|
رد : هل تصرفي سليم؟ بخصوص سهر زوجي
اقتباس:
المشكله لما يجلس معاكي و ما يعرف يسولف و ﻵ تسافروا و ما يعرف يستمتع معاك خﻵص تعود على كل شي شبابي لتغيير الجو خذي استراحه و خليه يشوي و يسوي اي شي شبابي ما أظن بيعرف يتواصل بالكﻵم و يونسك :jj اعرف رجال يعرفون يونسون الحريم بالحزاوي و الكﻵم و المسايره بس حقينا ماهم منهم cgg منا لين ما يتعلم شدي حيلك يا بت vdgr خليكي قويه و متماسكه و حاولي تقضوا مبدئيا وقت برا البيت و اذا سافرتوا قولي و الله انا جايه عشان اقضي الوقت معاك مو تروح تتعرف jh و خليه يتمشى معاك تزور أماكن اعملي له برنامج لين ما يتعود حتى لو هو ع الصامت و بربري على راسه لين يتعلم هذرة الحريم و بعدها يمكن ما يبطل بس الصبر و المسايسه كم رصيدك منهم ؟ ghg |
رد : هل تصرفي سليم؟ بخصوص سهر زوجي
أهلين كوين.. أسعدني مرورك
اسمحيلي أسألك أسألة شخصية مو لقافه بس والله من باب التحليل والفهم للمشكلة اللي عندي مع زوجي :jj هل زوجك صار بيتوتي من قبل أو من بعد ما ربي رزقكم بالأطفال؟ هل زوجك عنده أصحاب كثير؟ وهل هو من النوع اللي كل شويه يتعرف على ناس جدد؟ طيب كيف يقضي وقته في البيت؟ هل عنده هوايات معينة مثلا (هذا السؤال ممكن يعتبر تدخل في الخصوصيات ماراح أزعل منك لوما جاوبتي عليهghh) |
رد : هل تصرفي سليم؟ بخصوص سهر زوجي
هلا والله بعاشقة الكوفي
صراحه مشاركاتك حمستني اني أحاول مع زوجي وما أفقد الأمل انه ممكن يتغير gnn <<< عجبتني هذه الايقونة أحسها تمثلني وانا أحاول أستميل زوجي لي هههههههه راح أبدأ من آخر سؤال سألتيه.. للأسف ماعندي رصيد كبير من الصبر والمسايسه لكن هذا ما يمنع اني أحاول.. فكرتك في اني أخليه يسوي أي شي شبابي حلوه مره لأنه هو يحب طلعات الشباب والكشتات وكذا.. بس خايفه لو نطلع استراحه مثلا يمل لأنه مافي جمعه مافي إلا راسي وراسه فكرتك اني أجاريه في الأشياء اللي يحبها ويحبونها الشباب بشكل عام حلوه بس فيه أشياء ماتنفع مره مثل البلوت ( يبيلها أكثر من اثنين وأصلا ما أعرف ألعب) والبلايستيشن لعبة الكورة (مستحيل ألعبها) هههههه يا ليت أكتشف عنده هوايات غير اللعب أقدر أمارسها معاه.. إلا على طاري اللعب, فيه ألعاب مسلية تنفع اثنين يلعبونها؟ غير الأونو والباصرة؟ |
رد : هل تصرفي سليم؟ بخصوص سهر زوجي
اشغلتني ،، على طاري اللعب جربي البليستيشن او الافضل بالنسبة لي هي الوييي فيها مناطط ومناقز ( رجعنا اولى ابتدائي ههههههههه) جرربي وخليه هو اللي يعلمك على لعبة الكرة ترى انا اول مثلك مستحيل ومادري سنو لكن رزيت الوجهه ذاك اليوم لانه قالي انتوا النسوان ماتصلحون للعب مالي الا ربعي وحطيت راسي براسه وابد غلبته من قلب ،،، فيه العاب في هالحهاز تناسبكم كثنائي مثل المقاتلة ، السيارات ، لعبات تحدي وتنشي وقت وتسولفوون اثناءها صدقيني ممتعه ...
|
رد : هل تصرفي سليم؟ بخصوص سهر زوجي
اقتباس:
بس اول الزواج يطلعون بصورة مثالية وثانية اذكر اول زواجي كان يقول ، اصدقاءي لي ساعتين اطلع يومياً معهم الحين يا ويلي ولا صديق ما ادري وين راحوا ؟! |
رد : هل تصرفي سليم؟ بخصوص سهر زوجي
أشغلتني لسه ما عندكم اوﻵد يعني ؟!
اذا عندكم اوﻵد حلوة الكشته بيهم بس في استراحه و جيبوا لهم مسابح البﻵستيك اخاف من مسابح اﻹستراحات وضع المخ يا أشغلتني لما يتبرمج على شي صعب يبغاله اعادة مصنعيه هههههه و حذف البرامج الضاره خلي عندك قوة اﻹصرار ان يومكم يعدي بجمال حتى لو في البيت و اذا طلعتوا امدحي اي شي الجو السياره الشجر اللي في الطريق ههههه اي شي صدقيني يتشجعون بالمدح و بيتمنن لمدة اسبوع انه طلعك :d |
رد : هل تصرفي سليم؟ بخصوص سهر زوجي
اقتباس:
سار بيتوتي تقريبا من بعد زواجي بسنه ...ولا قبل كان خرجاتو كتير ..وقبل الزواج كان كل يوم بالاستراحة .. اول كنت اتذمر من خرجاتو ...ودحين لما تغير سرت اتذمر كمان ... حريم مايعجبنا العجب ...mhm ماشاءالله اصحابو كتير ..ويتعرف بسرعة .. كيف يقضي وقتوا ياحلوه ..24ساعة عالجوال لاتفتكري جالس باحضاني dfh...ومباريات وبلاستيشن او نشوف افلام سوا ....او يعاندني هوايته المفضله ...جالس لي عالحبه ...gnn |
رد : هل تصرفي سليم؟ بخصوص سهر زوجي
تعودي ..
الرجل اللي مثل زوجك مرة شخص كويس .. احمدي ربك عالنعمة ما اشوف فيه مشكلة .. |
رد : هل تصرفي سليم؟ بخصوص سهر زوجي
اقتباس:
حمستيني لألعاب البليستيشن هههههههههه فكرتك حلوه إن شاء الله راح أنفذها :) |
رد : هل تصرفي سليم؟ بخصوص سهر زوجي
اقتباس:
زوجك يمكن بغى يحطك في الصورة في حالة لو بيروح لأصحابه عشان ما تسوين له سالفة.. يعني على قولتهم يعطيك خرصك في اذنك لكن يبدو انه في الواقع مايحب يخرج كثير حتى لو عنده أصدقاء |
| الساعة الآن 04:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©