منتدى عالم الأسرة والمجتمع - السبيل الى الاستغناء عن الخادمة

صفحة 3 من 4

عرض 40 مشاركات من هذا الموضوع لكل صفحة

منتدى عالم الأسرة والمجتمع (http://www.66n.com/forums/index.php)

- العلاقات الأسرية والإجتماعية (http://www.66n.com/forums/forumdisplay.php?f=91)

- - السبيل الى الاستغناء عن الخادمة (http://www.66n.com/forums/showthread.php?t=256072)

الجوري الحلوة

17-12-2014 01:40 AM

رد : السبيل الى الاستغناء عن الخادمة

اقتباس:

المشاركة الأصلية كتبت بواسطة سمو الأميرة (المشاركة 3151664)

بالنسبه للملابس غساله اتوماتك ونشافه ومكواة الكبس
اما السيراميك جيبي ممسحة البخار في كذا نوع حسب مساحة السيراميك
والصحون لاااازم غسالة صحون راح توفر عليكي كتييير والطبخ في قدر الضغط
وجيبي المناشف اللي تستخدم وبعدين ترميها لا غسيل ولا شي ، ودايما حطي
سفره على طاولة الطعام حتى ماتضطري تمسحيها

اشتري المكنسه الكهربائيه الصغيره اللي بالشحن تفيدك وسهل يستخدموها
الأطفال ، وفيه مكنسه تشفط الأوساخ والسوائل مع بعض وتتنظف بسهوله

اممممممم الأفكار كثيره وانا كنت ابحث عنها في النت واسويها في بيتي
وفعلا فادتني
اذا اتذكرت شي حأرجع اكتبه ☺️
الله يوفقك

اتذكرت 😀
كان عقدتي واللي ياخذ وقتي تنظيف البوتوجاز وبما اني احب
بوتجاز الغاز فتنظيفه صعب ، واسهل طريقه لقيتها انه بعد ماانتهي من الطبخ
ولسه العين تكون حاااااره على طول اسفنجه وسللك ونقطتين فيري وراح ينظف
على طول ، ولا تحتاجي مواد تنظيف وبخاخات ولا شي ويتنظف في اقل
من خمس دقايق 👍

المكنسة اللي تشفط كل شي هذي حلوة .. عطينا اسمها ..واللي بالشحن قصدك اللي تتمشى لحالها

متفائله200

17-12-2014 02:06 AM

رد : السبيل الى الاستغناء عن الخادمة

ميمي ...انتي مو انتي وانتي جوعانه 😁

روحي كلي شي خفيف متبل ولا حمص المهم ماتاكلي صورتي متعوب عليها 😎

متفائله200

17-12-2014 02:12 AM

رد : السبيل الى الاستغناء عن الخادمة

جمانه ذكرتي نقطه وحبيت انبهك عليها ...

تقولي بشتري كثير من الملابس عزيزتي انا جربت طريقتك هذي وللاسف تبذير سنحاسب عليه وتعب وارهاق عند الغسيل في نهاية الاسبوع عند تراكم الغسيل أشعر بكسل واقول اليوم الي بعده حتى يجي اليوم الي اقوم عليها ويكون يوم مرهق تماماً ..

ولاتنسي نشر الملابس اذا ماعندك مجفف وكذلك ترتيب الملابس في الدولاب ارهاق جسدي بكل ماتعنيه كلمة ارهاق ....

لذلك فضلت الغسيل كل ثلاث ايام والحمدلله ارتحت ...وتجنبت التبذير ولله الحمد

(جمانة)

17-12-2014 07:46 AM

رد : السبيل الى الاستغناء عن الخادمة

اقتباس:

المشاركة الأصلية كتبت بواسطة unlimited (المشاركة 3151267)

1_غسالة اواني
في بالي الغسالة بس كثير قالو لي عائلتك صغيرة وما تحتاجي لغسالة صحون .. ما اعرف انتي شرايك ؟
وقالو انه من سلبياتها تاخذ مكان وسعرها غالي وتحتاج الى تسليك و تصرف كهربا
ههههه لازم احسبها من كل النواحي
يالله اقنعيني فيها ☺ <<خاطري اشتريها بس خايفة اندم 😦
2_مجفف ملابس
[COLOR="rgb(139, 0, 0)"]ان شاء الله [/COLOR]
3_كل مسؤول عن اواني طعامه بان يضعه في المغسله بعد مضها بالماء
4_كل يوم على فرد من افراد المنزل عليه ان نظف الحمام اعزك الله واخر الكنس واخر المسح وهكذا كل شيء مجدول(حفزيهم بهدايا اسبوعيه من باب الشكر والتقدير)
[COLOR="rgb(139, 0, 0)"]انليمتيد عيالي صغار .. اخليهم يرتبو ويزعم يكنسو ويمسحو
بس لاازم 😩😩 اعيد وراهم[/COLOR]
5_ تصحين قبيل الفجر وابتسي للبيوم الجديد وانتعشي فلتطهين الغداء فجرا ويكون الفطور متكاملا جدا والعشاء يكون "خفايف"
6_رتبي اولا بأول استخدمتي ملعقه حطيها بمكانها
7_كل مسؤول عن غرفته اقول لابنائي كل شيء يسبح لله الا المتسخ فهل تحرمونهم من تسبيح الله! علقيهم بالنظافه (انت نظيفماتحب ملابسك بالارضالله حبيبي قوم رتب _انت بتقوم ترتب, شكرا اماما)
8_جهزي كلتين للابناء سله للملابس البيضا وسله للملابس الملونه لكل غرفه
وابشرك علاقتكم راح تقوى كثير بالنظام وبتحسون بحميمية عميقة

