رد : غيرة زوجي قاتلة
 

الله يسعدك ويوفقك هذا اللي احاول اوصله للآخوات وللآخوان انه الغيره اللي عند زوجي مرض وليست غيره طبيعية

رد : غيرة زوجي قاتلة
 

مع اني مااحب ولكن عشان يفهموا الاخوات انه مو مجرد تحسس عادي من كلامه لا انا قد وضحت انه يجرحني بكلامه مثلا يقولي انت بس خارجة عشان الرجال !! وكلام شبيه لهذا الكلام ولكن اقوى من كذا

رد : غيرة زوجي قاتلة
 

بصراحه بعد توضيحك الأخير أنا انصدمت .. ! ! !
طالعه عشان الرجال ...؟

ضروري جداً تتخذين موقف اتجاه سلوك وكلام زوجك .. هذي مو غيره يا اختي .. والله الغيره لها لذه وطعم وتحسسك بقيمتك عند الشخص اللي يغار عليك ..

تجنبي كل الأشياء اللي تضايقه .. ثم خليكِ بالشقه لاعاد تطلعين .. ولا تطلبين منه انك تطلعين ابداً فتره بس وعيشي طبيعيه وكأنك مبسوطه ومرتاحه وبالمقابل خليه يطلع وينزل ويستانس .... بعد كذا شوفي ردة فعله اذا عادي ف راح تكون غيره مرضيه مفرطه .. اما اذا كان له موقف ثاني او كلام ثاني او تعليق على قعدتك واستغنائك عن الخروج ساعتها بتعرفين هل هو غيور ام شكاك .. وعلى هالأساس تتخذين موقف حازم ..

موفقه

رد : غيرة زوجي قاتلة
 

بعد توضيحاتك الاخيره فهذا مرض مو غيره والله اعلم😮
انا ظنيتها غيرة طبيعية بس انتي ما تاملتيها انها نابعه من حب

لا تسمحيله يتمادا والا بيتعود
ازعلي من كلامه هذا وحاسبيه عليه بهدوء حتى تحطيله حد ما يتجاوزه😡

رد : غيرة زوجي قاتلة
 

يا ليت تفيدين الاخت وتعلمينها اش سوا زوجك حتى وقفتي عن هذي الغيرة المرضية
حتى تسوي هي لزوجها.. ولك اجر

رد : غيرة زوجي قاتلة
 

برأيي أن المشكلة عند زوجك .. الله يشفيه ويعينك ... جربت شيء من معاناتك على أخف شوي
وبحثت بالموضوع كثير بالنت ووجدت أنه ممكن يتشخص كحالة وسواس مرضي لكن مو شرط يكون مرض نفسي او حالة نفسية لأنه ممكن تكون حالته مجرد معتقدات تربى عليها وتشبع فيها من أصحابه .
لكن بالنهاية الأمر سيان بالنسبة لمعاناتك معاه
وبالتالي قدامك حلين .
1. تنفصلي عنه وتهربي بجلدك وبمقابل هذا تواجهي وضع المطلقة وخياراتها المعروفه لك بحسب وضعك ومجتمعك.

2. محاولة اصلاحه . وهذا ترى مو سهل ويحتاج منك صبر وبحث وجهد .

رد : غيرة زوجي قاتلة
 

كلام زوجك جارح.. ولا شك أنه مخطئ خصوصا أنك تعرفين في نفسك أنك لست كما يقول...

لا أقول أن مشكلتك صعبة إلا إذا اجتهدت في معالجتها ولم تنجحي..

أرى من العلاج..
1- الخطوات التي ذكرتها في مشاركتي السابقة..
2- أكثري من مدح زوجك لترضي غروره.. امدحي جسمه وهيئته وطلته وشخصيته وتغزلي به واشعريه أنه سيد الرجال وافضلهم وانك لا يمكن أن تعيشي بدونه أو تفكري بغيره.. ومن هذا الكلام الذي يشعره بالرضى..
3- كما أن الرجل مأمور بغض البصر المرأة كذلك مأمورة بذلك.. وليس مبرر أن النظر غير مقترن بشهوة.. كما أنك لا تحبي أن ينظر زوجك للنساء.. هو لا يحب أن تنظري للرجال مهما كان هذا النظر.. فاستجيبي له..

ربما زوجك يستمع من أصحابه أو غيرهم، ويطلع على بعض قصص الخيانة.. مما يخلق عنده شيء من القلق والتوجس وعدم الثقة بالنساء مطلقا..

أشعر أن في علاقتكم مشاكل أخرى أكبر.. لم تذكريها أو لا تريدي الكلام عنها.. ربما تخلق عندك نفور من زوجك.. وتلك المشاكل تجعلك تضخمين هذه المشكلة... حتى تذكري الطلاق معها..

هذا مجرد تخمين.. وقد أكون مخطئ..
...
..
.

