|
رد : صديقتي ومشاكلها مع زوجها بسبب اخته
اقتباس:
انت مستوعبة المعاناة اللي تعيشها والمشاكل اللي صايرة بسبب هالشقة،؟ يعني لو جلسوا فيها بعد هالشي يمكن يدمر علاقتهم بسبب هالمشاكل،، فالأفضل يستأجرون ويريحون ويرتاحون،، ومرة بلا زوج خير من زوج بلا فايدة |
رد : صديقتي ومشاكلها مع زوجها بسبب اخته
حسبي الله ونعمم الوكيل ... يحسبون ان الزواج والطلاق امر هين
لو الرجل ما يقدر يتحمل مسئوليته كزوج يحترم زوجته ويحافظ عن كرامتها ليش يتزوج هم في بالهم ان المرأة لعبة في ايدهم متي يبونها يخلوها عندهم ويوم يملون منها يبحثون عن اشياء تافهة لتطفيشها وتطليقها لاحول ولاقوة الا بالله ربي في الوجود ويمهل ولا يهمل |
رد : صديقتي ومشاكلها مع زوجها بسبب اخته
الغلط بصراحه من زوجها،،وهي تطنشهم وماعليها من احد ..يعني موضوع يفضح ليش التحقيق فيه؟؟لها او مو لها ش هاللقافه!!!خلاص لاتصغر عقلها لهم وبكيفهم يقولون اللي يبون ترجع وماعليها منهم
|
رد : صديقتي ومشاكلها مع زوجها بسبب اخته
مستوعبه معالي بس اذا الزوج ماعنده امكانيه ايجار والشقه مجانيه وين يلقى شقه اخرى بدون اجار
الحل انها تطلع وهي الي تدفع الايجار من راتبها ساعتها بتبدى مشاكل اخرى منها عدم احساس بالقوامه |
رد : صديقتي ومشاكلها مع زوجها بسبب اخته
معالي هم اخذو عنها فكره انها مهمله ومش راعيه بيت والمواقف بغض النظر عن الاخت لان الموجرين دايم لهم مواقف مع صاخب البيت الا مايخرب شي ويتهم صاحب البيت الموجر بالاهمال هالمواقف دايم تصير ولكن تصير اصعب ان كانت بنطاق العائله
طبيعي الزوج بيصدق اخته لانهم اصحاب فضل عليه ساكن ببلاش وسالفه القطعع الداخليه غلطانه الزوجه الحين زوجها اخذ عنها فكره انها كذابه النفروض انها تصلرح بس زوجها تقول كذبت على اختك حياء وخجل وانا صراحه بموقفها بسوي زيها لكن زوجي بصارحه عشان ماياخذ فكره اني كذابه ًويصدقني بمواقف ثانيه المشكلع الحين الزعل والبعد يمكن يخلي الزوج فعلا يطلق اذا لم يكن هناك اطفال |
رد : صديقتي ومشاكلها مع زوجها بسبب اخته
اختي معالي حسيت ان صديقتك عنيده شوي ،،
حطيت نفسي بمكان زوجها وساكن عند اخته وقاعده تزن ع راسه حنفيتنا نسيتوها ونسيتوا غرض .. الخ هو مُحرج من اخته اكيد ،، تخيلي انتي وزوجك ساكنين ببيت اخوك وكل شوي يعطيك اخوك ملاحظات ع زوجك وقف بمكان سيارته ، نسى الباب مفتوح .. الخ اكيد وضعك راح يكون محرج شوي ،، ومايقدر يهاوشهم لانه ساكن ببيتهم !! ومرغم اخاك لا بطل يعني وش يسوي هو حسيته متمسك فيها لما قال اعلقك وهي قالت اخلعك !! تخيلي تتمسكين بأحد وفي المقابل يبيعك ! شعور يجرح شفتي كيف انجرحت البنت لما قال عطيني مفتاح بيتي !؟ كيف شعوره هو لما قالت له اخلعك ! لا يؤمن أحدكم حتى يحب لأخيه مايحب لنفسه صح زوجها موقفه سلبي من اخته بس وش يسوي يعني يهاوشها وهو ساكن ببيتها !؟ ويمكن هو قليل خبره ،، الحل الآن : أحد أمرين 1/تتصل على زوجها وتبين له انها تبيه وتحبه ومتمسكه فيه ولكن تدخلات اخته فوق طاقتها ومقدره انهم ساكنين ببيتها بدون مقابل وجزاها الله خير على وقفتها معهم ولكن في المقابل اخته تحترمهم شوي لاتبطلوا صدقاتكم بالمن والأذى ويمكن الزن من زوج اخته؟! وتبين لزوجها قصه الغرض وحقيقتها ،، طبعا بأسلوب لين ،، لأن حسيت صديقتك شديده شوي وعنيده ،، وتبين لزوجها ضرورة انه يفهمها ومايتهمها ،، ومهما قالت اخته يكون حيادي ،، وتصبر ع السكن معهم الين الله يفرجها عليهم 2/ بإمكانها تساعد زوجها باستئجار منزل لهم - وهذا ليس عيب - خديجة رضي الله عنها ساعدت رسول الله صلى الله عليه وسلم بمالها وحفظ لها معروفها حين قال لعائشه رضي الله عنها ( ما أبدلني الله خيراً منها -يقصد خديجة- وذكر : واستني بمالها حين خذلني الناس) لا تخذلي زوجك في ضيقته وكوني له سند وعون يعني اخته تسانده وانتي مرتاحه ماديا ً وتاركته ، وانتي اقرب له من اخته ؟! بصراحه هذا هو الخذلان بعينه وعشان كذا انحاز لاخته لانها تسانده وتوقف معه في حين غيرها خذله !! واتركي قصه القوامة ، القوامة مو بس بالفلوس والصرف ، ، الرسول صلى الله عليه وسلم افضل الرجال مع ذلك عندما كان محتاج واسته زوجته وساعدته بمالها وكبرت بعينه وقويت علاقتهم اتركي كلام الناس الزوج اذا اعطيتيه من مالك يستهين فيك واذا رزقه الله يتزوج .. الخ ومن هالكلام الفاضي الرسول صلى الله عليه وسلم لم يتزوج بغير خديجة في حياتها !! وحفظ لهامعروفها بعد موتها !! والازواج سند وعون ولباس لبعضهما وبإذن الله يفتح الله على زوجها ويرزقه ويرزقهم الله ببيت ملك ،، ، ويصلح الله حالهم ،، آسفه لقسوتي لكنها لمصلحتك ،، وصاحبي اللي بكاني وبكي علي مو اللي ضحكني وضحك الناس علي :25: |
رد : صديقتي ومشاكلها مع زوجها بسبب اخته
بس احب اوضح نقطه : اذا ساعدته بإيجار منزل
خليها تعمل بالمثل اللي يقول اعمل منيح وكب بالبحر:d ولا تذكر ابداً انها متفضله بهذا الشيء نهائياً لأن هذا يسبب شرخ في العلاقه وجرح عميق لن يزول ( لاتبطلوا صدقاتكم بالمن والأذى) ونصيحتي لها لو انا بمكانها اساند زوجي بمحنته واقول له انا وانت واحد وقد قيل :: يعرف الناس في الشدائد |
رد : صديقتي ومشاكلها مع زوجها بسبب اخته
شكرًا لكل اللي ردوا ، وصلت لها ردودكم الاخيرة وتشكركم،، وعطتني تفاصيل اضافية بناء ع الردود،،
