رد: نفقة الابناء بعد الطلاق ؟ كم المبلغ المنا
 

لا تفكروا انهم اذا طلبوا زياده معناها تبي ماركات ولبس هذا انا يرسل لي 200وماتكفي الا علبة حليب و بامبرز ،،، اللبس والماركات الحين انا اشتريها لها من فلوسي
الحين الملابس العاديه اقل فستان بالسوق 100اقل تيشرت
70-80 يعني اقل شي مفروض يرسله 500 طبعا المفروض محد يكلمه هو يخاف الله بأولاد طليقته و يتذكر العدل بين اولاده .. بس اللحين اكثرهم نسوا ربهم

رد: نفقة الابناء بعد الطلاق ؟ كم المبلغ المنا
 

قصدي ان الالف تكفي بشكل متوسط , فأقل من ذلك لا يكفي واكثر منه يفيض عن الحاجة

رد: نفقة الابناء بعد الطلاق ؟ كم المبلغ المنا
 

المبلغ جدا مناسب لعدد الاطفال
والنفقة بالمعروف حتي لو كان راتبك
18000 الف.ودامك تعرضت الظلم منهم
هذا ممسك عليهم وحلفهم عند الشيخ
واذا دخلو المدرسة ارفع النفقة شوي
يعني خلها 2800 ريال وخلهم يشتكون عادي
لا يهمك شي
بس لاتسلمهم الفلوس كاش خلها حولات
بنكية عشان يكون عندك اثبات علي النفقة
وعرس ونبسط ولاتفكر بحد وخلك بارد جدا

رد: نفقة الابناء بعد الطلاق ؟ كم المبلغ المنا
 

انا الشيء اللي استغرب منه ليش النفقه دايم عليها مشاكل ليش المطلق وطليقته ما يتفقون بسرعه ليش اذا الاب اعطى مبلغ يكفي الام تدور حجج وانه مايكفي مثل قصتك يا اخ مشعل ،،
واذا كانت هي صادقه مثلا طليقها يرسل مبلغ قليل 200 او 300 هو يرفض ويتحجج بظروفه { الاطفال مالهم ذنب ليش قاعدين ينتقمون من بعض بالنفقه }

رد: نفقة الابناء بعد الطلاق ؟ كم المبلغ المنا
 

لحظه على جنب كلامك شوي فيه شئ من التحامل
اولا من هم اللي يصرف عليهم ؟ياريت تجاوب فقط
وهل لو عنده عيال من زوجته الثانيه بيسوي نفس الشئ مع عياله هذولا؟
وهل هذا الشئ يجوز يقول اهل العلم انه لا يجوز التفرقه في المعامله والصرف بين الابناء ولا يجوز قطعيا ان يكتب او يوصي الاب بشئ خاص او زيده لاحد ابناه على الاخر
طيب اذا صرف على عياله بس نفقة الاكل والشرب مثل ما تقول وانه ماهو مجبور يلبسهم احسن لبس ويعطيهم مثل ما يعطي اللخرين ابغى اعرف وش الحكم عليه
راجع امورك في ردك ولا تنسى ان هذولا عياله من لحمه ودمه مالهم شغل بالي حصل بين ابوهم وامهم
لهم مصرف ولهم احسن اكل ولهم احسن لبس ولهم ترفيه ولهم كل شئ يبغوه ومحد ملزوم بهم غيره هو فقط لا ام ولا جد ولا خال هو فقط الملزوم بعياله كما قال الله تعالى حتى الارضاع اذا رفضت انها ترض بلاش وتبغى فلوس يدفع لها
نصيحه للاخ ابو الابناء عيالك عزهم واعطيهم اللي يبغون لانهم عزك وعزك من عزهم ولا تلتف لاحد من الي يقول اعطها 200 او الف او غيره هذولا عيالك وراح ينفعونك في المستقبل لاتحرمهم من شئ

