|
رد: وش مسويه بزوجها..وش مسويتلك،،اجابه شاافيه
اقتباس:
وابوه العكس واخلاقهم كلهم العايله مافي اخلاااق اطلع اثنين منهم واثنين منهم اخس من زوجي تتوقعون يتغير مع الزمااان ؟؟ |
رد: وش مسويه بزوجها..وش مسويتلك،،اجابه شاافيه
انا تدرين وش يجي ببالي دايماً ،،الحرمه اللي زوجها ماخانها ابد وش تسوي له؟؟ هل هي طبع في الرجل والا شاف منها شي اغنته عن الحريم الباقيات..بس هذا الشي محيرني 😕
|
رد: وش مسويه بزوجها..وش مسويتلك،،اجابه شاافيه
اقتباس:
روحي المكتبه اشتري كتب اي شي تحبينه واقراي لا مليتي اقراي واستمتعي لا جا خليه يشوفك انك ماعاد تشوفينه تجنبا لمشاكله يمكن يهجد ومهما تهكم وتكلم وطول لسانه عطيه نظره وخليك ساكته وبعدين كيف تسوين له حمام سونا وانتي لا لاااااااا عقلي مايستوعب هالكلام يامره وربي مايعشقون الى الى مهتمه بنفسها ثقافيا ومهتمه بجسمها ودلعها هذا من ابسط حقوقك على نفسك وبعدين الاكل ضروري لك وللعيال اكتبي طلباتك وعطيه ورقه المقاضي وخليه يجيب فهميه اطفالكم بحاجه للغذاء الصحي للفيتامينات للفواكهه والعصيرات بحاجه لكل مايبني اجسامهم وانفسهم وتفكيرهم التربيه عليك الجزء الاكبر بس واجباته لازم يقوم فيها حبيبتي الا الجوع وبعدين عليك بالدعاااااء سار ابو عيالك وانتهى الامر |
رد: وش مسويه بزوجها..وش مسويتلك،،اجابه شاافيه
اقتباس:
طبع بالرجل وضعف وازع ديني يرجع كله لعلاقته بربه كلما ضعفت علاقته بالله وصلاته ياخرها ويفعل منكرات كلها طريق للخيانه ووتستسهل نفسه كل شي قال تعالى(((ان الصلاة تنهى عن الفحشاءوالمنكر) يعني اللي يصلي صلواته بوقتها ونوافل مستحيل انه يعمل الفواحش كل شي من الله الله يرزقنا الهدايه ويرزقهم الهدايه ويسخر ازواجنا لنا مايشوفون غيرنا |
رد: وش مسويه بزوجها..وش مسويتلك،،اجابه شاافيه
اقتباس:
بالله تعالي عطيني كفين صحيني من الغباء والاهتمام الزاايد اعشق القراءه باذن الله راح اشتريلي كتب اولها الرجال من المريخ والنساء من الزهره وروايات والله اني اقوله عشان عيالك وجيب واطلب لكن مدري شفيه هالانسان غريب عن كل الرجال اطلبه عصير لهم يجيب بالحبه كل واحد حبه وارجع اطلب يقول توي جايبلهم يعني اصبلهم فنجال واشيل الباقي هو انسان اكله قليل يحسب كل الناس مثله كرهت نفسي من كثر مااطلب زي اطلبه فواكه يجيب موز وبرتقال بس مايشكل ولو يشوف حبة برتقاله برى الثلاجه يقول انا اجيب للخراب مدري تعبت من هالانسان عسىربي يسخره ياارب من الان الحمامات والدلع لي انا وبس يعني المشكله مو مني بصرااحه ريحتوني يعني ماقصرت معاه وسويتله اللي مايسونه الحريم برجالهن😁 |
رد: وش مسويه بزوجها..وش مسويتلك،،اجابه شاافيه
السلام عليكم ..
