منتدى عالم الأسرة والمجتمع - نفسيتي المتعبة وبعد زوجي..

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - نفسيتي المتعبة وبعد زوجي.. (http://www.66n.com/forums/showthread.php?t=263566)

رد: نفسيتي المتعبة وبعد زوجي..

اقتباس:

المشاركة الأصلية كتبت بواسطة أحبه حبيبي (المشاركة 3327661)

يقول تعبت منك .. طيب انا انسانة اتعب اتضايق .. مو معقول اظل دايم مرتاحة ومبسوطة .. وقلت له اللي احس فيه عشان يراعي وضعي وماياخذ بخاطره علي حتى لو ماوقف بجنبي بس يعرف اللي فيني عشان يتفهم .. بس للاسف ..

كلنا بشر نتعب ونتضايق
بس عمرنا مابينا ضيقتنا
خاصة لمن حب
وياكره الرجل بالذات للحرمة الي بس تتشكى

رد: نفسيتي المتعبة وبعد زوجي..

انا مافهمت شي
بس الله يفرج همك حبيبتي

رد: نفسيتي المتعبة وبعد زوجي..

اقتباس:

المشاركة الأصلية كتبت بواسطة زين ابيها (المشاركة 3327678)

حاليا مشغولة ، بس بحجز لي مقعد للرد

عالسريع بعطيج شيء حلو جربته
قومي خلج على وضوء وطهارة..
اختلي في غرفة بروحج
سويها ظلام
وقعدي عالارض بتذلل وخشوع
وناجي رب العالمين
قولي له كل اللي بخاطرج
قولي له انج تحبينه ومتوكله عليه
قولي له ان ابليس عبد من عبيدك تراه من حيث لا يراك
وهو يراني من حيث لا اراه .. فاعني عليه .. واني اعوذ بك والتجأ إليك
واحتمي بك من شره ومكره ووساوسه ووووو الخ

تكلمي بتذلل .. بحديث العبد الذليل الحقير المسكين المستكين

وبعدين لي عودة
ابتسمي .. ❤ لان كل شيء مؤقت كل كل كل شيء مؤقت
الالم
الحزن
حتى الفرح

بس تبقى لذة وحدة .. وهي قرب رب العالمين

::PPP::PPP::PPP

سبحان الله ماأروع ردك
والله أنا أيضا مرات أكون متضايقة ومكتئبة لدرجة اني أتمنى الموت
ولا ينفعني الا الدعاء لله بتذل
خااصة في الثلث الأخير من الليل
واحكيله -وهو اعلم سبحانه وتعالى-كل الذي بقلبي
ويروح عني كل مابي من هم وغم وحزن
وتنحل كل المشاكل وتتصاغر في عيني لدرجة اني نفسي استغرب اني كنت مهمومة من هذه التوافه!!!
الحمدلله على نعمة الاسلام
نعم اختي كوني قريبة من الله
هو وحده يفهم ما بقلبك لا زوج ولا أم ولا أخت ولا صديقة.

رد: نفسيتي المتعبة وبعد زوجي..

اقتباس:

المشاركة الأصلية كتبت بواسطة زين ابيها (المشاركة 3327678)

زين الله يجزيك الخير على كل حرف كتبتيه ويجعله في ميزان حسناتك
اختي احبه احمد ربك على نعمة الاسلام والصحة والعافية وكل شيء غيره يهون
زوجك مثل اغلب الرجال ما يتحمل يشوف زوجته مكتئبة
وخصوصا انتي ما وضحتي له سبب ضيقك وحزنك
الله يفرج همك ويعينك يا رب

رد: نفسيتي المتعبة وبعد زوجي..

من المفروض وضحتي له سبب تعبك
و قلتي انه نقص الفيتامين مخلي نفسيتي تعبانة
و اذا بتاخدي هرمونات للحمل بعد تتعب النفسية اكثر و اكثر
لا تسني زوجك يفهم حالك من غير ما توضحي
حاول يساعدك مشاك و ما تغير شيئ اكيد يحبط
كان قلتي لما سألك تحسنتي افضل يالحبيب
كان استانس و انعكس علي تصرفاته
الله يشفيك خدي علاجك و اجلسي في الشمس لو دقائق بتفيدك و بتحسن نفسيتك

رد: نفسيتي المتعبة وبعد زوجي..

احبه حبيبتي
هو فاهم غلط يحسبك زعلانه او شي
عادي ارسلي له دائم الانثى بفتره معينه تتعب نفسيتها
دايم اقراء بجوال زوجي زملائه يتكلمون عن نفسيات الحرمة يعني حتى الرجال انفسهم ترى يرحمونا من هالتقلبات

الغلطه الوحيده زي ماقالت الحبيبة اعماق لو قلتي الله يسعدك حبيبي يكفي وقفتك معاي
ترى راح ينبسط

وحكاية النفسيه طبيعي يالغاليه لاتازمينها
بس بيتك خليه وناسه وفرح ومايغلب عليكم الملل والكآبه

احتمال تكونين حامل اذا دورتك متاخره

رد: نفسيتي المتعبة وبعد زوجي..

