|
رد : اخوي ضربني !
اقتباس:
انه يعتذر عشان سفرتنا بعد ايام وخااايف اغير رايي لاني قد انخطبت قبل فتره قصيره و كان يحاول يفركش الموضوع خايف اني اتزوج وما اسافر معاه اعرف انه جبان لأنه قد صارت مشاكل كثير شباب ضربوه ومدوا يدهم عليه ما فكر ينتقم منهم او حتى يرد لهم ! لكن انا لاني اضعف منه مد يده علي كم مره دخل علينا البيت و اثار ضرب عليه انا متوقعه انه يذبحني لو كلمت عمي ويرجع يسجني بالبيت لانه حبسني اليوم ! رايك اكلم عمي بدون ما اناقشه ؟ ولا اناقشه واذا حسيته نادم اقفل الموضوع ؟ بعد الانسان ما يحب الفضايح ! انا افكر اتكلم مع عمي بكره انه يجي بيتنا ويسوي جلسه لنا معاه وينصحه ! بليز فكري معاي لان الموضوع حساس و مهين ويجرح ! |
رد : اخوي ضربني !
الافضل انك تكلمين الوالد عشان توقفينه عند حده وماله حق ابدا يضربك ولو ضرب خفيف دام ان الوالد موجود
بس على فكره هو كان محق لما قال انك شخصية قوية ومعتده بنفسها لانك كنتي صامده ومتماسكه بشكل عجيب وهو يضربك مره تلو الاخرى |
رد : اخوي ضربني !
اقتباس:
وقلت له هالكلام اليوم الصباح : انه انت دخلت شباب وناس غير مريحه للبيت وابوي لو درا ماراح يرضى قال مو لازم يرضى أحد انا رجال و اقرر ! و صح انا مو قريبه منه وهو اصلا يطلبني انظف البيت مع انه عايش بجناح خاص فيه وما يدري عني بس يقول انا اطلبك كذا عشان تتطورين للأفضل وانا يهمني يكون كل البيت نظيف آه عانيت من مسألة انه عديم مسؤوليه واحساس اهلي لاني قبل ايام كلمت الوالد يرسل لي فلوس لانه اخوي ما يعطيني و مجوعني راح ابوي اتصل عليه و هزأه وقال له برسل لها على حسابك وعطيها جا عندي قال انا قلت لأبوي ما يعطيك خلاص انا بعطيك و مرت 5 ايام ما عطاني شي و امس طلبته فلوس قبل اروح بيت صديقتي قال مالك عندي شي لانك تأخرتي بالتنظيف !! |
رد : اخوي ضربني !
اقتباس:
راح تكون بردت السالفه واخاف يضربني بعدها ويتمادي : ( ترا والله اكتب وانا خايفه اخاف يدخل وهو متنرفز ويمد يده مره ثانيه ! - اخي الكريم بالنسبه لشخصيتي انا ما انولدت بهالشخصيه يمكن انولدت بجزء منها لكن الأكبر كان سببه بفضل الله نمط حياتي وظيفتي ( منصب قيادي بعمر صغير ) اغترابي عن اهلي لوحدي للدراسه بعمر صغير حالياً وتحت قيادتي فرع لمؤسسه تطوعيه كبرى على مستوى مدينتي وانا اعتز بشخصيتي لاني ماشوف نفسي ( جباره او ماعندي مشاعر او حجر ) واحس اخوي سبب من اسباب اهانته لي وقذفي وسبي و ضربي انه شخصيتي تستفزه مره قال لي ( الله يكسرك وانا بكسرك وانتي قدرتي على غيري بس ما بتقدرين علي وانتي جباره وظالمه) وانا اشوف كل كلامه فاضي لانه حكم علي من خلال موقفي مع عملي ( كما اخبرني ) تماسكت معاه ؟ لانه يبغى يكسرني وانا ماراح اعطيه هالفرصه ولا راح ابكي قدامه لانه ما راح يرحمني ( لو كان فعلا راح يرحمني كان ما جوعني الايام اللي راحت ) وبصراحه السبب الاقوى الصلاه وصلتي بالله هي اللي تخليني اتماسك ! |
رد : اخوي ضربني !
اقتباس:
واستغلي موضوع السفر لصالحك خاصة انو متحمس للسفر وجالس يحط خطط لحياته هناك هوه متفوق في دراسته عشان كدا يبغى يسافر ولاعشان يبغى منبهر بالحياة هناك ويبغى يعيشها ؟؟ من دحين لاتطلبي منه شي وخلي طلباتك من ابوك مباشره وهو يكلمه واذا ما عمل لك الشي زي ماطلبتي ارجعي كلمي ابوك ،،، اعرف انها بتطول الهرجة بس لازم يحس بردة فعل منك على الضرب،،، انتي لاتتصادمي معاه ولاتغلطي بالكلام وتستفزيه وتأكلي علقة جديده ،،، خلي ردودك معاه مقتضبه كلمة ورد غطاها،،، جدا متعاطفه معاك على موضوع الضرب انتي مو حيوان يجلس يجرب قوته فيك 3 مرات انا لما انضربت وصلتها للشرطة ودار الحماية وحقوق الانسان وكان بيني وبين الإعلام شعره دحين اخواني يفكروا ألف مرة قبل مايتجرأو يمدوا يدهم وعلاقتي فيهم اسوأ من علاقة اخوك فيك سألتك عن تصرفاته بشكل عام بالذات موضوع التحرر فكري ودققي ملاحظاتك واربطي المواقف ببعض،، اول مرة اعرف أخ يقول لأخته اخلعي النقاب حتى لو كان مو مقتنع فيه أكيد بيخاف المجتمع ومن كلام الناس ،،، ارجعي تذكري لما يكون الباب الخارجي مفتوح تذكري المواقف قبلها وبعدها ،،، |
رد : اخوي ضربني !