يوووة عندي مشكلة في التظليل
تعببت

نقطة 6 حلوة جاري التفيذ
نقطة 7 فكرة فيها ابداع .. انا مقتنعة في فكرة الهام الطفل .. وان كل النجاحات اللي يحققها الفرد ما هي اصلا الا بسبب الها شخص معين في الصغر
نقطة 8 : فعلا والله ... احس علااقتي بابنائي قويت اكثر .. ان شاء الله على طوول 😮
............
تعالي استاذتنا ... انتي متزوجة وعندك عيااال ... من كتاباتك احسك توك بنت .. ليش مو عارفة ؟<<الفضول ذبحني رحت اسوي سيرج ما حصلت لك مواضيع شخصية 😒

(جمانة)

17-12-2014 07:49 AM

رد : السبيل الى الاستغناء عن الخادمة

اقتباس:

المشاركة الأصلية كتبت بواسطة الجوري الحلوة (المشاركة 3151436)

الاستعانة بالله
الاستيقاظ مبكرا
غسيل الملابس يكون يومي .. وشراء الكثير هو اللي بيعفس لك الدنيا
وانتي تمشين رتبي اول باول لقطي اللي بالارض المهم لا تخلين نتفة طايحة .. والله يعينك ماجربت الوظيفة.. فماقدر افيدك اكثر ..
الملابس القطنية البالية انا اقصصها و اخليها للتمسيح وارميها .... المهم كل شي يتم اول باول

هلااا الجوري
اي والله اهم شي الاستعانة بالله ..
بالنسبة للغسيل انا فعلا اغسلهم يوميا لكن عميلة الفرز لكن عميلية الكواية هي الصعبة
تصدقين بالنسبة للملابس القطنية سويتها ☺ فعلا الحاجة ام الاختراع

(جمانة)

17-12-2014 07:56 AM

رد : السبيل الى الاستغناء عن الخادمة

اقتباس:

المشاركة الأصلية كتبت بواسطة الـــوحيد (المشاركة 3151441)

بما اني صرت رب منزلhyg
الصحون مااخليها اول باول اسهل واريح
اما غسيل الملابس كل جمعه
الكوي طبعا برى بس اغسل في البيت انظف واحسن

او انك تشوفي لك من الشغالات اللي بالساعه تجي كل يوم جمعه مثلا وتغسل وتحطهم بالنشافه وتكوي

اهلا وسهلا بك في مجتمعنا
الصحون اخليهم لولدي الله يحفظه 😕
جوف رد العضوات فوق .. كلهم اتفقو ان الغسيل مرة وحدة صعب
انا كل ما يتجمعو شوي اغسلهم .. نهاية الاسبوع الكواي ما عدا ثياب زوجي برع

الله يسهلك اخوي الوحيد
وموضوعك فيه خير باذن الله
ولعل الايام تكشفه لك ..
بس الاكيد في الموضوع انك بتحس في زوجتك مستقبلا
وفي مدى صعوبة الاعمال المنزلية
وبتفكر الف مرة قبل ما تاخذ موظفة 😕

(جمانة)

17-12-2014 08:02 AM

رد : السبيل الى الاستغناء عن الخادمة

اقتباس:

المشاركة الأصلية كتبت بواسطة حوراء الحسين (المشاركة 3151533)

اطفالك وديهم مراكز تعليمة او حضانات كل حسب عمره ،،

راح يفرغون طاقة في نفس الوقت يغيرون جو

غسالة دايو 3ف1 تطلعهم لك مجففين ،، مكوى الكبس بيساعدك كثييير

غسالة الاواني ،، علمي اطفالك غرف النوم للنوم فقط ،، بتبقى عندك غرفه المعيشة

والله يعينك

حوراء .. فعلاا انا مودية عيالي مراكز قران طوال الاسبوع وهالشي ترى ما يخفف الا يزيد العبء علي .. مسألة تجهيزهم ومعناته ملابس اضافية للغسيل
اضافة الى انني انا من اقوم بتوصيلهم وارجاعهم .. احسبي كم ساعة تضيع
الحمدلله ☺
بالنسبة للغسالة انا عندي الاوتامتيك وحاليا في صدد شراء المجفف
بس ادعيلي ابو العيال يتحرك 😑