احبه حبيبي

باختصار .. تبغي زوجك يرجع مثل زمان ..

( بادري ) و عامليه بروح إيجابية و طردي الزعل من حياتكم
خليك ( فرفوشة ) معاه ..

و بلاش من الكابة و نفسيتي و تعبانة ووو الخ
الرجال ما يحبوا الأشياء هذه .. هذه بس في الأفلام التركية و المصرية

ما اتريق عليك و لا تزعلي مني
بس أبغاك تنظري لحياتك بمنظار اخر ..

زوجك بدا يممممل و يطفش

رد: نفسيتي المتعبة وبعد زوجي..

اقتباس:

المشاركة الأصلية كتبت بواسطة أحبه حبيبي (المشاركة 3327687)

وفرضا كنت انسانة كئيبة .. فرضا ربي بلاه بأنسانة مريضة .. كذا يعاملها ولا المفروض يتفهم ويوقف معها!!

ابسألك لو جات واحدة من الاخوات وقعدت تشتكي من زوجها عشان تعبان من نفسيته ويحس بضيق وتعب هل بتأيدينها ولا بتطلبين منها توقف بجنب زوجه وتدعمه وتكون معه علطول..

ليش بهالمنتدى الكيل يكون بمكيالين !! ولا لان الله اعطى الرجال القوة والعصمة يصير له كل الجبروت وللمرأة انها علطول تكون في مود حلو عشان زوجها مايزعل .. الله المستعان..

وين الشراكة اللي يقصدها لما قالي (اذا تعاملتي معي كزوج شريك لك) وين شراكته هو لي ولا المفروض المرأة هي اللي تعطي وتبذل وتحب وتحن ةتشتاق وتكون رومنسية وعاقلة وكل شيء والرجل بس ياخذ وياخذ واذا تعب في عطاءه الكل يعذره بس لانه رجل ..

يا اختي لا تنسين انك لما قلتيله تعبانه اخذك ولف معك بالسياره؛؛ هذا ليش؟
مو علشان ترتاحين؟
وبعد ما رجعتوا برضوا سالك كيفك الحين؟
هذا مو اهتمام فيك؟
ولا لازم تكوني شغله الشاغل؟

طيب ايش الحل من وجهة نظرك تخاصميه وتنامي بغرفه وهو في غرفه
ولا تمشي امورك؟

عموما انتي ابخص بنفسك ان كان اللي فيك تعب نفسي ولا دلع الله اعلم
لكن انا حكمت من خلال بعض الحالات اشوفها

وحده اول زواجها بس تعبانه مره مغص مره كليتها توجعها ومره راسها
وهم بعدهم بالشهور الاولى ما كملوا سنه
وزوجها بدل التماشي والمطاعم والفله رايح جاي بالمستشفيات!!

وبالاخير كل هذا وهم تحسه بس علشان تشغل زوجها فيها ويجلس معها
هل حصلها اللي تبيه؟ ابدا
كان يهرب من البيت ويروح يتمدد عند امه ويوم تساله وش فيك؟
يقول تزوجت وحده فيها امراض الدنيا!

وهو صادق طلع مافيها شي غير انها تعلقت فيه وما عرفت كيف تخليه مربوط بالبيت عندها!

اعانك الله ووفقك

رد: نفسيتي المتعبة وبعد زوجي..

جزاك الله خير زين على النصيحة استفدت منها
احبه زوجك ماشالله تعامله راقي معك وصبور لا تخسريه انتي متطلبة جدا من حيث العاطفة ان شالله لما تصيري ام يمتلي هذا الفراغ اللي عندك وماتلاقي وقت تكتءبي من اساسه الله يهدي سركم

رد: نفسيتي المتعبة وبعد زوجي..

يا الله ..

تدرون لما اخذني وطلعني وين وداني !!! وداني المخطط اللي فيها الارض اللي شريتها ..

حياتنا صارت جامدة .. كلامنا كله صار عن المستقبل وش بنسوي وش بنكون .. مافي لحظات بيننا حلوة مثل قبل .. اقولكم شيء حتى التسبيحة احيان مايتسبح الا بعد يومين واذا صار يبي العلاقة .. صار انسان فوضوي في البيت .. ياكل والاكل متنثر في كل مكان .. ياخذ غرض ويقوم ويخليه مكانه .. الصحون يرمي بس في المجلى أقل شيء يغسله بمويه ويرفعه مثل قبل .. حتى جزماته ينزلها والشراريب ويرميها عند الباب .. صار يتنرفز اذا طلبت منه شيء .. صرت اسكت ..