اخوك حبيبتي جوته بدره طيبه يبغاله احد يطلعها
اخوك يحب احد يحسسه انه رجااااااااااااااااااااااااااااااال حطي تحتها مليون خط قريبه شخصيته م اخويه امدحيه دايما بالطالعه والازله في ناس كدا تحب المديح وحسسيه انه فعلا رجال وقوليله طلباتك اوامر وكلميه بهدوء في مسالة الضرب قولي اخاف تضربي واا بالغربه اعطي الامان ولا اكسلها وبيصير زي العسل معاك صدقيني الله يهديه ويوفقك بدراستك |
رد : اخوي ضربني !
اقتباس:
كلما تمر اللحظات تزداد عندي فكرة اني ما آروح معاه آبدا لانه شخص لا يؤتمن - بالنسبه للدراسه انا كان طموحي الإبتعاث وهو شافها فرصه يروح معاي لإنه معدله جدا منخفض وانا معدلي عالي هو مش طموحه الدراسه بقد ما هو طموحه ياخذ درجه علميه عاليه ويرجع ويصير معيد او دكتور عشان يضمن وظيفه مريحة بدخل عالي لأنه كان موظف على شهادة البكالوريوس و وظيفته مرهقه جدا وساعاتها طويله وانا فرصته الوحيده للإبتعاث و احس فيه نوع من الانبهار لانه متأثر جدا بالحياه الغربيه بشكل لايوصف بس احس الأكثر انه يبغى وظيفة مريحة ! شوفي حبيبتي هو من بدا مشوار السب عنده والإهانات صرت أخلي ابوي الرابط بيني و بينه و هالشي يستفزه ججججججججججدا اذكر المره الاولى لما ضربني واتصلت على ابوي و سمعني انقهر و ضربني اكثر ! لكن خلاص انا ماعاد بطلب منه شي عشان يوصل الموضوع لأبوي بطلب من اي احد غيره ! - لا هو من النوع اللي يتأثر بكلام الناس ججججدا خاصة الجيران والاقارب اذا كان في البيت يعني هو بعد ما ضربني قال لي الحين مين بيتزوجك وانتي طالعه مع السواق افرضي جارنا شافك ؟ قلت له : طيب انت قبل ايام لما رحت عزيمة صديقتي دقيت عليك ترجعني قلت لي ارجعي مع السواق قال : لما اكون تعبان عادي ارجعي معاه قلت له : ما شاء الله والناس راح تدري انك بهذيك اللحظة كنت تعبان وراح يرجعوا يخطبوني ! و لما نبعد عن البيت العكس اكثر من مره نروح لدول مجاوره ويضغط علي آشيل النقاب انا سبق وكتبت انا متأكده لو رحت معاه راح يبعدني عن الله ! |
رد : اخوي ضربني !
اقتباس:
طيب حبيبتي هو ما يحس بالرجولة الا ب شيئين لاحظتهم : 1- اذا طلعت مع السواق بدون ما اخذ رايه علما بأني سويتها بس مرتين لانه طول الاجازه اطلب منه يطلعني و استأذن ويرفض رفض قاطع يقول انا مزاجي يقول لي انك ماتطلعين اليوم وانا رجال وانا اللي اقرر ايش تسوين 2-اذا امرني و ما فذت بنفس اللحظه سبق وكتبت هو ضربني لاني تأخرت بالتنظيف وعشان موضوع السواق يقول لي ليش تتجاوزيني وتكلمين ابوي قلت له انت اضطريتني لهالشي لا ترحم ولاتخلي رحمة ربي تنزل ! يعني انا ايش ذنبي اتحمل مفاهيمه المغلوطه عن الرجوله : ( |
رد : اخوي ضربني !
اقتباس:
بس زي ماقلتي فاهم الرجولة خطا تلاقي احد سحب البساط من تحته ( ابوك اخوانك الكبار ) او أصحابه من النوع اللي يهايط وانت رجال وانت مو رجال وياكثر ماسمعناها او عنده مشكلة نفسيه ( احساس بالنقص خاصه لما يقارن نفسه فيك )ويبغى يثبت لنفسه انو اقوى منك في اشياء ثانيه غير مجال العمل اخوك يشبه اخويا الكبير في بعض تصرفاته وكان واضح فيه لمحه من جنون العظمة ( اذا جاء صعيف تحت يده استقوى ونسي قوة ربنا ) بس الحمدلله دحين هجد شي كثير وصار اهدأ ومايتصادم كثير مع انو الهياط وحكاية انا رجال لازالت موجوده بس بدون حدة زي زمان |
رد : اخوي ضربني !
تحليلك انت لشخصية اخوك تحليل..دقيق في ظني..
وأرى من اهم اسباب تسلطه عليك هو نجاحك وفشله.. وربما قد يسمع كلام جارح من الاقارب..شوف اختك بنت وناجحة وقد المسئولية.. وانت الرجال فاشل وما يعتمد عليك.. ومن هذا الكلام الذي يكون له أثر سلبي عليه.. فيحاول ان يظهر تفوقه عليك بكونه رجل ومسئول عنك..ولا تستطيعي فعل شيء بدونه لا خروج ولا سفر..بل وانت ترضخين لأمره فتطبخي وتنظفي...وغيره.. بمعنى ليس عنده شيء يرى فيه تميز عليك في ظنه إلا أنه ذكر..فيريد توظيف هذه الميزة..اسميها ميزة تجاوزا..يريد توظيفها للتغلب على عقدة النقص.. عقل أخيك وحس المسئولية فيه أصغر بكثير من عمره وكأنه في سن المراهقة.. |
| الساعة الآن 05:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©