|
رد : انا تعبت من حياتي و انا صغيره
الله يسعدك ويدخل الفرحة في قلبك ويجمعكم دوما
تقربي انتي لها وافتحي قلبك لها وسوف تجدين قلب امك كبير |
رد : انا تعبت من حياتي و انا صغيره
والله مافيه أحد يحبك كثر أمك وأبوك، مهما حصل بينهم إنتِ لا تدخلي نفسك في المنتصف، خليك محايدة وابعدي نفسك عن مشاكلهم لا توقفي مع أحد ضد الثاني تراهم عينين في راس ما أغلى من هذا إلا هذا والله لا يبين غلاتهم لك ..
غيير كذا مامتك يمكن مضغوطة ونفسيتها صفر هالفترة راعيها وداريها وباريها وشيلي عنها والتمسي لها مليون عذر، ولا يجي في بالك إنها ماتحبك صدقيني لو قلتي آه أول من يسمي ويسهر عليك هي . عندي لك فكرة/ خذي مذكرة صغيرة وكل ما زعلتي من أمك ولا أبوك أكتبي فيها الموقف اللي زعلك .. كل فترة ارجعي اقري في مذكرتك راااح تزعلي من نفسك كيف أخذتي على خاطرك منهم عشان كم موقف بسيط لأنك راح تلاقي قدام كل موقف ضايقك عشرين موقف حلووو منهم ! وأخيييرا / انتبهي من نقطة إنك تدوري اللي ناقصك عند شخص ثاني !! إنتِ كذا تعاقبي نفسك و ترميها بالنار ولا تحطي ظروفك مبرر إنتِ عاقلة ماشاءالله عليك وعارفة إن الواحد ما يمشي في هالطريق خوفا من الله مو خوفا من أم ولا أب وصدقيني اللي ما يشبع من بيته ما يشبع برا البيت .. لا تدوري اللي ناقصك برا بيتكم ياقلبي طالما الغالين عايشين اتهني بقربهم واتدللي ع أبوك أكيد مشتاق لضحكتك . . |
رد : انا تعبت من حياتي و انا صغيره
امي والله احبها و اعشقها موت و كل كم يوم لازم ازورها و ابوسها ع خدها مو بوسة سلام
لا هذي تجي بعد السلام \ و احضنها بعد هي استغربت مني بس هي وحليلها محتاجة هالشي لانها واااعليي من الطراز الاولي و ابوي لما حضنته وهو جاي من السفر اول مرة احضنه بحياتي والله مسكني و حضنه ريحني سبحان الله بيتنا كان كله رسميات علاقتنا ف بعض كلها رسمية بس اللحين بدا يتغير الوضع الحمد لله ثم الحمد لله ثم الحمد لله |
رد : انا تعبت من حياتي و انا صغيره
اقتباس:
انبثاق الحبيبة سعيدة جداً لهذه التطورات ، الوالدين قسوتهم مهما كانت فهي رحمة فوجودهم نعمة حافظي عليها دوماً ، وادعي لهما .. وفقكِ الله .. |
| الساعة الآن 02:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©