رد : ابنتي ترفض الذهاب لوالدتها ..
 

لا عادي الميك اب الخاص الي باعمارهم

اعرف وش تبي نفس اخواتي

كريمات مرطبه وكريمات للشعر

وقلوسات ومرطبات شفايف

وعطورات

اتوقع ابسط شي لها

رد : ابنتي ترفض الذهاب لوالدتها ..
 

اذا دخلت المتوسط خلها تحط مكياج خفيف جدا يعني ماسكرا وقلوس شفاه او مرطب ملون بسسسس
لان بنات المتوسط يحطون لا تخليها تحس بانها اقل منهم ويمكن تحط من وراك
بالنسبة للغطا بعض البنات تتحمس للغطاء تحس انها كبرت وودها تصير زي الحريم
مثل الولد الصغير لما يتحمس للثوب للشماغ لكن اصبر عليها سنة بتبدا تتضايق منه او تفكه او تطلب انها تلبسه بشكل عصري ـــــــ< اقولك من الحين عشان ماتنصدم وتفهمها غلط
بالنسبة لعلاقتها مع والدتها البنات في هالسن حساسات جدا يبكون من أي شي ويتاثرون من أي شي لا تكبر الموضوع في راسها اسكت وراقبها من بعيد لو فيه مشكلة حقيقية بتلاحظ تغير في سلوكها ويكفي انك تعطيها الامان وبس هنا راح تتكلم معاك بكل صراحة ل فيه شي
وطبيعي جدا ان امها تهاوشها او تنتقدها او ...او... ترى هذي امها بالنهاية ؟؟؟ لاتون سبب في اضعاف علاقتهم بنتك الان مراهقة يمكن تنبسط من دفاعك عنها وحمايتك لها او وقوفك في وجه امها او انتقدها
لكن اصبر عليها لما تكبر ويركد عقلها وقتها بتلومك وبتحطك انت السبب في اضعاف علاقتها مع والدتها
الامور الثانية انت ابخص ولكن هذي ضريبة الطلاق الله يعينك

رد : ابنتي ترفض الذهاب لوالدتها ..
 

بنتي في ثاني متوسط واسمح لها تضع روج خفيف فقط في المناسبات
فالعمر توه على وضع المساحيق واذاء لبشرتها

رد : ابنتي ترفض الذهاب لوالدتها ..
 

هذا بالفعل موجود في بيت امها
لكن قبل ماكانت تبكي او تطلب مني انها تنتقل عندي

احس انه في شي جديد صار
اما مشكله لها او مضايقات بالكلام

رد : ابنتي ترفض الذهاب لوالدتها ..
 

وعليكم السلام
كل تفسيرك صحيح
من ناحية ان بنتي ماتبغى زوجة اب او اخت وسبق قالت لي هالكلام
"لاتتزوج مثل ماما "

بس ما احس هذا له علاقه بمشكلتها مع امها

رد : ابنتي ترفض الذهاب لوالدتها ..
 

لاتجبر بنتك على شي ما تحبه ولو امها تبيها تنام عندها كان قالت لك ..

المهم لا يكوووووووون في الموضوع تحرش من اولاد زوجها اما المضايقة بالكلام وعدم الراحة النفسية فقط فهذه امرها يهوون

احييك على اهتمامك ببنتك الله يجزاك خير ويرفع قدرك

رد : ابنتي ترفض الذهاب لوالدتها ..
 

اما المكياج اراها صغيرة الى الان عليه

رد : ابنتي ترفض الذهاب لوالدتها ..
 

حاول اخي تنمي ثقتها في نفسها، و ان تفهمها انكما شخصين منفصلين بحياتين مختلفتين، و انه من حقك تاسس لحياة هي تكون جزء منها و ليست كلها، بس تضمن لها انك تكون انت ضامن التوازن فيها

بنتك كانت تنظر الي امها كنموذج ومثل اعلي ، خاصة في سنها المبكرة، و هي ترى ان امها هي اللي خربت الحياة المثاليه اللي تحلم بها فهيك هي تحاول تخليها تندم على اللي فات امها ة تنجح في اللي فشلت فيه

حاول تعطيها مسؤوليات بالبيت و حاول انت على الخصوص تكون خارج دائرة اهتمامها، و خليها تفهم احقيتك في فرصة زواج ثانية حتى و لو لم تكن لديك النية في ذلك

الله يصلحها لك

رد : ابنتي ترفض الذهاب لوالدتها ..
 

ممكن تلمح لامها بان بنتها تعاني من شئ وتطلب منها تبحث عن وضعها ..
قل لها شوفي عنها ممكن معلمه مضايقتها او طالبه متعبتها وخلها تبحث عن السبب ..

لانك اذا سالت امها مباشره علطول يجي ببالها انك تتهمها فانت حطها بموضع المحقق كونان خلها تبحث وتشوف السبب

رد : ابنتي ترفض الذهاب لوالدتها ..
 

لمن قالت لي هالكلام سألتها ماتبغين اخوات يلعبون معاك ويشاركونك يومك ؟
او اخوان يدافعون عنك وتلعبين معاهم ؟
قالت لا
قلت طيب انتي لمن تكبرين بتتزوجين وانا بجلس بالبيت وحيد
قالت مابتزوج بجلس عندك
قلت لا خلاص انا لازم اتزوج واجيب بنوته تجيب لي احفاد اذا كبرت
قالت خلاص انا اذا تزوجت بأخذك معاي او بعيش عندك بالبيت ونجلس طول الحياه مع بعض

انا وانا اكلمها ميت ضحك داخلي على تفكير هالفصعونه حضرتها تخطط
مانقشتها كثير لأن حسيتها للحين ما استقرت نفسياً بعد مانقلت عندي
وتبغى توصل لي انها مابتتقبل اي تغيير اخر
اذا حسيتها استقرت ومرتاحه بفهمها احقيتي بالزواج

اما تنمية الثقه فأنا اعمل على هذا
والبيت ما اقدر اعطيها مسؤوليات اكبر منها
مسؤوليتها غرفتها فقط