|
رد : حكاية عن قريبتي .. للعظة
اقتباس:
كنت مندمجة و شادة اعصابي لحد ما قريت انهم عمرهم وصل الخميسن بالنسبة لي هالناس التعامل معهم بمبدأ التطنيش بس هم اهل زوجك انا بالنسبة لي اذا صار لي مشكلة مع اهله و كان موجود اسكت و لا ارد مرة صار كلام بيني و بين عمتي ام زوجي الموقف انه احد غلط عليي و انا لأول مرة من تزوجت رديت ع الاهانة و ما سكتت لأول مرة و الكل مستغرب طبعا طلع الاول و التالي طلع قهر سنين مرت ايام ع الموضوع و تم فتح الموضوع بحضور زوجي هالمرة و صارت تصارخ عليي و انا ارد (كالعادة) ارد بهدوء و احاول ادافع عن نفسي و كانت دمعتي بتطيح و زوجي لما شاف كذا قال لي بالحرف الواحد لا تدخلي بيت اهلي بغيابي طبعا قامت القيامة و مدري كيف انحل الموضوع و منها صرت ما اروح الا يوم بالاسبوع و اقعد ساعتين ع بعضهم و امشي لانه كثرة الجلسة تسبب مشاكل و اللحين صار لي اكثر من سنتين ع هالحال و الحمد لله مرتاحة و برضو انا سامحوني ع الفضفضة ف الموضوع |
رد : حكاية عن قريبتي .. للعظة
اذا حضرت ضرابة بين اثنين
و بعدين سمعت أحدهم يتكلم عن الثاني اسكت و لا اتكلم حتى لو كان زوجي يتكلم عن اهله و هم مزعلينه و لا اهدي و لا ازيد اسكت لانه هو مش محاسب ع كلامة عنهم (بالنسبة لهم ) لكن انا محاسبة عن كل كلمة (بالنسبة لهم) |
رد : حكاية عن قريبتي .. للعظة
حاسة بك ( ملك ) ..
اللي شفتيه من حركات اهل الزوج انا شفته من اخواتي .. للأسف خاصة الي اكبر مني ( مباشرة ) و فرق بيننا كبير و هذه الي حكيت عني .. اصغر مني و الي كانوا يتكلموا قدامهم عني .. هما اخواني الفرق انه اخواني سمعوا لهم و اعطوهم اذانيهم تخيلي .. حريم اخواني الي يدافعوا عني و يشعروا و يحسوا بيا ! لدرجة انه اختي تبلت علي و قالت لأخواتي انه مرة اخوي دايما تمدحني .. لانه فيه مصلحة بيننا و اني اعطيها اسرار اهلي ؟ و صدقوها للأسف .. لأنهم مو عارفين ( ايش السبب ) ! و مرة اخوي التانية لما يشوفوها دايم تسال عني اذا غبت يقولوا ( مو لله .. تسال عنها .. عشان مصلحة و عشان وظيفتها و شهادتها و نحن مو عاجبينها ) حريم اخواني يحبوني لاني أعاملهم مثل ما قلتي انت كيف تعاملي حريم اخوانك ( كنت ) لكن حاليا تغيرت و صرت مالي علاقة بأحد .. . . انت ادعي دايما انه ربي يرد كيدهم الى نحورهم و يشغلهم بنفسهم .. |
رد : حكاية عن قريبتي .. للعظة
حوراء الحسين
ما اقدر ارسل لها اي شي او انصحها ما تعرفيها كيف صايرة ! قبل كذا عشان واحد كان يبغى عروسة .. صاحب زوجي جيت اخد رايها و راحت تبلت علي قدام اخواني اني اكرهها و جبت لها عريس حالته حالة و اخوي صدقها و قامت القيامة و سبني و شتمني بدون ما يسمع مني و قاطعتني شهووووور امي الله يرحمها قالت لي لا تزعلي .. انت عملتي الي عليك و افضل من بقية اخواتها بتفكري فيها مو مثلهم لو اني جبت اي كلام و ما ابغى لها الخير ما كانت امي وافقت عليه .. و اصلا ماحد جبرها توافق انا فقط كنت اسألها .. موافقة على مواصفاته عشان قبل لا يتقدم رسمي ؟ و مع كذا .. بعد الي جاني منها جيت دخلت غرفتها و مديت يدي اسلم عليها و قلت اختي مهما كان .. |
رد : حكاية عن قريبتي .. للعظة
ما كانوا كذا ..