رد : غيرة زوجي قاتلة
 

شكرا لك ولكن الحمدلله انا لست مقصرة من الناحية هذي انا اللي امدحه وانا اللي اتغزل فيه وانا اللي اسولف معاه اما من ناحية غض البصر فالحمدلله خلليني اذكر موقف عشان توضح الصورة اكثر مره كنــا نتمشى ومبسوطين وقعدنا في ذاك المكان فجآة صارت مضاربة بين شباب فطبيعي اننا نلتفت نشوف ايش فيه وهو التفت يطالع وفجآة طالع فيني وقالي خير حطي عيونك بالآرض هذا وانا معاكي صدق قليلة ادب
ومشى وخلاني يعني مررره حطني في موقف غبي
اذا مو واثق في النساء بشكل مطلق ليش يتزوج من الاساس

المشكلة اني حاورته اكثر من مره وتناقشنا ودووم يعصب ويختار الهرووب ويقولي مكبره الموضوع انت او يقولي انا اغار والله اغار اقوله طيب حلوة الغيرة بس مو لدرجة تشك في اخلاقي وتحرجني يقولي مو بقصد انا كذا لما اعصب انعمي ومااشوف قلتله لازم تبطل عشاني انا يقوولي تراك مصختيها ويلا دلع بنات زايد

احس والله العظيم انه متزوجني بس كذا مااحس بالحياة الزوجية معاه
انا عارفة انه كل حياة زوجية فيها مشاكل لاننا مختلفين هو من بيئة وانا من بيئة مختلفة الى اخره من هذي الامور بس مو لدرجة المشاكل يوميا كآنها فرض علينا

انا مااحس معاه بآي شي لا في علاقتنا العادية ولا حتى في علاقتنا الخاصة طول السنتين وانا صابره بس الى متى ؟
ماني عارفه ايش اسوي حالتي مررره سيئة حاسه بتشتت وضياع ومو قادره اركز لا في حياتي ولا في دراستي

رد : غيرة زوجي قاتلة
 

الجملتين اللي بالأحمر فيهم تناقض كبير

1- لا تظني أنك تقدري تخفي شعورك تجاهه .. حتى وانتي تمثلي عليه المدح والاعجاب هو يحس بشعورك الداخلي ويشوف مدحك له نفاق وكذب

2- لازم تعالجي مصدر المشكلة وجذرها ... راجعي نفسك وشوفي السبب في اختلافكم وعدم اندماجكم مع بعض واشتغلي عليه وغيريه وقربي بينكم .
لاحظي ايجابياته وكرريها بينك وبين نفسك الى ان تحسي نفسك ارتاحت له ورغبت فيه ... حتى سلبيات الشخص لها زاوية ايجابيه ..ابحثي عنها وركزي عليها .

3- ادعي ربنا يقرب قلوبكم ويالف بينها ويجعله قرة عين لك

4- الخضوع للزوج ومحاولة احتواؤه مو دايما بصالحها ... لما يتهمك حتى لو اتهام مبطن احتدي لكرامتك بلحظتها ولا تسكتي عنها.. سكوتك وانتظارك الى ان يهدا الجو وتناقشيه نقاش هادي يعطيه انطباع بأنه اتهامه لك صحيح
وبأنك فكرتي بالموضوع ورحتي تناقشيه بهدوء عشان تغطي على نفسك .

5- أحيانا كلمة يكون لها تأثير أكثر من مجلدات .. أحيانا بس كلمة حسبي الله ونعم الوكيل تصدمه وتصحيه.

6- تحتاجي صبر وطولة بال حتى يتغير ويبدأ يسيطر على نفسه . وفهميه أنه رجالك ( اخ اب عم خال ) راح يكون لهم موقف حازم لو وصلهم الكلام وبأنك ما تقدري تصبري على طول وتظلي مانعه نفسك عن تبليغهم .

7- اذا ما قدرتي بكل الطرق تحلي الموضوع أشوف انه من حق رجالك عليكِ ان تبلغيهم باتهاماته لك لأن كرامتك من كرامتهم وشرفك اللي قاعد يتعرض له من شرفهم .
يمكن كلام رجل حكيم من أهلك يكون له تأثير عليه .

الله يعينك وياجرك

رد : غيرة زوجي قاتلة
 

الجملة الاولى قصدت فيها اني لست مقصرة من هذي الناحية وحبيت انكم تعرفوا اني كل شي يجي من ناحيتي انا
وماني قاعده انافقه او اكذب عليه انا اثني عليه في مواقف له واتغزل فيه في اوقات معينه ولكن لما يجي من شريك حياتك الفاظ او جمل تكسر اللي بداخلك وتصدمك في هذا الشريك ساعتها تقل هذي الاشياء او تختفي تماما من الحياة
اول مره اتهمني فيها انصدمت وكآني اقول لنفسي هل فعلا اللي سمعته صحيح وانا انسانه لما اعصب ماعرف اتكلم كل اللي سويته اعطيته ظهري وقفلت الغرفه على نفسي مصدومه من كلامه

نجي للنقطة الاخيرة لو كلمت ابوي في هذا الموضوع فــ ابصم بالعشرة انه حياتي راح تنتهي مع هذا الرجال
عشان كذا مابغى استعجل ودخلت هنا للاستشاره مه ان الفكره في راسي بصراحة لآني تعبت من الوضع
وخصوصا انه ماعندي اطفال