منتدى عالم الأسرة والمجتمع - معاملة زوجي اصبحت لاتطاق

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - معاملة زوجي اصبحت لاتطاق (http://www.66n.com/forums/showthread.php?t=257598)

رد : حياتي اصبحت لاتطاق

مسكينة الموظفة الكل طمعان في راتبها حتى أهل الزوج

حبيبتي انتي ماقصرتي ورايتك بيضاء
ساعدتي زوجك لما كان يحتاج مساعدة ولما فتحها الله عليه ألزمتيه بكل شيء إلا مصروفك الشخصي وهذا التصرف اللي كنت راح أتصرفه لو كنت مكانك

واللي يقول انك تزوجتي زوجك وحالته المادية مو قد كذا, طيب مو انتي ساعدتيه ووقفتي معه وما شلتي يدك من المصاريف إلا لما تحسنت أوضاعه المادية؟!

والله اللي مثلك تستاهل مو بس يحط لها زوجها فلوس كاش في يدها إلا بعد حبة راس معها

واللي يقولون انه مو ملزوم يعطيكي مصروف دام انك موظفة ليه ماقالوا بعد انك ماكنتي ملزومه تساعديه في أول حياته؟!

الزبده في رأيي انتي ماسويتي شي غلط وزوجك إذا زعل بدون ماتغلطين عليه اتركيه يرضى من نفسه لا تسألينه ليش زعلان ولا شي

واضح ان زوجك شايل عليك لأنك شلتي يدك من المصاريف وكلامه لك "أفعالك غير أقوالك" دليل انه يحسب الزوجة الي تحب زوجها تغدقه بالفلوس مو بس بالكلام (مثل ماانتي تسوين الحين)

بئس الحب الذي يشترى بالمال!

رد : حياتي اصبحت لاتطاق

اوافق كلام اشغلتني الدنيا...
والله يعينك.

رد : حياتي اصبحت لاتطاق

اقتباس:

المشاركة الأصلية كتبت بواسطة أشغلتني دنياي (المشاركة 3192074)

الله يجزاك خير .. فعلا هذا الكلام اللي يختصر وضعي تماما ..

تدرين أنه لما نتناقش في وقوفي معه وش يقول؟!! يقول انتي سويتي هالشي عشان نفسك تدورين راحتك .. بالله هذا رد انسان وقفت معه وماطالبته بشيء ابد ..

رد : حياتي اصبحت لاتطاق

مازال زوجي في جهة وأنا في جهة .. صار حاد في كلامه لي وطبعا عن طريق الواتس .. صاير عصبي حيل .. واحنا بالسيارة راجعين من الدوام مو طايق احد يلعن هذا ويسب هذا ..

انا قايمة بواجباتي في البيت .. سويت له اكل وجهزت ملابسه .. اكل العصر وطلع ماعاد رجع الا الساعة10دخل غرفة النوم ساعة ونام ..

طبعا انا نايمة بغرفة ثانية .. وطبعا هو مو مفكر فيني تاركني لحالي..

السؤال الان كيف أتصرف معه؟

رد : حياتي اصبحت لاتطاق

اقصد هل اسكت واتركه أم ابادر واراضيه ام ماذا افعل؟

رد : حياتي اصبحت لاتطاق

اسكتي وتعاملي بما يرضي الله سوي واجباتك ومن زعل من نفسه يرضى بنفسه ... ولا تفتحين موضوع زعللته ابدااا كأنك ناسيه انه زعلان ..

ضررررروري ترجعي غرفتك !!!!!!! حطي تحتها مليوون خط ..

رد : حياتي اصبحت لاتطاق

ارجعي غرفتك.

رد : حياتي اصبحت لاتطاق

غلط أن كل واحد ينام بغرفة

كذا راح تزيد الفجوة بينكم

اختي كم صار له زوجك على هالحال؟

رد : حياتي اصبحت لاتطاق

بناء على ماكتبتي في بداية الموضوع انك قمتي ورا زوجك تبين تشوفين ليه زعل وحاولتي معه عشان يرضى ومارضي أقولك اتركيه الين يرضى من حاله

ولا تفتحي أي نقاش معه إلا اذا هو بدأ فيه

رد : معاملة زوجي اصبحت لاتطاق

للمشكلة ثلاث ايام..

اصلا هو مو معطيني وجه عشان أبدأ في كلام أو اناقشه في كلام .. حتي مسؤولياته صار يتذمر منها .. مدري وش يبغاني اسوي .. لاحول ولاقوة الا بالله .. تعبت والله