|
رد : هل اترك طليقتي ( حبيبتي ) ؟
زوجتك تعاني من التردد والتخبط
خايفه وتعتبر رجوعها لك مجازفه ما تريد تكرر المشاكل والتعب النفسي يرد مره ثانيه عطها الوقت واصبر عطها الامان وبين لها انك تغيرت وانك شاري وما نسيتها ومحد راح ياخذ مكانها في قلبك ، خلك من التهديد والزواج من الاخرى كذه انت تعطيها الدليل الصحيح انك بالفعل بايع وما تغيرت ، تقرب من عيالك اكثر هم الي بيقربون بينكم بس اصبر وتحمل |
رد : هل اترك طليقتي ( حبيبتي ) ؟
طليقتك للحين خايفه من فكرة الرجوع
ابتعد شوي شهر تقريباً وفجأة لاتتصل ابداً لابخير ولا بشر واتركها تقرر بدون ضغط بتلقاها ان شاءالله هي الي تدورك موفقين |
رد : هل اترك طليقتي ( حبيبتي ) ؟
الف شكر يا جماعه
ما قصرتوا |
رد : هل اترك طليقتي ( حبيبتي ) ؟
تعلمت في هالدنيا عن تجربه
محد ياخذ مكان أحد و لا أحد يقدر يعوضك عن شخص تحبه إذا فعلاً تحبها لا تتركها ربنا يحب الصلح و ترك للمنفصلين أكثر من فرصه للصلح و الرجعه الحمدلله الله ييسر أمورك يارب |
رد : هل اترك طليقتي ( حبيبتي ) ؟
اقسم بالله يا جماعه
اني احس جنه قطعه من جسمي وإنبترت . حاس ان في شي حياتي غلط. ساعات كنت احس جنها بنتي وإذا حضنتها كنت اقولها أتمنى كل الالم الي فييج يطلع منج ويدخل في جسمي. الفتره الحاليه اتلمحلي اب طريقه غير مباشره انها ماتبي ترجع لانها ماتبي تجرحني مره ثانيه لانها حاسه انها زوجه فاشله ( عل حد وصفها ) احساسها خليط من الضغط النفسي والصحي و الخذلان وانعدام الثقه بالنفس والتناقضات اذا الله كتب ورجعنا أفكر جديا آخذها مع العيال وإنهاجر. ابي أبدي بدايه جديده كليا |
رد : هل اترك طليقتي ( حبيبتي ) ؟
اقتباس:
الف شكر يا اختي |
رد : هل اترك طليقتي ( حبيبتي ) ؟
اخي ليه ما تروح لابوها و تتكلم معاه عن موضوع الرجعة ادا ابدى ابوها الموافقة ممكن حيرتها تتبدد و ترددها يخف لانك دكرت انها قالتلك انها ليست السبب في ارتدادكم على المحاكم وقف اتصالات معاها فهي تحس بتأنيب الضمير و عاود الدخول من الباب و اكيد ربي راح يعطيك على قد نيتك و يجمع شملكم من جديد و بأحسن حال من دي قبل
|
رد : هل اترك طليقتي ( حبيبتي ) ؟
اقتباس:
الأهل احد اكبر أسباب الطلاق والدها و والدي بال 60 سنه وعصبيين جدا. لما صار خلافي مع زوجتي اتصل ابوها وقالها تعالي البيت وصار شد بيني وبينه لأَني حاولت اخلي الموضوع ما يطلع بره وكبرت السالفه. ما كملنا اسبوع الا وهو امبلش قضايا ومحاكم والحين لا والدها يدري عنها ولا والدي يدري عني. لازم تنحل مشكلتي معاها بالاول |
رد : هل اترك طليقتي ( حبيبتي ) ؟
اخي رجعها
محد ضحيه الا عيالك كلن متوسد مخدته وعياله حوله عطها انذار اخير ياترجع او خلاص اذا هي عاقله بترجع |
رد : هل اترك طليقتي ( حبيبتي ) ؟
اقتباس:
الشد والإنذار راح يزيد الوضع سوء الحكمه والهدوء افضل حل حاليا حالة التذبذب الي اهي فيه يبيلها وقت من ناحيتي وبعد هالفترة الطويلة انا الوحيد الي احاول اساندها واساعدها |
| الساعة الآن 02:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©