منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المطلقات والأرامل والمتأخرات (http://www.66n.com/forums/forumdisplay.php?f=36)
-   -   ماذا يريد طليقي برفع الحظر (http://www.66n.com/forums/showthread.php?t=259318)

شموع المحب 02-05-2015 10:22 AM

رد: ماذا يريد طليقي برفع الحظر
 
اخت عبير بالنسبه لحقوقك الي طالبتي فيها ..
ماهي هذه الحقوق ..؟؟

وهل طليقك قادرعلى ارجاعها حاليا ؟

اذالم يكن قادرعلى ارجاعها حاليا ..
هل تستطيع العمل على وضع خطه بينك وبينه لارجاع هذه الحقوق بالتدريج ؟
بدون ما تضغطينه وتشعرينه بالتهديد .. فيهددك هو.. بدوره ..

سديم الذكريات14 02-05-2015 02:32 PM

رد: ماذا يريد طليقي برفع الحظر
 
ارسلي له صور ولده ومقاطع بعد اذن ابوك اوبجواله اوجوال اخوك

3beer1977 05-05-2015 01:39 PM

رد: ماذا يريد طليقي برفع الحظر
 
اشكركم حبيباتي ماقصرتوا ع الردود

عزيزتي شموع الحب
كلامك جمع بين العقل والعاطفه
وردك واسلوبك اعجبوني بشكل
نفس تفكيري
انا اعطيته ببداية زواجنا مبلغ ساعدته ووعدني يرجعه
ولمن طلبته بكل ادب بواسطة اخوي
قال مالها عندي الا مؤخر
وانتم طمعانين و و و
بعدين ارسل يهدد ياخذ الولد علشان مانربيه ع كرهه.

وفعلاً كان يهدد رد ع تهديد اخوي
زي الي يقول هذه بتلك
وماعاد ابي الا شيء واحد
تنتهي سيرته من حياتي
بمايخصنا
اما ولده حتى لو اكرهه ماراح ازرع بقلب ولدي
صفات شينه من صغره
بالعكس برسم له صوره جميله ومشرفه براس ولده
وبحببه فيه وبثبت له اني اطيب منه وبنت رجال
واصيله ما اتغير ولا اعامله بالمثل

وكمان لمن يقول اتزوجي
احتمال كبير يبغاني اتطمن وياخذ ولدي

بس خليت الزواج له ماعاد ابي كرهني في جنس الرجال
حسبي الله عليه دنيا واخره

وبالنسبه لصور اهلي كلهم رافضين
يقولون يبغاه يجي يشوفه غير كذا ماعندنا سخافات
صادقين لو يكتفي بالصور ومتابعة احواله بالجوال مابيفكر فيه ولا بمستقبله وبياخذ الطريقه السهله عاده .

مبتعثة متفائلة 05-05-2015 06:31 PM

رد: ماذا يريد طليقي برفع الحظر
 
مع اهلك
واحس طليقك بيفهمها بشكل ثاني ان استمريتي بارسال الصور ً
وانتي تبغي تنسي
اذا تواصلتي معاه بيرجع بحياتك بقوه
الله يعوضك خير
وكافي طلعتي بالجميل
اكبر نعمه استمتعي فيها

تحملتك كفاية 07-05-2015 11:57 PM

رد: ماذا يريد طليقي برفع الحظر
 
معليش ولدك كم عمره ؟؟

وليه ماتسمحون لأبوه ياخذه فيه مشكله غير الثقة

مو معقول امه وابوه واخوانه وخواته بيشوفون الولد يجمعهم ويقول مشينا نشوفه 5 دقايق

مادري احس عصبية طليقك من هالنقطة والله اعلم

حتى لو قال ماعاد برجعه شكوى ويرجعه ورجله فوق رقبته بالقانون

نفس الشئ لو تزوجتي ورفض تاخذون الولد بتتضايقين وتضيق فيك الوسيعه

3beer1977 08-05-2015 09:33 PM

رد: ماذا يريد طليقي برفع الحظر
 
ماعندي مشكله يشوفه
بس يتلاعب كم مره يقول جاي اشوفه
ويتصل قبل الموعد بنص ساعه يعتذر

ما عندي مانع يجي البيت يشوفه
بس ياخذه مستحيل

t3b2006 14-05-2015 12:56 AM

رد: ماذا يريد طليقي برفع الحظر
 
اقتباس:

المشاركة الأصلية كتبت بواسطة 3beer1977 (المشاركة 3234219)
دار حوار بين اخوي وطليقي من شهر
على ورقتي وفلوس لي عنده غير مؤخري
انتهى بخناقه.
وقبل كم يوم ا سل رساله يقول
راح اخذ ولدي والمحاكم بينا
وصلتني الرساله وانا نايمه صحيت وشيكت ع الوال وانفجعت فجعه مايعلمها الا الله
ياخذ روحي ولا ياخذ ولدي من حضني
قمت من الفجعه بدون تفكير اتصلت فيه وماكمل رنه الا ورد زي الجني بسرعه
اتكلم وباين بصوتي الخوف والفجعه
قلت وش هالرساله اتق الله وش شفت مني علشان تقلق حياتي وتهددني وانت اصلاً مو مستعد تربي الي عندك تبغى تحرمني من فرحة حياتي وتاخذه
قام قال انتوا السبب تسوون مشاكل لي
وتطلبوني بأشياء ما استطيع انفذها

