رد: تدخلات والد زوجتي بحياتي وتحريضها علي
 

والله ياختي مدري وش اقولك. هو مو كل يوم لكن يمكن 3-4 مرات بالاسلوع. وبالامانه كانت تطبخ قبل لا يجون العيال اول والحين خفت. وهذا احد الاسباب الي تخليني انقل بعيد عن اهلها علشان ماعاد تعتمد عليهم. اصافة الى ذلك انها احيانا تاخذ ملابسي لبيت اهلها علشان يغسلونها.

رد: تدخلات والد زوجتي بحياتي وتحريضها علي
 

اخوي خالد
انا معك 100% انك ماتقبل عرض ابوها انه يشتري لكم بيت
ومعك 1000000% انك لازم تصير حول اهلك طالما ان والديك ماعندهم م يخدمهم بارك الله فيك


لكن انت اللي عليك الحين انك تاخذ ابوك لعمك وتروحون وتتفاهمون على كل شي بكل هدوء وانتبه لا تستفز لازم تمسك اعصابك مهما كان رده
ولازم يفهم عمك انك لايمكن تقبل انك تسكن ببيت زوجتك او انها تصرف على البيت وانك قادر على دفع الايجار حتى ربي يوسعها عليك وتمتلك بيت
وخل الوالد هو اللي يتكلم لان واضح انك عصبي

رد: تدخلات والد زوجتي بحياتي وتحريضها علي
 

اخوي الوحيد. هذه ليست اول مره تروح لليت اهلها بدون اذني والمره الاخيره انا الي رحت وجبتها. هل يعقل انه انا اروح اجيبها الان مثل اخر مره؟

رد: تدخلات والد زوجتي بحياتي وتحريضها علي
 

الله يهديكم لبعض زوجتك طبيعي تتاثر هذا ابوها وكمان مدلعها وش تبغاها تسوي الحل الان بما ان بينكم اطفال المكابر بينكم خففوه شوي ولا سمح الله لو تطلقتوا فانتم بتظلمون اطفالكم والعتب على الاعقل في حل الامور ،،،،،،،، اولا ثلاجتكم فللها اول باول وقولها اي شيء تبغينه وبخاطرك لك وللعيال بس قولي لي تبشرين هنا قفلت باب يسير حتى لو جابت من عنداهلها هيا حره لانك منت مقصر ،،،،،،،،، النقطه الثانيه زوجتك تتاثر كثير بابوها كونه مدلعها اصلا وابوها ،،، ولو حصل الطلاق بسبب قله عقل واحد منكم حيضيعوون العيال ولا تقول ماني مقصر معهم حتى لو سويت لهم كل شيء مافي زيالعيال لادخل الواحد منهم البيت لقى امه وابوه وفكر بعد زمن عشره عشرين سنه ،،،،الان خلك الاعقل والمتحكم بالامور وبذكاء روح جيب زوجتك وعيالك ورجعهم البيت وهدي الوضع كم يوووم وبعدين امسك زوجتك بهدوء وقولها انا للحين شاريك وترا خروجك من البيت شيء كبير عند ربنا انا لاضربتكم ولا شتمتك ولا اساءت عشرتك ليه تشتتين اسرتك الله يطول باعمار والدينا لكن ابوي وابوك وامي وامك مصيرهم بيروحون يوم من الدنيا ،،،،، ومايبقى للوحده غير زوجها وبيتها وعياله فكري بعقل اش حتستفيدين وفهمها بحزم انك مو كل مره بتسلم الجره وللصبر حدود انا صح شاريك لكن من باعني يجبرني ابيعه بيتك لاعاد تخرجين منه وخروج الحرمه من بيتها دون سبب معناته بايعه زوجها انتبهي ،،، وبعدين فمهما انو من قوه شخصيتك وحسن تدبيرك للامور محد يعرف حرف من الي يدور ببيتك دخول الناس بيننا يسبب مشاكل ويضيع العيال ،،، ربي ييسر امرك

رد: تدخلات والد زوجتي بحياتي وتحريضها علي
 

كلام الاخت ( وكيلي الله) درر الله يرضى عليك.
ولا تلوم بنت بأبوها أو اب ببنته والباقي مقدور عليه.
زوجتك تحتاج منك الحب بكل ماتعنيه كلمة حب ياشيخ الزوجه اذا كانت مرتاحه ومستانسه ببيت زوجها تكنسل روحتها لأهلها وماتروح لهم كثير انت لاتصير تشتكي وتهاوش على كل شي.
كل شي بالتفاهم والصبر ولو تحسسها بحبك لها واهتمامك بتترك الدنيا عشانك إلا بحالة انها تكرهك هذا شي ثاني
الله يصلح حالكم.

رد: تدخلات والد زوجتي بحياتي وتحريضها علي
 

اخوي المهم انك تتفاهم مع ابوها اما انك بس تروح وترجعها بدون ماتتفاهم مع عمك ماحليت المشكله كذا لازم تاخذها بعد ماتوضح كل شي لعمك وبحضور ابوك عشان تنهي المشكله من جذورها
ومثل ماقلت لك سابقا انتبه انك تستفز وتعصب وخلي الوالد هو اللي يتكلم بعد ماتشرح له الموضوع بالكامل

رد: تدخلات والد زوجتي بحياتي وتحريضها علي
 

مدري كيف اشرح لك مكانة الاب في قلب ابنته

نصيحة لا تحاول تتصادم مع اي فتاة عشان ابوها طول ما انت عايش

لو طالت المدة كبرت الفجوة ابحث عن حل للمشكلة الاساسية يصمن لك راحة طول عمرك

رد: تدخلات والد زوجتي بحياتي وتحريضها علي
 

مرحباً أخي

ممكن تذكر...

هل أنت مقصر عليها مثلاً بالمصروف أو إحتياجات البيت الأساسية أو فساتين السهرة أو غير ذلك ..؟؟

هل تذكر لك بعض المقارانات عن حياتها معك وحياتها في بيت أهلها من ناحية الرفاهية وتلبية الطلبات.. ؟؟

سأقول رأيي بعد جوابك

بارك الله فيك

رد: تدخلات والد زوجتي بحياتي وتحريضها علي
 

::PPP ِِِِِِِِ. ..........

رد: تدخلات والد زوجتي بحياتي وتحريضها علي
 

مرحبا اخي. لم اقصر بالمصروف واعطيها اول بأول. بالنسبه للمقاضي اقولها خلينا نروح وحيب مقاضي ودايمن تحب تأجل هالموضوع ودايمن اذكرها اقولها يلا نروح. الى ان مره قالت لي المفروض انت تعرف وش تحيب من مقاضي

وبالنسبه للمقارنات ياما قارنت بين حياتها الان وحياتها عند ابوها كلام مثل كانت عندنا شغالات وسواقين وابوي ماد قصر علينا ومن هالكلام