طيب هي ساعدته بمبلغ وقدره وفي دفع مخالفاته اللي كانت كاسرة ظهره ليه ما حفظ لها هالمعروف ووقف مع اخته ضدها ،، وقال والله حرمتي ووو.... كيف بعد اليوم تساعد واحد ما وثق فيها ،، وتقولون تصارحه؟؟؟ انتو شفتو كيف عايرها وهي ما قالت اجل كيف لو قالت بيمسكها عليها لين تموت ،، وتجرأ يقول لابوها وأمها السالفة من غير حيا ولا خجل ،، فكيف لو قالت له وصعبة تقول الان ،، لان الدنيا ما تنضمن بكرة يصير هوشة ولا شي بينهم ويروح يقول الغرض طلع لها اثاري اختي وزوجها صادقين، وهي اساسًا من البداية لمن قررت تنكر ما نوت ابدا تقول لزوجها عشان 100٪ بيقول لأخته في يوم من الايام لان علاقتهم في بعض قوية او يمكن تستدرجه بالكلام زي ما استدرجته بأوصاف الغرض وقال عليه كذا وكذا !!!!!! لا ويقول لزوجته ما يستخدم الحاجة هذي الا انت دايم اشتريها من الصيدلية .. ويقول لابوها نفس الكلام طيب حتى لو تأكدت انه لزوجتك خلاص قل لا ختك تقفل الموضوع وانتهى مو تفضح فيها في كل مكان تبغا تنتشل منها اعترافها على نفسها اللي مستحيل يطلع في موضوع زي كذا؟؟؟؟؟؟ والحمد لله انها ما قالت لزوجها ولا كان ما اكتشفت حقيقة اخته وأنها نبشت ورا الموضوع وما قالت غرض وخلاص .... هي اساسًا عافت زوجها بعد هالكلام وحست انه شبه رجل،، مترددة في الرجوع او لا ،، لانه كلمها امس وقال انه مشغول وانه كلم ابوه وبيجون ،، بس بينتظرون لين تخلص اختبارات وبيجون للتفاهم،، المهم تبغا مساعدتكم في الكلام اللي بتقوله قدام الرجال،، وبالنسبة للي يقولون تساعده،، هو طول ما كان يكلمها قبل يحلف ويقول والله لاتزوج واعلقك ويحلف ويتوعد قدام ابوها وأمها انه بيتزوج ،، الله لا يهينه الفلوس اللي بيتزوج فيها يستأجر ،، بس انه تعود ع البلاش وخلاص أتكل وما يبغى يكلف على نفسه مع ان جاته مبالغ قبل كذا،، وما عليه تنذل زوجته وتنفضح اهم شي شقة بلاش!!!!!!! |
رد : صديقتي ومشاكلها مع زوجها بسبب اخته
يا بنات
حطوا نفسكم مكانها،، جاتك جاراتك بغرض خاص جدا وقالت؟؟ يا فلانة زوجي لقى هالغرض ويقول شوفي هو لجارتك؟؟ بالله وش تردون؟؟؟ ايوا ايوا لي هاتيه الله يجزاك خير من زمان أدور عنه،، ولا اش تقولين ،، حاولوا تعيشوا الموقف عشان تتخيلو ردات فعلكم صح انا حطيت نفسي مكانها بقول نفس الشي،، |
رد : صديقتي ومشاكلها مع زوجها بسبب اخته
معظم مشاكل المتزوجين بتبدأ بشي صغير وبتكبر وبتتسع الفجوة
الله يخزي الشيطان ويلطف فينا عنجد حبيبتي احكي لصاحبتك تقنع زوجها يدور بيت تاني وازا ماقدر يطلع خلي زوجته تخزي الشيطان وتتجاهل الي صار ولاعاد توجع راسها من القيل والقال تعيش متل ماهمي عايشين لاتكدر بالها ولاشي لانه ازا ماعرفت تتعايش وتعدي ماحتقدر تكمل حياتها وحتضل بنكد وهم وغم وغيرها عايش ومبسوط والله يعين |
| الساعة الآن 02:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©