بجاوبك ع سؤالك.. الرجال يحب الزوجه المخلصه المحبه لنفسها المهتمه بنفسها الزوجه المطيعه المحبه المقدره له لكن المحبه لاتتعدى حدود لاتوصل لمرحلة التقييد والسذاجه وصية ام لبنتها ليلة زفافها(كوني له آما يكون لكي عبدا) ذكرت الوصية عشان اعلمك خطوط ومبادئ الحب المتطلب من الزوجه الآم تحب اطفالها بجنون في قلبها طبعا تخاف عليهم لكن وحطي تحتها الف خط.. اذا غلط ابنها تحاسبه وتزعل منه اذا خرج من البيت تستودعه الله لكن لاتتصل ولاتشغله اذا رجع تقابله بوجهه مبتسم وتقول اهلا حبيبي ابني نورت بدون اي معاتبه اذا كان جالس في البيت تتركه يمارس هواياته واشغاله يجلس ع الاجهزه بدون تدخل او مضايقه تسأله ابني تبغى عشا اسويلك شي بإبتسامه اذا طلبت منه شي ابني حبيبي ابغى منك تحضر الاشياء الفلانيه من البقاله الله يرضى عليك حتى لو نسي حاجه ماتزعل وتخاصم تكتفي بكلمة مو مشكله احضره اذا رجعت من مشوار هذا عشق الام لاولادها ماتعاتب وتحاسب ع الطالعه والنازله وحطي تحت تعاتب الف خط تحب تشوفهم مرتاحين تتعامل معاهم بكل حب بدون مبالغة او مضايقات او زعل طول اليوم مشغوله في اهتماماتها واشغالها تجلس معاهم الجلسه العائليه المعتاده زي قهوة العصر للضحك والمناقشه واذا في امر مضايقها من ابنها تفتحه معه في جلسة القهوة المعتاده فهمتي قصدي دحين فهمتي الوصيه؟؟ الرجل بطبعه حر يكره العتاب يكره المناقشه يكره السؤال ع كل شي يعتبره تحقيق اصنعي عالم لحالك الرجل يحب زوجته تكوون غامضه بنفس الوقت واضحه يعني يحب يحس برجولته منك اذا فيه امر بتسويه حسسيه انه الكل استشيريه قولي اش رأيك بكذا .. بس العكس اقرأي كتب اشغلي نفسك بهواياتك لاتلصقي فيه خليه يمارس هواياته وانتي بعيده تلاقيه يجي يطالعك يجلس معاك يعلمك كل شي يشتاق لحضنك يصير اذا خرج لاتتصلي إلا للضروره فقط الابتسامه هذي وصيتي لكل وحده ابتسمي في وجه زوجك كل ماتشوفيه الابتسامه تسحر القلوب وهذي طريقتي مع زوجي والحمدلله ولاتنسي الاستغفار له دور كثير الحمدلله يقلب حياتك جنه بعد الوصايا اللي فوق ابتعدي عن الذنوب عن الاغاني عن الغيبه النميمه تأخير الصلوات خلي همك رضى ربي ثم رضى زوجك زوجك جنتك ونارك الله يسخر لك زوجك ويسخره لكِ |
رد: وش مسويه بزوجها..وش مسويتلك،،اجابه شاافيه
اقتباس:
باذن الله راح امشي بهالوصيه واول مره اسمع فيها وصية ام لبنتها بصراحه اني مخليته كل حيااتي وهالشي متعبني فعلا راح اخليه براحته واهتمامي فيه ييقى بالبيت والاكل صدقتي والله يكره العتاااب ويكره النقااش ويكره اسألتي الله يجزاك كل خير يااارب وكل من رد علي راح اتغير معااه واقولكم مستجداتي نفع ولا لا ولاتنسين ان اخلاقه كذا !!!!!الاخلااااق لها دور كبير 🚶🏻 |
رد: وش مسويه بزوجها..وش مسويتلك،،اجابه شاافيه
بعض الردود يقولون انه طبع بالرجل أو تربى ع هالشيء ،
صح هذا احتمال .. لكن ياكثر اللي يتزوج الأولى ويتعبها ويبهذلها الخ .. ولما يتزوج ثانية يتغير 180 درجة ! الشخص هو هو ماتغير بس تغيرت الشريكة ! وأحيانا يستمر قاسي مع الأولى ومرخي مع الثانية ! هذا يدل إنه أحيانًا يرجع لتعامل الزوجة نفسها :) |
رد: وش مسويه بزوجها..وش مسويتلك،،اجابه شاافيه
اقتباس:
لكن اذا زوجتك عمرت معاك وتعودت عليها وعارف خباياها فطبيعي تعاملها بطبيعتك اما الجديدة منت متعوذ عليها فهتعاملها بحذر لانك ما راح تتوقع تصرفاتها |
رد: وش مسويه بزوجها..وش مسويتلك،،اجابه شاافيه
اقتباس:
الله يساامحك بس مااتوقع قصرت معااه بشي هو اللي تعامله كذا من بدايه الزواج يقول طلعاتي واهلي وروحاتي مالك دخل فيها وفعلا يوم قعدت اقرى مواصيعي اول ماتزوجت هو هو نفسه ماتغير وانا تغيرت كثير معاااه ومافاد ومانفع وارجع وهو نفسه ماتغير طبعه ماانكر انه كم مره يهددني بزواجه ويرجع يقول انه تكلم وقال هالشي لانه معصب وانه مافكر اصلا بغيري ومع ذلك ماني واثقه فيه انا خلني الان اعرف وش علته ووش مرضه اصلا زي ماهددني هددته وقلت والله لوتاخذ غيري لاحول حياتك لجحيم حتى لوتطلقني اولع ببيتك احرقك انت وياها محد همني هي حياتي سجن بتصير سجن به حريم وشغل اخلى من سجن لحالي وجرب حظك واحرب حظي وقلتله اكبر من هالكلام يقول انه يمزح معااي وانه ماينكزح معااي رايك دايما عكس رأيي |
| الساعة الآن 11:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©