(جمانة)

17-12-2014 08:09 AM

رد : السبيل الى الاستغناء عن الخادمة

اقتباس:

المشاركة الأصلية كتبت بواسطة مبتعثة متفائلة (المشاركة 3151547)

بما اني بغربه وماعندي شغاله بقول لك للاشياء الي فادتني
غساله صحون
مهمه جدا جدا
غساله كبيره و نشافه اوتاميتك طبعا ونوعيات كويسه
فيه نشافات تطلع اللبس كانه مكوي
الكل يساعد بالبيت
البساطه لا تتوقعي بتطبخي ولائم وعزايم او اطباق انستغراميه هههههه
بتقللي عدد العزايم و الزيارات
وكذلك البساطه باللبس لبسي عيالك عملي وعادي بالبيت
واتبعي ماامر به رسولنا عليه الصلاه والسلام بنته فاطمه لما جت تشتكي شغل البيت
واهم شي احتسبي كل ماتقومين اجره لله
والله لا يضيع تعبك

وين يا شيخة .. ارجعي 😆 واسهبي في الحديث عن * غسالة الصحون *
محد من اللي حولي عندهم ياها
ليش مو عارفة .. يقولك مو مقتنعين فيها
يمكن لانه عندهم شغالات فما يشوفو انها لها داعي
بس انا خاطري
هههه صديقتي تقولي جربي نفسك قبل ما تشتريها اذا حسيتي روحك تعبتي وبتجيبي شغالة ماله داعي تشتري غسالة صحون << مو واثقة فيني

بالنسبة للبساطة .. ااكد لك هالشي .. قلبنا اجانب 😊
والعزايم الله يحفظهم اهل زوجي واهلي 😇
ياستي الطبخ ما قدرت للحين اطبخ ... كله من برع .. تبيني اطبخ طبخات انستغرامية
صعبة😅

(جمانة)

17-12-2014 08:14 AM

رد : السبيل الى الاستغناء عن الخادمة

اقتباس:

المشاركة الأصلية كتبت بواسطة kooki3 (المشاركة 3151612)

انا مو ذابحني الا السيراميك كيف ينظفونه من غير تعب وسهوله

شغالتنا تنضفه بس ما في فايده لازم انظف وراها

ممكن تعطوني حل مفيد

ههههه
كوكي ابي افهم
انت تسأليني عشان اعلمك كيف تنظفينه؟!!!
او تسألي عشان تحريني؟!!!
وحدة من الثنتين😆

يا بنت الحلال .. خليني بهمي وروحي فتحي لك موضوع بساعدني احسن 😘

.Queen

17-12-2014 08:18 AM

رد : السبيل الى الاستغناء عن الخادمة

اشتريت مكنسه ومجرفة لبناتي صغنونه وباللون الي يحبوه .. على اساس لعبه وماشاءالله شغالين تكنيس 😜

سلة صغيرة فيها بخاخ ديتول ومناديل معطرة ومناديل ورقيه ... حطي بكل غرفة سله ... انا حطيت بغرفة نومي ونوم بناتي والجلسه ... عشان تكون قدام عيني ومتى مااتسخ شي على طول امسح وماتكاسل واجل والمناديل الورقيه افضل من المناشف ارميها على طول ..

قبل ماتنامي ضروري تغيري زبايل البيت وتغسلي الحمام المستخدم الله يكرمك... عالسريع ماتأخذ ربع ساعة ... لكن تصحي وانتي منعنشه ...
والتنضيف العميق خليه كل يومين ...

الصحون اوالملاعق البلاستيك مااحب استخدمها وقت الوجبات .. لكن مالي غنى عنها ابداا.. وخاصة لما اسوي لبناتي وجبات خفيفة او عصيرات استخدمها لهم ...

غسيل الملابس لازم كل يوم غسله ماتاخذ ثواني لو عندك غساله اتوماتيك ونشافة حراريه ... اهم شي الملابس طلعيها من النشافة الحراريه قبل ماتقفل من حالها كدا مستحيل تحتاجي للكوي ..

تمسيح السيراميك والفرن وغسيل القدوور اكرهها مراا .. ومكلفه هالممهة على زوجي ماشاءالله عليه تنضيف ربي يعطيه العافية 😘😘

طبعا لازم خدامة تنضف عميق مرا بشكل اسبوووعي ...

وممكن تجيبي خدامة تجهز لك اكلاتك قدام عينك وتفرزنها كل شهر راح تخفف عليك كثير ...

وفي الاخر مافي زي الخدامة لكن شو نعمل نبغى ناخد راحتنا بالبيت 😚😚

والله يعينك ..

الساعة الآن 05:45 AM.

صفحة 3 من 4

عرض 40 مشاركات من هذا الموضوع لكل صفحة