رد : مستقبل خطيبتي يهدد علاقتنا
 

أخي إن كان أعتراضك على الدوام فقط وليس التخصص بأمكان خطيبتك تكمل دراسة بعد التخصص أو تجيب معدل كويس في الدراسة وتعمل محاضرة في أحد كليات الطب للبنات أو تفتح عيادة ويكون دوامها حر ..

أستفسار .. أنت سألتها ليش تبغى الطب .. يعنى مثلآ تبحث عن اللقب أو يستهويها منظر الدماء والتشريح أو لانه عمل أنساني ..
هدفي من السؤال تشوف إيش هدفها وان كانت ماتتحمل مناظر الدم ومناظر بعض الأمراض الله يشافي كل مريض يآرب أنه توريها مقاطع لعمليات حقيقية وتقولها أنا خايف عليك .. أيضآ قول لها أنك ماراح تاقف في طريقها في أي مجال تختاره ان كان مايأثر بالسلب على تواجدها في المنزل وحاتشجعها وتاقف جنبها حتى وان كان دراسة ماستر او دكتوراه .

سؤالك من ناحية مشاعرها مااتوقع احد يقدر يفتي لك غيرها .. عشان كذا أسألها بكل صراحة تحبك والا لا
مع انك تقول اذا شافتك تضحك وتمزح !! فاتوقع أنها مازالت تحبك المشاعر ماتتخبى لكن يمكن تقول الي قالته من باب الضغط عليك عشان تتراجع عن قرارك ... بالنهاية مافيه أحسن من الصراحة وسؤالها مباشرة عن مخاوفك
وفتحه الآن أحسن من بعد كم سنة وربما يكون فيه أولاد ويكون موضوع دراستها شماعة , افتحه الآن وانهيه للأبد بجلسة مصارحة .

رد : مستقبل خطيبتي يهدد علاقتنا
 

من الاخر زوجتك سنه كم دراسه ؟
اذا لسي ثانوي
ماله داعي هوشات ومشاكل وتكرهون بعض وانتوا ماتدرون يمكن مايقبلونها طب

رد : مستقبل خطيبتي يهدد علاقتنا
 

على فكرة يا اخي ، انا طبيب وحرمتي راح تكون طبيبة قريبا باذن الله انصحك لا تروح التدريس، التدريس الحين ما صار له سوق مثل اول.. الآن الحكومي يلطعوها بعييد.. والاهلي راتب زفت وكرف كثيير ويعطوها انواع الشغل تسويه في البيت.. ماعاد فيه الآن سوى التخصصات الصحية..

ما وضحت وش الي مو عاجبك بالدوام؟ هل الاختلاط؟ او الدوام الطويل؟ او المناوبات الليلية؟

تراه كل الحالتين فيه حلول ..

الاختلاط في تخصصات تشتغل بدون اختلاط مثل طب الاسرة .. تقدر تشتغل في المركز الصحي حق الحي. وهناك فصل تام بين الجنسين..

ساعات الدوام مالك حل لها. لكن هي تخرج 4.30 العصر .. مو شينة كثيير..

المناوبات الليلية اغلب التخصصات المناسبة للنساء ما تتعدى 4 مناوبات بالشهر كله.. وفيه تخصص طب الاسرة مافيه مناوبات نهائيا..

التخصصات المناسبة للنساء الحين...

طب الاسرة هذا التخصص المناسب جدا.. حاليا للزوجات.
الديرما ( الجلدية) تخصص مناسب جدا ايضا بسبب قلة المناوبات وقلة المرضى, وممكن تشتغل خاص وتداوم على كيفها..

الراديويولجي (طب الاشعة) تخصص مناسب جدا لا يوجد احتكاك في المرضى فيه. مجرد تشوف الاشغة وتكتب التشخيص.. وممكن تشتغل في البيت وقت المناوبة الليلة حيث يتم ارسال الصور والاشعة الكترونيا لها وتكتب التشخيص بالكمبيوتر وترسله. وهذا شفته بالخاص اكثر شي .. ماشفته في الحكومي. يمكن فيه ..