المشاركة الأصلية كتبت بواسطة شوك11 (المشاركة 3116741)

من بديت اقرا موضوعك وانا اقول " لا لا ان شاء الله اني اخف منها"
بس لما وصلتي للمبي وافلامه عرفت انك من فصيلتي :d
حتى لما زوجي فترة الملكة كنت اشتكي منه لبنت اختي قالت لي" خالتي تخيلي لو انه ثقيل دم وانت ثقيلة دم وش بيصير؟!!" في الجبهة كلامها ادري
مرة كنت واقفة عند بندة مع بنت اختي وجنبنا رجل يقرء في كتاب لغاية ما يخلصون اهله ، قالت بنت اختي انت تبين زي هذا ، قلت ايه ايه sdd فجلست تتحمد ربها
مرة كانوا زميلات العمل بالغرفة الثانية مجتمعين عالقهوة وضحكهم واصلني بالغرفة الثانية وكان جالس معاي فيها زميلتين، لا شعورياً قلت" نفسي اضحك بيوم زيهم كذا؟!" ردت زميلة حكيمة جداً واحب اراءها" اذا كبروا بناتك يا شوك رح تضحكين زي كذاhhn

المشاركة الأصلية كتبت بواسطة عاشقة القهوة (المشاركة 3116902)

عجبتني النصيحه و احس البنات روح البيت فعﻵ و الضحك و الفرفشه sdd

عاد انا عشت بين اوﻵد البيت قلب كئيب على قول ابوي من لما تزوجت ggl

بس انتي عارفه اﻷوﻻد كمان كان ليهم فوايد فتركيبتي الشخصيه برغم ثقالة الدم اﻻ انهم بدون احساس و ياي و آي و مياصه hthd بس طقطقة و تكسير روس و نرجع حبايب sdd:d

اتخيل لو بضحك على اختي زي لما كنت اضحك و امزح مع بنات خالي على طول يبكوا و حساسين "":::

المشاركة الأصلية كتبت بواسطة شوك11 (المشاركة 3116907)

على طاري الاخوان يا عاشقة
هذي جتني من كم يوم وعجبتني مااااااره

فايدة الأخ بالبيت ولا شيء بس تلبسين نعاله اللي عند الباب إذا بغيتي تطلعين الحوش ☻!
خوات زوجي كثااااار ، وما تزوجوا ومن جد بيتهم حياااااااااة ما شاء الله
وعندنا مثل يقول اللي ماله بنات يجاور بيت البنات
زي كذا تقريباً ( تراني زيك في الامثال) fdh

المشاركة الأصلية كتبت بواسطة عطر الفجر (المشاركة 3115608)

السلام عليكم ورحمة الله
كيف حالكم ؟
قريت في موضوع هنا رد لعضوة عن افضل صفة يحبها زوجها فيها وتذكرت معاناتي لاني عكسها تماما
قالت انه يحب فيها كونها فرفوشة وتحب الضحك
ما احد فينا ما يحب الفرفشة والضحك .. بس فيه ناس ما تعرف ..
ايه صدق وانا منهم
كنت بالبداية ماخذه دور الجدية والبرستيج .. بس بعدين تاصلت فيني وماعد عرفت افك
اتذكر لما كان ابوي يقنعني بزوجي قال سالت عنه بالعمل كل زملاءه يقولون مزّاح ويحب الضحك ، للاسف كان اكثر شي اكرهه فيه .. كنت ابيه جدي وعاقد حواجبه زي ابطال الروايات، و انقهر من جوا عليه احس الضحك مو من الرجولة.
بالدوام نفس الشي ما اضحك بسهولة مو اني مكشرة ونكدية.. بس اذا قلبوها تنكيت وتهريج ما انسجم حتى لو حاولت
بالافلام دايما خياراتي دراما رومانس ما اميل للكوميدي كثير اتحسف بوقتي عليه
بيتنا فرفوش وواخواني وخالاتي وعماتي عيارين درجة اولى وانحط معهم بمواقف بايخة لاني اتعامل بجدية ويصير بالاخير مزح..
وش بعد حتى بجمعات البنات صديقاتي وقريباتي المفروض اصير ماخذة راحتي وافلها .. بس للاسف ما اعرف اضحك من قلبي واتسدح زيهم حتى لو شفت او سمعت شي يفطس ضحك
احس اني صايرة عجوز نقادة .. ودي افك شوي .. وافرفش ابي اضحك بصوت عالي ابي يتطور عندي حس الدعابة واعرف انكت واتهرب من المواقف بالمزح
ساعدوني .. اعرف الموضوع صعب وياخذ وقت بس باحاول