رد: زوجتي هجرتني .. بعد رجوعي لم اجدها
 

الله يعينك يارب

اذكر محاسنها عدد ايجابياتها

وتذكر انها ام ابنك

تعوذ من الشيطان وتوضأ وصل ركعتين وقل دعاء الاستخارة
:
اللَّهُمَّ إِنِّي أَسْتَخِيرُكَ بِعِلْمِكَ، وَأَسْتَقْدِرُكَ بِقُدْرَتِكَ، وَأَسْأَلُكَ مِنْ فَضْلِكَ العَظِيمِ؛ فَإِنَّكَ تَقْدِرُ وَلاَ أَقْدِرُ، وَتَعْلَمُ وَلاَ أَعْلَمُ، وَأَنْتَ عَلاَّمُ الغُيُوبِ، اللَّهُمَّ إِنْ كُنْتَ تَعْلَمُ أَنَّ - إرجاعي لزوجتي - خَيْرٌ لِي فِي دِينِي وَمَعَاشِي وَعَاقِبَةِ أَمْرِي – فَاقْدُرْهُ لِي وَيَسِّرْهُ لِي ثمَّ بَارِكْ لِي فِيهِ، وَإِنْ كُنْتَ تَعْلَمُ أَنَّ إرجاعي لزوجتي شَرٌّ لِي فِي دِينِي وَمَعَاشِي وَعَاقِبَةِ أَمْرِي – فَاصْرِفْهُا عَنِّي وَاصْرِفْنِي عَنْها وَاقْدُرْ لِيَ الْخَيْرَ حَيْثُ كَانَ، ثُمَّ أَرْضِنِي بِهِ))

رد: زوجتي هجرتني .. بعد رجوعي لم اجدها
 

اخي الكريم مو انا مقاطعها هي اللي مقاطعتني وما ترد بيتها ولمن دقيت عليها ذاك اليوم ما ترد

رد: زوجتي هجرتني .. بعد رجوعي لم اجدها
 

ماهو سبب زعلها دائما

رد: زوجتي هجرتني .. بعد رجوعي لم اجدها
 

تكره اهلي وانا بين الاثنين

رد: زوجتي هجرتني .. بعد رجوعي لم اجدها
 

لاحول ولاقوة الا بالله
هالصرعه الجديده الي هابين فيها الحريم
تكره اهلي / تكره اختي / تكره امي ؟؟؟

اخي مافي اي مستجد من جهتها من رجوعك من السفر
وانت بادرت بشي ولا لا ؟؟

رد: زوجتي هجرتني .. بعد رجوعي لم اجدها
 

والله انا ضعفت وصار تفكيري مشوش مدري وين الصح وين الغلط .. ولهان على زوجتي بغيت اتطمن عليها وعلى طفلي اللي ببطنها لاكن ادري لو دقيت عليها ردها راح يكون جاف وراح تقول كلام ما راح يعجبني ويمكن يعصبني..اهلي رافضين تماما اني اتواصل معاها او معاهم وجميع من حولي يرفضون يقولون لي لا تخرب صبرك بنهايته..لا تتنازل هي لو تبيك كانت اتصلت فيك وخافت على زوجها من الفراق وهي داخلها طفلك .. حتى عقلي يرفض الاتصال بها خوفا من الندم حينما لا اجد ثمن تنازلي واتصالي بها حيث انك رجعت من سفرك لم تجدها ببيتك ولم تتصل بك .. لكن لا يوجد سوى قلبي المسكين الذي سيموت شوقا على زوجتي وبسببه لا انام الليل ودي اتطمن على زوجتي وعلى طفلي وودي ارد بيتي اللي تعبت عليه .. وصلت لدرجه لا اعلم اين الخطأ من الصواب وصليت استخاره كثيرا ودعوت الله ولا شيء. . ولا حول ولا قوة الا بالله

رد: زوجتي هجرتني .. بعد رجوعي لم اجدها
 

خليها لين تولد وتقوم بالسلاااامه
لعل الله يلين قلبها بقدوم البيبي وتحن لبيتها وزوجها

خليها اخي حاليآ بهالفتره
البعد احيانأ يغير فينا اشياء كثيره ويغير من قناعاتنا

الله يصبرگ قوي قلبك وتوكل علي الله
ارحم فيك من نفسك ومن غيرك
ومازاد البلاء الا قرب الفرج
تفرج بإذن الله

اخي ايش الي بدر من اهلك مخليها تكرههم ؟؟
اهلك ساكنين معكم بنفس المنطقه ؟؟

رد: زوجتي هجرتني .. بعد رجوعي لم اجدها
 

والله اذا انت واثق انها حتى لو كلمتها ما يفيد ولو رجعت البيت ممكن تزعل وتروح لبيت اهلها طنش

اما اذا كانت على حق في زعلها فحل المشكله من جذورها

رد: زوجتي هجرتني .. بعد رجوعي لم اجدها
 

والله لو تسمع تضحك عالاسباب .. بل بالعكس احنا ساكنين جمب اهلها بينها وبين اهلها 7 دقايف بالسيارة عشان لا تتعب بالزيارات..زوجتي مشكلتها تدخل اهلها بكل صغيره وكبيره ما عندها شي اسمه باب بيتي باب اسراري الله يسامحها ويهديها الواحد كأنه فكابوس متى ينتهي مادري

رد: زوجتي هجرتني .. بعد رجوعي لم اجدها
 

كما توقعت..ابوها اتصل وطلب يقابلني ولمن قعدت معاه يبي يصلح بينا لكن بدت الافلام ثام يقولي زوجتك دشت المستشفى اول امس ومدي شنو واليوم اللي انت كنت تبي ترد فيه مانت زوجتك ناطرتك ببيتك وراحت الصالون عشان تزين نفسها لك لاستقبالك لكن انت ما جيت بموعدك قمت رديت وقلت يعني ما وصلت مو لازم زوجتي تدق وتطمن ليش ما وصلت ولا اشلون !! قالي لا هي تضايقت منك لمن ما رجعت وراحت بيت اهلها .. مدري احس مو مصدق ان زوجتي سوت جذي..وما نطرتني اصلا..قام يقولي تحمل زوجتك عشان الحمل وما الحمل نفسيتها تعبانه لكن ظل طول القعده مركز على الكلام على بنته واشلون انا ارضيها .. والله مدري كنت محضر كلام كثير اقوله لمن شفته نسيت نص الكلام..نهاية الكلام خل يجي ابوك من السفر ونقعد كلنا نتفاعم وخلي بنتي عندي لين يجي ابوك وان شالله بنصفي الامور .. لكن الصراحه حسيت اني مهزوم واهم شي عنده بنته مركز على بنته حيييل ورد يقولي نفس كلام كل جلسه صلح معاه وبالاخير قالي عشاني تحملها وتحمل افعالها وعصبيتها عالاقل هذي الفتره عشان الحمل..افففف .. والله انا زوجتي متحملها بس دلها زاااااايد..والاصول ما تسويها