رد : محتاجة مشورتكم في شراء سيارة لزوجي
 

زوجك وانتي اعلم به

رد : محتاجة مشورتكم في شراء سيارة لزوجي
 

لو انا مكانك باعطيه الدفعه 28 والباقي هو يتحمله من اقساط والسيارة باسمه

رد : محتاجة مشورتكم في شراء سيارة لزوجي
 

اختي هذا مايبي لها مشوره وانا اخوك
توكلي على الله واعطي زوجك الدفعه وريحيه دامه مريحك هذا زوجك يعني سترك وغطاك بعد الله عزوجل
وش فلوسك ووش فلوسه
وانوي انها لله والله عزوجل مايضيع شي
واتركي كلام بعض الناس اللي الله يهديهم يارب اللي يحاولون يشككونك بابن الحلال وقولت يمكن ويمكن

رد : محتاجة مشورتكم في شراء سيارة لزوجي
 

شوفي يا اختي اذا مترددة لا تطلعين له،

في شركات كثيرة ما يطلبون دفعة اولى و اقساطهم حلوة،

و دام ماديته تعبانة يطلع سيارة على قد حاله لين ربي يفرجها عليه

رد : محتاجة مشورتكم في شراء سيارة لزوجي
 

المشكلة ان راتبه ضعيف وكل الشركات تطلب دفعة مقدمة .. اما السيارة فحنا نبي سيارة جديدة عشان نرتاح من الاعطال .. اذا انتهينا من الاقساط يكون عندنا سيارة نظيفة وجديدة ومرتاحين .. وبعدين زوجي ماعنده فلوس يشتري سيارة كاش عشان كذا هو توجه للاقساط ولا الكاش افضل..

رد : محتاجة مشورتكم في شراء سيارة لزوجي
 

اختي احسبيها كالتالي

ادا راح و رجع بالسلامه يكون هذا هو المكسب ليك
فادفعي القسط و توكلي على الله
ادفعي القسط و خليه بايد ربنا و ان شاء الله ربنا هة اللي حيخلفه ان شاء الله

رد : محتاجة مشورتكم في شراء سيارة لزوجي
 

مثل ماقال ابن.مكه فيه
شركات.ماتطلب مقدم..
واذا بتدفعين اادفعي بس
ال 28 والباقي عليه..
المهم في هذا كله بلاش من عليه..

رد : محتاجة مشورتكم في شراء سيارة لزوجي
 

انتي اللي تعرفين زوجك اذا كان يستحق ام لا ،،، فاقولك اذا كان انسان يستحق فعلا وغير استغلالي حلال زلال عليه ما حبيتي تاخذيه له ... شوفي ليش ما تطلعي قرض واحد هوو وتقسميه بين البيت والسيارة ع اساس يكون الموضوع مدموج وما تضطري تدفعي يمين او يسار وسعر السيارة كااش يكون اقل بكثيير وتحثلي على عرض حلو معاه وبنفس الوقت تشوفي لك ارص او حتى بيت جاهز هذا افضل وبعد السعر ارخص لان البناء حاليا كل ماله بازدياد ...

السيارة اذا حابة تكتبيها باسمه اكتبيها ( اذا فعلا يستاهل ) اما البيت فلازم باسمك لانك مو دافعه فيه كم فلس يهونون ! ...

الطريقة الثانية هو عن طريقة بيت التمويل او التامينات احتا عندنا هالشي فاتوقع انتوا بعد ،، و النقطة الاساسية تكون بان شركة تامينات او بنك تامينات ياخذ لكم البيت او السيارة بس قبلها يجي يفحص ويشوف السيارة والبيت او الارض ويثمنها فاذا كان تستحق السعر يخبرونك ويساعدونك ويشترونها لك وانتي تكوني كالشريك معاهم الى ان يقل سهمهم ويكون سهمك الكفة الاكبر وبهالحال لو حصل امر لا سمح الله يكون البيت او الارض لك كونك المساهمه الاكبر وتقدرين بحسب قظرتك المادية تدفعي بشكل شهري مبلغ اكبر عشان تخلصي ...

رد : محتاجة مشورتكم في شراء سيارة لزوجي
 

انا موظفه ولو كنت مكانك راح اعطيه 28 الف المقدم وهو يقسط الباقي والسياره باسمه اعتبريها هديه وبعدين تدفعي 28 الف ولا تدفعي 100 الف. . شي اهون من شي وكذا ضربتي عصفورين بحجر. شريتوا سياره و كسبت زوجك ... وانسيها ولا تذكرينه فيها لاسمح الله وقت الهواش عشان مايقول تمنيين علي

رد : محتاجة مشورتكم في شراء سيارة لزوجي
 

شوفي يا بعد دنيتي
دام زوجك يخاف على مصلحتك ، ويعاملك زين
ادفعي له المقدم 28 الف ريال ، والباقي يقسطه هو
وهالمبلغ ان خسرتيه او لا قدر الله خسرتي زوجك بيوم من الايام ما عليه حسوفه لانه مبلغ بسيط ، وبنفس الوقت ما تطلعين بسواد الوجه.