رد: تعبت من جلد الذات
 

من اقبح الصفات في الرجل واكبر اسباب الانفصال..

في البداية صورتي حياتك حلوة وفيها بعض المنغصات.. لكن ردك الأخير يناقض هذا الكلام...

كافي تجلدين نفسك لان زوجك سبب الطلاق، مش انتي..

كل وحدة بتروح يوم عند اهلها وتزعل وتضل اسبوع ويتفاهمو ويتراجعو.. واذا ماتفاهمو بيتطلقو..


الغريب في امرك ان زوجك حتى ماعاتبك وما تمشكل معاك ولا بعت كلام تهديد او وعيد...

يظهر انه ماصدق طلعتي من البيت وعطيتيه حجة عشان يطلق على طول..

الطلاق بهذي البساطة والسرعة ومن غير نقاش معناتو الرجل بايعك من الاساس واستغل الفرصة..

لكن صدقيني الحل ماكان بيدك حتى لو ضليتي ببيتك كان سيطلقك....


كفي عن توبيخ نفسك انتي ماغلطتي وغلطك مايسوى أبدددد الطلاق بل هذه رغبته ومن خلال كلامك حتى مهمل علاجك يعني ماله رغبة فيك مابدو علاج بدو الفكة والله اعلم..


احمدي الله انك افتكيتي من غير اولاد اصلا الرجال الي سوالفه زي الحريم مب رجال..

لا تقسي على نفسك.. من قال ان الزوجة ان كانت طيبة ورائعة وصبورة بينجح الزواج والرجل بيعرف قدرها؟


هذا حال الدنيا لسنا في دار راحة وعدل.. الظلم يقع ومالنا يد فيه.. وهو وقع عليك فكافي تجلدي ذاتك..

رد: تعبت من جلد الذات
 

تباشير خيره
ركزي بنفسك واكثري دعاء

رد: تعبت من جلد الذات
 

لاتزعلون مني مااقصد الاهانه بس فيه كلمه يقولونها الشيبان وهي تنطبق على اللي كانوا ازواجكم
وهي (ولد مره) الشيبان كانوا اذا شافوا واحد فيه من طبع الحريم يقولون هالكلمه
ياخواتي تباشير وفرح الوحده المفروض تزعل اذا خسرت رجال وحطوا تحت كلمة رجال مية خط
اما اللي كنتم عايشين معهم ماهم رجال وحتى لو كان بوجيهم شعر
الرجال اللي تحسين معه بالامان والحمايه واذا تكلم كان كلامه بمحله ويعرف متى يسكت ومتى يتكلم
ومايلعب بعقله كل من هب ودب ويكون صاحب قرار ولاينزل نفسه للتوافه الامور عزيز النفس كريم حنون
هذا اللي ينبكي عليه اما اللي مثل اللي كانوا ازواجكم فرقاه عيد

رد: تعبت من جلد الذات
 

انا مع اخوي ((الوحيد)) فعلا التخلص من هاي الاشكال نعمة من الله

لا تضايقون وتعذبون روحكم لكن تعلموا من تجاربكم

في هذي الايام صارت الوحدة تشتري الريال

رد: تعبت من جلد الذات
 

واسمحيلي اختي حتى العنوان الي حاطته انتي يعور القلب

جلد الذات,,, هاي دليل انج معذبة روحج

اختي ترى الدنيا فيها خير وفيها رياييل لا تشيلين هم المستقبل

عيشي يومج ( وابتعدي عن الحريم الي يتكلمون في مشكلتج لان كلما تحاولين تنسين

يذكررونج )اهم شي صلاتج والاذكار ولا تحبسين روحج في البيت طلعي زوري الناس واهلج

واي شخص يضايقج ابتعدي عنه

رد: تعبت من جلد الذات
 

الله يجعل الفردوس الأعلى جزاء والدينك

والله قالو لي كثير ترى مو رجال وقاله أبوي تربية حريم

وقالو لي ان المواقف تبين معدن الرجال لاكن ماكنت اقتنع

لاكن مواقفه مع بنته عرفت انه فعلا مو رجال


(ولد مره) هذي كلمة شيبانا في الجنوب 😂😂
الله يعوضنا ب أفضل الرجال واخيرهم

رد: تعبت من جلد الذات
 

وعلى فكرة هالاشكال مايطلعون حرتهم الا على زوجاتهم

ياليت البنات يتثقفون عن هالموضوع قبل ما يطيح الفاس بالراس

رد: تعبت من جلد الذات
 

اللهم امين
ووالدينك وجميع المسلمين

ابوك الله يطول بعمره صادق وعارف انه مو رجال يتكل عليه ويشد الظهر فيه
وسعي صدرك وانا اخوك والدنيا الى الحين ولله الحمد بخير
وبكره ربي ان شاءالله يرزقك برجال بكل ماتعني هالكلمه وساعتها راح تقولين انا وشلون كنت عايشه مع فلان

رد: تعبت من جلد الذات
 

لانه مو كفو يواجه الرجال
فـ يحط حرته بالحريم
ومثل ماقالت الشاعره اسد علي وفي الحروب نعامة ^_^

رد: تعبت من جلد الذات
 

الله يعوضك خير ، اكثري من السجود وحسن التضرع الى الله وسترين العجب ....!
واعلمِ ان المصائب تبدأ كبيره ومن ثم تصغر حتى تكون ذكريات ، والعوض بقبال بإذن الله ....!