صباح الخير يايسريه .. عملتى ايه اميارح بالليل .. قمتى صليتى القجر وقابلتيه ولا لا ؟ واجباتك لا تقصرى فيها .. مش عشان ماتديلوش فرصه ياخد عليكى موقف . انما عشان انتى بتحبيه وهو ابو عيالك .. حتى لو طلبك يايسريه ماتمنعيش نفسك عنه انما حسسيه انك بتعملى كده ارضاء لربنا مش عشان انك عاوزه .. لما يفتح معاكى الموضوع ركزى فى نقاط محدده وماتغرزيش فى تفاصيل فرعيه .. اكدى على الاحترام وعدم مد الايد وان تنازلك سابقا كان لانك تحبيه وباقيه على الاولاد لكنه لو كررها حايخليكى تكرههيه وده انتى مش عاوزاه .. ان قالك انك مش بتسمعى الكلام وبتردى على فيهميه ان ده من تصرفاته وغصب عنك وانا اسفه .. لكن الاعتذار عندما تجديه اصبح متفاهما وقابل للحوار لو فيه مستجدات حاتلاقينا جنبك ماتخافيش .. |
رد : زوجي يضربني/ رؤوف/Beta
السلام عليكم استاذ رؤوف، انا قمت قبل الفجر وصليت ودعيت ربنا كثيراً، لم اراه لأنه لا ينام معي ف الغرفة فهو ينام ع الكنبة في الليفينج وهذه عادته عندما نتخانق.
هو اصلا حتي لا يقول لي صباح الخير او السلام عليكم عندما يعود من الشغل لا يكلمني ولا ينظر لي ولا يطلب مني شيئاً وعندما يريد الخروج يدخل الغرفة ليغغير ملابسه وينزل من غير ما يكلمني وانا عملت زي ما حضرتك واستاذة beta قولتولي اجلس ف غرفتي ولا افتح معه اي حوارات لانه لا يرد علي، لا اعرف ان كان هذا صحيح ام خطأ.شكراً لاهتمام حضرتك |
رد : زوجي يضربني/ رؤوف/Beta
لا اعرف الي متي سيستمر هذا الوضع هو يحاول ان يثبت لي انه جاد ف قرار الانفصال فهذه عادته بس انا قبل ذلك كنت اتحايل عليه واقول انا بحبك وبلاش نهدم البيت يوم اتنين تلاتة الي ان نتصالح لكن المرة دي انا مبكلموش خالص
|
رد : زوجي يضربني/ رؤوف/Beta
اقتباس:
الموضوع عايز صبر علشان نوصل للى احنا عاوزينه لازم نستحمل .. هو لو لقاكى جيتيله زى كل مره حايعرف ملكتك منين ويجيب اخرك ... لا . لازم يعرف ان المره دى مش زى كل مره .. تماسكى وخليكى ساكته .. مش هو اللى قال ننفصل فى الشقه .. صدقينى هو اللى مش حايصبر . بس اوعى تنخى .. |
رد : زوجي يضربني/ رؤوف/Beta
حاضر يا استاذ رؤوف ، ربنا يجازيك خير ع اهتمامك ويا ريت تفتكرني معاك بالدعاء.
|
رد : زوجي يضربني/ رؤوف/Beta
اقتباس:
حاضر حادعيلك يسريه .. انتى زى بنتى .. واللى مارضيهوش على بنتى ماارضيهوش على حد .. |
| الساعة الآن 02:28 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©