رد: نفقة الابناء بعد الطلاق ؟ كم المبلغ المنا
 

حسبي الله ونعم الوكيل على من يحرض اب على ابناءه فلدة كبده حسبي الله ونعم الوكيل فقط
اللي له ابناء ومنفصل عن امهم يراعي الله اولا واخيرا ولا يلتفت لاحد من خلقه افرض اصبت بمرض او جاك شئ والله لو عيالك كبار محد بيقوم فيك غيرهم
فيه واحد تزوج وطلبت زوجته الجديده صك طلاق القديمه ومعه 2 منها وطلقها وعاش مع الجديده وما رزقه ربي منها بعيال وماتت ام عياله في حادث الله يرحمها كان مقصر على عياله بسبب الجديده الحين طلق الجديده واخذ عياله وصارو كبار في الجامعه بس حبيت اقلك بهذي القصه لا تنسى عيالك وتسمع احد يمكن ربي يحرمك من نعمه بسبب تقصيرك عليهم خلي عيالك رقم واحد في حياتك بعد عبادة الله وطاعة الوالدين لانك مسؤال عنهم وهم من رعيتك التي وصى عليها رسوال صل الله عليه وسلم

رد: نفقة الابناء بعد الطلاق ؟ كم المبلغ المنا
 

ربما لم يكن مقصدي واضح بشكل كاف في الرد واعذرك اختي الكريمة
أولا : ردي كان للاخ لأنه يدفع الف ومئة لطفل اقل من ست سنوات وهذا مبلغ كاف جدا خاصة ان راتبه متوسط ولديه التزامات اخرى .
ثانيا : تقول طليقته بأن المبلغ لا يكفي و اعرف يقينا بأن المبلغ يكفي بالحد المعقول لكن اذا ارادت ان تجعل مستواهم مثل اللي مستوى راتب ابوهم ثلاثين الف فأكيد لا تكفي , فيفترض كل واحد يلبس حسب مستوى دخله لأن الصرف الزائد واكثر من الراتب يسمى اسراف وتبذير .
ثالثا : لم اتطرق ابدا لعيال زوجته الثانية ولم اذكر انه يعطي ناس ويترك ناس وحاشا لله أن انصح بظلم رعاك ربي وحفظك من كل شر .
رابعا : الله سبحانه يقول لينفق ذو سعة من سعته , يعني كل واحد يصرف حسب دخله واذا ما يقدر يوفر لهم ملابس ماركات وطلعات فهو ليس ملزم شرعا , هو ملزم بالنفقة الشرعية حسب استطاعته , فلا يكون بخيل ولا يكون مبذر وهذا ميزان الشرع جعلكِ ربي من العتقاء في هذا الشهر الكريم .
خامسا : ان الصرف عليهم هو حق لهم وليس لأجل أن ينفعوه مستقبلا , فمسألة برهم به لا علاقة لها بربطها بالصرف , فمثلا لو كان الطفل شقي وبلغ حد التكليف وهو عاق الا يصرف عليه ابوه ؟ طبعا يصرف عليه لأن هذا واجب شرعا .
ارجو ان كون الصورة اتضحت لكِ شاكر لك مداخلتك

رد: نفقة الابناء بعد الطلاق ؟ كم المبلغ المنا
 

تخيل نفسك مكان اولاده وابوك راتبه 14000 الف ريال وما عليه اي التزامات مثل ما قال انا ما جبت شئ من راسي وهو وزوجته الجديده ويعطيك انت واختك 1000 ريال وهو وزوجته ولو جاهم طفل لهم 13000ريال يعني هم ياكلون احسن اكل ويشربون احسن شرب ويلبسون احسن لبس وانت واختك بس الف وش تشتري بها الحين الببسي اصبح بريال ونصف والدجاجه زاد سعره وكيلو الحم اصبح في 60 واغلى
والملابس وهي اصعب شئ صراحه عيال فلان لابسين كذا وعيال الجديده لابسين كذا وربي صعبه من جد مر محلات الملابس العاديه وشوف وربي اغلى من الماركات والترفيه ضروري للطفل من غير ان الاطفال الحين لهم اكل معين بسبب نقص الفتمينات والمعادن الضروريه في بعض الاكل اقول في النهايه كل واحد يشوف كيف يعامل اهل بيته اللي عنده ويعمل عياله من مطلقته نفس ما يشتري لهذولا يجيب لهذول راعو عيالكم ولا تروحو محاكم عشان صرفيات واشياء تافه وتخلي احد يقدر شئ لعيالك قدره انت فقط بروحك ولا تشارو احد في مصرف عيالك اكلهم نفس اكلك ولبسهم نفس لبسك وراعهم مثل ما تراعي اهل بيتك اللي في حجرك عيالي اعطيهم عيوني وروحي وحياتي لو بغو مو بس مصرف عيالك هذولا لحد يشاور الناس وش يدي عياله نهائي عيالي رقم واحد وما بعدهم احد نهائي
الله يسر لك يا خوي ويصلح حالك
وانت يا اخ اربعيني الله يصلح حالك وينور دربك ولك مثل دعوتك اهم شئ عيالك عزهم واكرمهم ولا تهينهم ولا تخليهم ينظرون او يتمنون ما عند غيرهم عشان تتوفق في حياتك

