|
رد: عندما تتشاجرو.. ماذا تفعلون بعدهآ
فية مرة غلطة على زوجتي وعترفت وعتذرت منها بس لازالت زعلانة
وقالت بروح بيت اهلي وبخلي عيالي عندك طالعت فيها وقلت بس انا اعتذرت قالت بروح خلاص وهتم بالعيال ولا تقصر عليهم وهي بشدات غضبها ..قلت خلاص روحي امرنا الله ومتوكلين علية بس بقولك شغلة اذا رحتي لبيت اهلك ابحط خيمة قدام بابكم واقعد فيها انا وعيالي ونحط لافته مكتوب عليها ( انا واطفالي انتظر عودات حبيبتنا) قالت والله انت تسويها قلت روحي وثاني يوم طلي مع الباب بتشوفين الخيمة قالت اهلي مايرضون قلت ونا بحطها في بيت ابوك انا بحطها في الشارع قالت بتفضحنا بجيران اهلي قلت الهدف مو الفضيحة الهدف اني احب وحدة في هالبيت وموت فيها وحزين على فراقها قامت تبكي والباقي مشفر ....حريم مايعرفلكم الا شاطي الراحةjhjyh |
رد: عندما تتشاجرو.. ماذا تفعلون بعدهآ
بالنسبة لي وقت حدوث الخلافات افقد اعصابي واكون شخص ثاني وتصدر مني كلمات وتصرفات اندم اني قلتها طبعا هي الله يهديها احيانا تكون السبب في ذلك , بعد انتهاء المشكله وهدوء الاعصاب إذا كنت أنا الغلطان اعتذر منها واذا كان الغلط اللي حصل مني كبير اقدم لها هدية وينتهي الخلاف .
|
رد: عندما تتشاجرو.. ماذا تفعلون بعدهآ
في مشاكلنا
أنا أبربر وزوجي ساكت أو يتكلم بشي بسيط ومايحب يناقش مايطول الخلاف ومانتزاعل ولا نتخاصم أقرر مرات أعاقبه وما أكلمه بس ما أقدر من يكلمني أرد ولو يحتاج شي وفكرت اطنشه أحس أني قاسية لو ماساعدته وبدون ضمير اللهم لك الحمد |
رد: عندما تتشاجرو.. ماذا تفعلون بعدهآ
ههههههههه ماضحكني الا شاطئ الراحه
ولامره زوجي اعتذر لي بدايه زواجنا اول سنتين انا اعتذر وابادر الحين يزعل ويطق راسه بالجدار مااراضيه لويموت عادي اطبخ واقدم ولا كان شي صار زي مايعااملني واغلب مشاكلنا العميق اللي يزعلني فيها الاعتذار عنده جماع وهالشي ما اعجبني ابدا مو عاجبني لان نفسيا مو متهياه وهو العكس ومع ذاك بعدها ولا كان شي صار لنا ست سنوات نتهاوش وتوصل فيه يقول انقلعي لاهلك ويطلع ويرجع يلقاني هاديه وسجي يسولف معاي طيب وانقلعي هذي يقول اقصد انقلعي للفراش جلافه هههههههه بس الاغلب انا اهاوش وهو يهرب والاحقه لين يطلع برى واذا جا يسولف ماكن شي صار وينام وامشيله واحيان مااعطيه وجه |
رد: عندما تتشاجرو.. ماذا تفعلون بعدهآ
وقت الخلاف ابد الشيطان حاضر ويزن باذن الاثنين
بدايه زواجي كنت عصبيه ومضيعه حقي يعنى يعصب يبربر حتى انا ارد واعصب اما الان ...هيهات هيهات العصبيه ولله الحمد سيطرت على جزء كبير منها ولا بدا يخاصم ويغلط اسكت واعطيه نظره واذا زاد كلمه بس ماتكون غلط عليه ولا هجد عاد اخذ حقي منه وبحوار العقل ومختصر واكون حازمه شوي واذا غلطت بحقه اعتذر منه ماعندي مشكله قمه القوه لما الشخص الى امامك يستفزك ولا يقدر يحرك فيك شيء ولا يغلطك تشعرين برضا داخلي والاهم بعد الشجاااار الصلح اجمل شيء بالوجووووود خاصه اذا يوم يومين جفا تتفجر الاحاسيس والله يبعد عنا المشاكل والاهم الانسان الغاضب يتعوذ من الشيطان الرجيم ويحاول يسكت قدر المستطاع حلو الشخص يعرف متى يسكت ومتى يحين الوقت ياخذ حقه كامل ويحفظ كرامته ويضع حدود للاخر دمتى بود |
رد: عندما تتشاجرو.. ماذا تفعلون بعدهآ
ينقل الئ قسم
السعاده الزوجيه حيث مكانه الانسب |
| الساعة الآن 04:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©