|
رد : مشاعر الكره و الإحباط تجاه اهل زوجي
اختي مثلج حالتها
هالايام ما عندهم شغل ثاني غير انهم يشوفوني شو عندي وشو اسوي يراقبون في بيبي ام واتس اب انستقرام كل مكان. وانا بعد كرهتهم مثل اختي حسبي الله ونعم الوكيل |
رد : مشاعر الكره و الإحباط تجاه اهل زوجي
الظاهر انهم فاضيين لا شغل ولا مشغلة بس هذي زوجة الاخو يتفرغولها
لا عليك منهم اشفقي عليهم انصحك وانا اختك ضعي هدفا امامك وهو كسب زوجك وتحملي كل شئ زوريهم وانت طرشة لا تسمع شئ واكسبي زوجك لصفك بعدما يرتاح انك تحبين اهله ويتعلق بك اكثر انسحبي تدريجيا لا تقولي على زوجك بالطقاق ترا هذا يرجع عليك لقدر الله انصحك انك تجيبي ولد ثاني حتى تتحججي بولادك انك ما عندك وقت كافي وراح يكون برنامجك مكتظ ولا تقولي لزوجك ان ما اروح لاهلك لان اكره بل قولي ما عندي وقت اليوم كان زرت امك لا اعلم ان فهمت علي لكن ما اردت قوله جهزيه من قبل اي برئي نفسك امام زوجك قبل اتهام حماتك كل مرة تحججي يامر منطقي |
رد : مشاعر الكره و الإحباط تجاه اهل زوجي
جزاكم الله خير
يعني الردود تكون جاهزه من قبل و تكون منطقيه فكره حلوة و بحاول اطبقها ان شاء الله |
رد : مشاعر الكره و الإحباط تجاه اهل زوجي
بصراحه مشاعر الكره و الإحباط اتغيرت الآن الحمدلله لأني صرت اعرف شوي كيف اتصرف معاهم ؟؟؟ الطيبة ابدا ما تجيب معاهم أي نتيجه و للأسف زوجي طيب و يحاول معاي ارجع طيبه بس انا مستحيييييل ارجع طيبه معاهم ان شاء الله :25: الأحداث اللي صارت حديثا : * زوجي قاللي امي تبغى بخور و فيه بخور اماراتي يجنن ايش رايك نروح نشتريلها <<< مدري لين متى بيشتري حبهم لي << و هم ما راح يحبوني ابدا قلت له ابدا ما راح اشتري لأمك أي شي اذا تبغى انت روح اشتريلها و اهديها انت انا مالي شغل :11: طبعا عصصصصصب علي قال كلام ملخبط ماله داعي و امي اللي جابتني ع الدنيا خخخخخخ قلت له طيب حتى انا امي اللي جابتني ع الدنيا و الله :26: * شوي بشويه بطل يضغط علي لا في الروحه و لا في الهدايا * اتصلت اخت زوجي تقولي سوي الحلا الفلاني و صينية مالح و تعالي جاييينا ضيوف قلت لها ما عندي طلبات و ما قضينا << انا عندي طلبات و اول من غبائي كنت حتى لو ما عندي طلبات اوصي اجيبها و اسوي قالت لي خلاص بنجيب لك الطلبات برسل ولدي للبقاله !!!! قلت لها : مدام راسله ولدك للبقاله عشان الطلبات طيب بعطيك الطريقه و انتي سويها :22: << الحمدلله حققت انتصار و اخيرا و مع اني قلت هذا الكلام و انا ارجف لأني ما احب ارد احد :21: بس خلاص هبة الغبيه راحت المهم بعد كده قلت يا انهم بيلينون معاي او بيزيدوا قسوة لكن استغرررررررربت جدا ان ام زوجي لآنت و الباقين لأ ام زوجي جاتني البيت و اشترت لولدي ملآبس و هذي اول مره تشتريله :d صراحه انا فرحت اول مره تسوي شي زي كددا بس برضه عرفت اني انا الغلطانه و انه الطيبه ضرتني و ما نفعتني الرسمية و القوة افضل في التعامل مع اهل الزوج هذا اللي اكتشفته و الله اعلم |
رد : مشاعر الكره و الإحباط تجاه اهل زوجي
<< الحمدلله حققت انتصار و اخيرا و مع اني قلت هذا الكلام و انا ارجف لأني ما احب ارد احد
يا لطيبة قلبك أختي هبة،،، و بالفعل اللي طيب بالهبل يكون عرضة للاستغلال، أنا كمان مثلك طيبة و أداري مشاعر الناس لكن في الاخير أجد نفسي عرضة لاستغلال بشع، فانتفض، لكن بعد ايش؟؟؟ المفروض من البداية الواحد يكون قوي و يحط حدود و اعتبار لنفسه،،، عساني أتعلم بس،،، عموما الحمد لله أنو حماتك لانت، الله يهديها و يحببك اليها و يصلح العلاقة بينكم،،، و اخوات زوجك ما عليك سوى بالرسمية معاهم الى أن يلينوا هما كمان،،، الله يسعدك يا رب،،، |
رد : مشاعر الكره و الإحباط تجاه اهل زوجي
اي و الله الله يسعدك يا سفيرة لمو
احس اني تحررت و الله ههههه صراحة كنت بشد معاهم من زمان لما ما كان فيه تقدير او احترام و مو حب ما ابغى الحب منهم بس التقدير و الاحترام لكن كان ينظر لي على اني العدائيه و زوجي مستسلم !!!!!! لكن ما عاد يهمني و الله و للعلم ما عمرهم ساعدوني و لا عمري طلبت منهم شي و لله الحمد فلذلك وحده بوحده و البادي اظلم |
رد : مشاعر الكره و الإحباط تجاه اهل زوجي
الله يوفقك شفتي القوي بيبان من اول نظره 😂
|
| الساعة الآن 10:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©