وبتربون ولدي ع كرهي وتشوهون سمعتي وصورتي عنده وتنزرع معاه الين يكبر
انا باخذه علشان اربيه
قلت اتق الله ياظالم يامخادع ياكاذب
ماطلبت الا حقي منك والله ما اسامحك في اي شيء اخذته او سويته
قام يتكلم برزانه وكانه شيخ دين
ان كان لك حق فلن تضيع الحقوق عند علام الغيوب
وبنجتمع في يوم لاريب فيه و و و كلام كانه شيخ

قلت انا الي المفروض اشكيك وارفع عليك قضيه
تشويه سمعه وتعريض
وقلت له كلام زوجته لي
وانه كل ماحد سئله عن سبب الطلاق
يقول ماتصلح
حسبي الله عليه دنيا واخره
كيف ماتصلح لزواج؟!
يعني خائنه او قليلة دين او فيني عيب مايقبله عقل ومنطق
قام قال انا قلت كذا عند ناس مايعرفونك يعني ماتعتبر تشويه سمعه
قلت ليش ماقلت انك مزواج وتحب الحريم والتجديد
بدال ماتشوه سمعتي الي بتلحق ولدك اذا كبر
قام يراوغ ويلف ويدور
قمت الجمته
وقلت حسبي الله عليك دنيا واخره من اعماق قلبي
واتق الله في هذا الطفل لان تهديدك لي بيأثر في عطائي وحبي له
لاتكرهني في طفل ماله ذنب بس لانه منك
وباذن الله انه انسان طيب خرج من خبيث مثلك
وباذن الله اربيه تربيه صالحه ومايشابهك باي شيء
هداء النقاش والجدال
وقال لاتخافين ماباخذ ولدك بس انا ابوه واتمنى اشوفه واحضنه وابوسه اشتقت له
قلت انا ماحرمتك ولا بحرمك ولا بعود ولدي ع قطيعة رحمه
اي وقت تبغى تشوفه تجي عندنا
ولاتحاول تاخذه ولو 5 دقائق
تشوفه وتمشي
انا ما اثق فيك ابداً
قال ابشري وتطمني ماراح اخذه منك
واتزوجي ولاتخافين مني عيشي حياتي
انت تستاهلين كل خير .


وانهى الاتصال

وهنا جائتني الهواجس والافكار
وش يقصد بذا الكلام
مادري خير او شر
انسان والله ما اثق فيه ابداً ابداً ابداً

واليوم الثاني سوا حركه خوفتني اكثر
كان مسوي حظر وانا والله حاذفه رقمه بس احفظه براسي
ارسل ع الوتساب
ارسلت لك اوراق الولد
ارسلي لي مقاطع فيديو وصور له وحشني

ومن 3 ايام انا زي الصنم وما ارسلت ولا شيء
بس (طيب)

....

اعطوني ارائكم ووش تبين لكم من هالحركات والرسائل
انسان مايحل لي محرم علي
وكرهني وطردني من بيتي واذلني وقهر قلبي
بدون اي رحمه قبل اشهر مرت وانا اتجرع الالم واصابر
واكابر علشان ماحد ينظر لي بنظرات الشفقه الي تزيد نزف جرحي
وش قاعد يسوي؟؟!



إبنك لن يكون نقطه ضعفك
فلا تمكنيه أو غيره من ذلك

وثقي بمن أعطاك هذا الولد أنه سيحميك


لكن كلامك معه سيفتح أبواباً أنت في غنى عنها

وهل تضمنين ألا يرى أحد رسائلكم واتصالاتكم

مادامت الثقه معدومه

فإجعلي بينكما وسيط

وإستعيدي كرامتك

أساء لك ولسمعتك وشتمك

مالذي تنتظرينه

إعذري قسوتي
لكن

قليلاً من القسوه لأجلك قلبك ،،

لن يحبك إبنك مهزوزه وضعيفه

سيعتز بك إبنك إن رآك قويه لاتخطئين ولاتجعلين للآخرين مكاناً لإصطيادك

إستغفري الله على مافات
وأذكري له إن أخذته فهو إبنك وإن تركته فهو أيضاً إبني

والله لن يزده هذا الامر إلا إذلالاً

هو قصر وأساء أفتكونين في كفته ..!!

..

لاتجعلي نفسكـ مثيره لشفقه للآخرين
كوني معتزه بنفسك واثقه بريك وسيأتي يوم تضحكين وتلعبين وستحتفلين بهذا الإبن
فقط ربيه على كتاب الله
وإستودعيه الله


أعلم بما تشعرين به

فكوني قويه
وإنتبهي لسمعتك من سيء مثله
واتركيه وحلليه
بل إن سمعتي رأيي ستغيرين رقمك
وستتركين الامر للرجال في بيتك
وإذا زارك الوجع فإسجدي ولن يتركك من لم يترك أم موسى


..
أعانك الله


الساعة الآن 05:52 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©