|
رد : حدود تدخل الاهل فى حياة ابنائهم
اقتباس:
الاخ عاشق خطواتك جميله ومنطقيه وقد يمتنع الابناء عن الحديث ولكن الاهل يشعروا من نبرة صوت ابنائهم ان كانو على مايرام ام لا ولا تستطيع منع نفسك من السؤال وهنا قد تتعاطف مع صاحب المشكله قد يكون مثلا ضرب ابنتك فتجد الام بالتليفون تقول لابنتها جت قطع ايد وسكتيله ؟ جتك خيبه وريله العين الحمرا يابت عشان مايستجريش يكررها ماهو انتى لو سكتى حايركب ويدلل رجليه هنا الام تحركها العاطفه والخوف على بنتها ولكن مثل هذه نصائح قد تجلب المشاكل على الابنه دون ان تدرى شكرا اخى |
رد : حدود تدخل الاهل فى حياة ابنائهم
اقتباس:
ياشوك انا مش قاعد اراقب كل تصرفات من حولى ووسائل الاتصال متعدده كما ان كثيرا من المشاكل لا تسرد على الا بعد خراب مالطه وحين اعلم بشئ واقوم بتعنيفها ترد بالرد المكرر ابنك ولازم توعيه وماتسيبوش لوحده بلاش السلبيه دى وانا ارد يعنى الايجابيه انى اخرب على ابنى طيب انتى عارفه ان المشكله اللى فاتت اخدوا حكم بالحبس ستة اشهر وغرامه عشرين الف جنيه لابوها وامها واخوها ومش عارفين نحلها ازاى ؟ دى الايجابيه فى نظركوا ؟ |
رد : حدود تدخل الاهل فى حياة ابنائهم
اقتباس:
كوكى انا ابنى عمره تسعه وعشرين سنه انما المشكله انه كما تقولون البكرى والبكرى ده او البكريه تكون اغلب اخواتها وضعيفة الشخصيه ونادرا ماياخذ قرار فهو حقل تجارب للوالدين من ناحية توعيته فانا اوعيه وانصحه دائما واحاول او اوازن بين اراء والدته وارائى ولكن المشكله ان الوالده لاتعتبر هذا نصح ولكن تعتبره تعصيه عليها لذلك هى لا تفتأ ان تقول لى انك ترانى كتلة عيوب انا لا ارغب ان اصارع ذلك الوحش وانصح ابنى قدر استطاعتى ولكن الزن على الودان امر من السحر الاتعلمين انها لاتجرؤ على محادثة زوجة ابنها لتهنئتها بشئ حتى لا يفهم كلامها خطأ لذلك احب ان القى الضوء على حدود تدخل الاهل وانه لا يجب ان يتدخلو ويتركو الازواج يحلو مشاكلهم حتى ولو اخطأو الطريق فسيتعلمو الصواب حتما يوما ما . |
رد : حدود تدخل الاهل فى حياة ابنائهم
اقتباس:
شكلك بتفهم يانص خليتك للاخر عشان واضح انك عاوزه تستفيدى كويس اننا نصاحب اولادنا وكويس اننا ننصحهم ونوعيهم لكن نوعيهم فى دروب ومعترك الحياه وليس فى علاقته مع زوجته انا لى رأى انه ان جاء ابنى يحكى لى شيئا ادعو له بالهدايه واقول اللى انتى شايفه صح اعمله اما ان طلب النصيحه فاقول رايى محايدا ولوجه الله وليس لانه ابنى يعنى لما يحصل موقف وييجى يحكيه وامه تقوله كنت لطشتها بالقلم ولا ايه يارؤف طبعا لو قلت لا يبقى يادهيه دقى وتنتقدنى انتى مش همك الواد ده اللى ربنا قدرك عليه يااخى بلاش السلبيه اللى فيك دى ابنك ولازم توعيه وان سكت يبقى كلامها صح وان جملت الكلام تبصلى وتمصمص شفايفها انا مش باتبلى على حد عشان كده المصاحبه تكون لتهوين الحياه على الابناء وليس لنحل محلهم فى حل مشاكلهم |
رد : حدود تدخل الاهل فى حياة ابنائهم
اقتباس:
معاك حق يا عمو كلآم سليم و الله يهديلك الحاجه و تبطل تتوتر و تزعل نفسها <<< فكرّها لما كانوا عيال و يتضاربوا شويه مع بعض و يرجعوا سمن على عسل hgh و على قولهم حكم العيال شنق حاله mhm فلآ تدخل نفسها احسن و ان شاء الله يرجعوا احسن من الأول |
رد : حدود تدخل الاهل فى حياة ابنائهم
اقتباس:
طب خدى دى طازه طحن عرفت النهارده ان ابنى ومراته شدو مع بعض قام على اثرها بضربها فقامت بضربه وهات ياتكسير فى الشقه خال الواد ساكن معاه اتصل بزوجتى ليخبرها ماحدث وانه يقوم بمصالحتهم فما كان منها الا ان لبست وقامت بالذهاب اليهم وحدها والمسافه بينهم ثلاثون كيلو احتدت على البنت والبنت غلطت فيها جامد وفى النهايه اتصالحوا على بعض صلح الديب على الغنم وباست راس حماتها ايه رايك بقى هى دى الايجابيه ومصاحبة ابناءنا ولا شعلله اكتر منها اطفاء للنار انا قلبى كان حاسس |
رد : حدود تدخل الاهل فى حياة ابنائهم
اقتباس:
اشكرك على مداخلتك ورايك عشره على عشره |
| الساعة الآن 06:14 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©