رد: نفقة الابناء بعد الطلاق ؟ كم المبلغ المنا
 

هدي اعصابك شوي

اذا الرجال يصرف على عياله قبل الطلاق هو ادرى بكم يكفيهم

مو معقول راتبي 14 ألف نقول والله لازم اعدل بين عيالي اقسمه نصين واعطي طليقتي نص ولي النص

بأي منطق هذا ؟

عندي اجار بيت اذا ماتقدر تسكن عيالي مع اهلها تجيبهم عندي اسكنهم عندي ويزورونها كل اسبوع

عندي مقاضي بيت اكل وشرب وعيالي عند اهلها اذا يجوعون عيالي ماراح يعطونهم ربع دجاجه ياكلونهم يجيبونهم عندي أنا أأكلهم

عندي فواتير وقرض و و و و و

بالمختصر الرجال عارف نظام صرف عياله قبل الطلاق وبعد الطلاق يقوس عليها وخلاص

مصروف عيالي كان 2500 ريال شهريا بيد طليقتي وتجيني اخر اسبوع تقول ماتكفي ابي 3000

بعد ما انفصلت عن زوجتي وحصل الطلاق الطلعات صرت اطلعهم بنفسي مع اهلي ونروح تقريبا نفس الاماكن ومصروفهم ماعمره تعدى 2200 وانا مبذر بعد والمتوسط اخر 7 شهور المصروف 1800 ريال للولدين ولا محرومين ولا اقل من غيرهم يلبسون احسن ملابس ويلعبون اكثر الألعاب وياكلون احسن الاكل ولله الحمد والنعمه

بس بعض الحريم الله يهديهن مايهمها النفقة تكفي او لا بس تبي تنتقم من هالطليق وتضيق عليه ماديته

رد: نفقة الابناء بعد الطلاق ؟ كم المبلغ المنا
 

اسأل الله أن يصلح شأنك كله ويفتح لك ابواب الخير
اولا اختي الكريمة هو يعطيهم 2200 مو بس الف للاثنين
ثانيا هم صغار لسه اقل من ست سنوات يعني احتياجاتهم توها ولا يشوفون لبس الناس ولا يعرفون يقارنون
ثالثا يا اختي الكريمة محد جاب طاري عياله من زوجته الثانية ولا عنده عيال لسه .
رابعا مثل ماقال اخوي تحملتك كفاية الراتب عليه التزامات ايجار ومصروف شخصي وتوفير للمستقبل احتياطي يسمونه ادخار وممكن قسط سيارة ولسه قدامه زواج وتكاليف , وحتى لو ماعليه ولا قسط هو يعطيهم اللي يكفي وزيادة وعز العيال مو اني اسمنهم والبسهم , عزهم اني ارعاهم واربيهم واهتم بهم واهتم بتعليمهم عشان يطلعون احسن الناس المسألة مو صرف وبس .
بالنسبة ان العيال ما اخليهم يتمنون مثل اللي عند غيرهم , ترا العين مايملاها الا التراب وحتى لو راتبي خمسين بيشوفون اللي راتب ابوهم مية الف واللي راتب ابوهم مية الف بيشوفون اللي ابوهم عنده تجارة وغني مرره وهكذا محد يقتنع باللي عنده
المهم ما اكون بخييل ولا اكون مبذر في نفس الوقت , وترا العيال اذا وفرت لهم كل شي وهم صغار وفهمتهم انهم يقدرون يحصلون كل شي بكره اذا كبروا وطلبوا اشياء ما اقدر عليها انصدموا وحسوا بالنقص لأني عودتهم على شيء والواقع شيء مختلف
وفقك ربي ورعاك وابقاك لمن يغليك وفتح لك ابواب رحمته وفضله