لكن امي مع مرضها و الكيماوي .. انهدل حيلها .. و بدا يظهر كل شي .. و امي ما كانت فاضية للمشاكل لكن كانت شايفة كل شي .. و عشان امي ترتاح و ما تفكر بمصير اختي بعد فراقها لنا .. انا كلمتهم عن العريس .. لانه امي كانت كثير تفكر في اختي ايش تعمل من بعدها و انها راح تتبهدل مع حريم اخوانها و ماحد يتحمل احد و كانت امي حاسة انها ما راح تعيش كثير لكن اختي عملت لي مصيبة بسبب الموضوع هذا . . لما جيت مديت يدي اسلم عليها و كانوا فيه اخواتي و بناتهم مع اني انا الي اكبر منها و ما غلطت انا عليها طالعت فيا من فوق لتحت و خلتني واقفة و يدي ممدودة و قدام الكل طنشتني و أحرجتني و قامت راحت تدخل الحمام الله يعزكم و دقت على اخوي و قالت له كلام عني بس عشان مديت يدي ابدا بالسلام .. |
رد : حكاية عن قريبتي .. للعظة
طبعا اخوي وقف مع اختي و خلوني انا المجرمة
ما رديت و ما أعطاني فرصة أتكلم .. و جرحني و شتمني سبحان الله ( الدنيا تدور ) امي تموت و اختي نفس الي عملته معايا تعمله مع زوجته .. و كل شي قدام اخوي المرة هذه .. و طلعت مرة اخوي ( انسانة فيها كذا و كذا و كذا ) وقتها اخوي بنفسه جاء عندي و يفضفض لي ( من بين كل اخواتي ) و يقول ما تخيلت اختك كذا ( قلبها اسود و تحقد ) المهم اخوي وقتها وقف مع زوجته طبعا .. لانه خلاص بينه و أولاده كانوا بيتشتتوا و زوجته دخلت اَهلها بالموضوع بينهم اختي غصب عنها دحين صارت تحترم زوجته .. لانه اخوي ما أعطاها أذنه المرة هذه طبعا انا ما علللللللقت أبدا .. عشان كذا قلت من البداية ( العيب في اللي يسمع و بدون ما يتأكد ) اخوي مزاجي الي يعجبه .. يوقف معاه و ينصره .. و الي ما يعجبه .. يصير ضده عشان كذا .. اللي ماله كبير ..يشتري له كبير .. . . مثل هذا الشخص انا كيف أعطيه الولاية في انه يمشي حياتي على كيفه ! إنسان يفتقر الحكمة !!؟؟ . . عرفتي ليش اضطريت ارجع لزوجي بشروط و مواثيق و ضمانات و بنفسي رحت المحكمة و كل أموري بنفسي امشيها ! |
رد : حكاية عن قريبتي .. للعظة
كل شي عملته اختي معايا
عملته مع زوجته .. عشان كذا اقول الدنيا دوارة المرة هذه اخوي وقف مع زوجته .. ضد اختي .. و خلى اختي توقف عند حدها لما بدأت تنكشف حركات اختي قدّامه و يفهمها لكن مع كذا .. لما الموضوع يختص بيا .. تنقلب الموازين و تتغير سبحان الله .. و انا الحمدلله تغيرت و تعلمت خلاص من كل الأمور هذه |
رد : حكاية عن قريبتي .. للعظة
رووح أنت صح بالمواثيق والضمانات
لا تسلمي نفسك لاخوانك ابدا |
رد : حكاية عن قريبتي .. للعظة
الله يعينك ياروح ..
انا اهل زوجي وزعلانه وابكي من تصرفاتهم ... كيف اقرب الناس لك .. انا ماهمني واتغاضى .. لكن الي تاعبني زوجي... مااحد راضي عليه غير ابوه .. وامه بعض الاحيان تقول رضاي من رضا بناتي ... انا زعلانه من زوجي .. لانه من الاساس من قبل الزواج مابين لي ان اهله مو راضين... عندي احساس كبير واصلا دايم احلم اننا ماراح نستمر مع بعض .. لولا بناتي كان ارتحت من حياتهم ... |
رد : حكاية عن قريبتي .. للعظة
اقتباس:
|
| الساعة الآن 09:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©