|
رد: غيرة أمي بعد زواجي
اقتباس:
|
رد: غيرة أمي بعد زواجي
مثل ما تتحاسب يوم القيامة على بر امك على تتحاسب على ظلم زوجتك
يا اخي انت تزوجت عشان تاسس اسرى وتكون حياة او تجلب خادمة لامك انت ارضى امك بكل شئ واوقدلها اصابعك العشرة شمع ما قلنا شئ لكن انك ترغم زوجتك انها تطيعها وتدلل عليها وتخدمها وتدلل عليها من فوق فهذا لا يجوز عند رب العالمين والرسول عليه الصلاة والسلام كان يخدم نفسه بنفسه ويرحم اهله وخاصة وهي حامل يعني هي تحتاج من يخدمها انت حاول تفهم امك بالعقل والادلة من كتاب الله واحذر انك تشكر زوجتك امامها ولا تسمعها لما تتكلم على زوجتك وقلها من اجلك يا امي تراها غيبة ونميمة وتخبيب زوج على زوجته وانت مرا كبيرة ومعلمة وتعرفي حدود الله اعلم اخي ان العيب ليس في زوجتك بل في طبيعة تفكير امك الله يهديها حسبيا الله ونعم الوكيل في كل حماة تكره كنتها وتحب تخرب بيتها غصب ادعيلها في صلاتك بصلاح حالها وان الله يهديها |
رد: غيرة أمي بعد زواجي
الله لا يوفق طليقي بسبب امه هدم بيتنا وحرمني اطفالي
وضع رضاها على حسابي وانا بنت الناس وش دخلني فيها ضرب وضربني وتفل بوجهي وجرني من قميصي وباعلى صوته هذه امي طيب اش اللي صدر مني ؟! ما ادري يروح من عندي مبسوط يرجع زعلان ويلعن وانت وانت قللنا زيارات وهو موافق ثم فجاءة قلبته علي وقال ما تبين امي وطلقني علما بانني محترمتهم ومقدرتهم ونسافر مع بعض ونزورهم كثير اطبخ وانفخ وانظف واكسيها واهمزها وش يبي بعد اللي قهرني في طلاقي شي واحد هو ليتني شينة لامه كان اقول على نفسي استاهل ؟! وعمري ما اختلفت معه متفاهمين ؟! حتى امه تمدحني واهله كلهم ؟! ولا جرحت فيهم احد كبير او صغير ؟! حسبي الله ونعم الوكيل الله ياخذ حقي منه موضوعك قلب مواجعي فخذ العبرة من قصتي الملامة عليك وليس على امك مهما فعلت فانت رجل ولك كلمتك وانتبه لا تراضي زوجتك على حساب امك افصل فكلاهما لديه وظيفة تخصك اذا جابت طاري زوجتك قول يمه انا ابنك وهي بنت الناس انا لك انا لي حق الزيارة انت امي وهي لها ام وانا اغار منها لما تجي تسلم عليك ما ابيها حتى تجلس جنبك انت لي وحدي اضرب غيرتها بزوجتك بغيرتك فيها اهم شي لا تظلم ف للمظلوم دعوة مستجابة وقد رايت نصري في طليقي واهله حتى امه الله لايبلانا مظلومين ولا ظالمين |
رد: غيرة أمي بعد زواجي
اقتباس:
لا ما ينفع عن تجربة انتبه انت قوم بالدور وقول مني ومن زوجتي وبس |
رد: غيرة أمي بعد زواجي
أ ـ أي موضوع انسحاب, أو نقد لإدارة الموقع أو تقديم شكوى ، يكون عبر قسم مراسلة الإدارة، . أما الاستفسار بشأن حذف أو تعديل فتكون في أركان المراسلة المتوفرة في أقسام المنتدى . أما الأمور التي يراد إفادة مدير المنتدى بها تكون عبر قسم "الاتصال بمدير المنتدى" ويحظر نقد إدارة المنتدى في الأقسام العامة ، ويكون ذلك في قسم مراسلة الإدارة فحسب .
إدارة المنتدى |
رد: غيرة أمي بعد زواجي
أول شي اشكر جميع من شارك معي وأعطاني افكار وحلول ومن شارك بقصته
انا عارف ومتفهم موضوع ان بر واحسان الوالدين علي انا بس مو على زوجتي ... وانا شخصيا ما أجبرت زوجتي على شيء هي من تلقاء نفسها تسوي او اني انا اطلب منها بتودد واحترام بدون اجبار اخر شي صار معي ان بعد المشكلة الاخيرة يوم ماجا الضيف عند امي .. مو ثاني يوم اليوم اللي بعده كلمت زوجتي وقلتلها وش رايك تسوي صحن حلى وننزل عند أهلي نشرب قهوة وناكل الحلى ماكانت موافقة بالبداية لكني حاولت معها انه عشاني وعشان تاخذي الأجر فوافقت نزلنا تحت ابوي قابلنا وانبسط في نزولنا امي كانت تشتغل للمدرسة قابلت زوجتي ببرود تام وزوجتي أيضاً كانت خايفة او باردة شوي اول ماوصلنا أعتقد انه بسبب التعب والحمل حاولت انا اني ألطف الجو واحكي واخترع القصص والمواضيع وجلست زوجتي بعدها تلعب مع اخوي الصغير من باب انها هي تغير الجو شوي وبعد ما جلسنا سااعة هديت الأمور وصارت امي وزوجتي يتكلموا ويضحكوا فقلت الحمدلله أمس نزلت انا اسلم على امي صارت تنتقد ببعض تصرفات زوجتي انتقاد في امور بسييطة جداً حاولت اقنعها في الآخر سكتت وطلعت من البيت المشكلة الآن زوجتي صارت خايفة من أمي وما تحب نزولها عند أهلي تقولي صرت اخاف انزل احس فسي تحت المراقبة والانتقاد انا كل اللي أبيه ان الأمور بيني انا وزوجتي وامي تكون طبيعية من غير خوف وتصيد للأخطاء |
رد: غيرة أمي بعد زواجي
الارواح جنود مجندة..
مو لازم يصير ود قد مايصير في احترام.. لا تحاول تضغط على زوجتك عشان ماتكره الموضوع فعلا ماتقدر تجبرها على امل يصير في محبة.. قد تكون تصب الزيت عالنار وانت مانت عارف |
رد: غيرة أمي بعد زواجي
أخي .. الله يهدي الوالدة .. واضح أنها متحفزة لزوجتك. وواضح أن زوجتك فيها خير .. لذلك اتركها براحتها لتقنن علافتها بوالدتك بالطريقة التي تريحها .. ولا تقلق فما يغلب على ظني أنها لن تقطع أمك بالتأكيد. وتذكر .. ما أُخِذَ بسيف الحياء فهو باطل .. فلا تقل إنك تطلب من زوجتك زيارة أمك بتودد واحترام دون إجبار .. فربما زوجتك تستجيب من أجلك أنت عشان ما تزعل .. وليس لأنها راضية أو مرتاحة. |
رد: غيرة أمي بعد زواجي
مو لازم امك وزوجتك يتوافقون
المهم انت تبر امك وتزورها باستمرار وزوجتك خلها براحتها وزيارة مره بالاسبوع جدا كافيه كثرة الزيارات تولد حزازيات ومشاكل على الاغلب |
| الساعة الآن 12:00 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©