رد: ابني يقرف من كل شيء
 

عم زوجي عنده وسواس نظافه واهلك زوجته الى ان اصيبي بإنزلاق غضروفي والآن هو من يشتغل في البيت ويشعر بإشمئزاز اذا فكر فقط في جلب خادمه

للأسف طفلي الثاني طالع له حتى سريره مايسمح لأحد بالجلوس عليه العجيب أنه مايهتم كثير بنظافته الشخصيه يعني الاستحمام لازم أعزمه ع الحمام انظفه واجهزه له واقوله تفضل استحم نادراً مايروح بنفسه يستحم عمره 9 سنوات

اخوانه انظف بكثير منه مستحيل يمر يوم مايستحمو وهو بالازعاج يروح اقله طيب وفهمنا اسباب تقرفك من الي حولك طيب ماتقرف من نفسك😑 خليها ع ربك

رد: ابني يقرف من كل شيء
 

بارك الله فيك وفي اولادك
والله يا اختي خوفتوني يعني الامر قد يؤدي الى وسواس لا قدر الله
انا عندما كتبت الموضوع كان فكري كيف اجعله ياكل هو لا يعاني من نقص شهية ما شاء الله عليه
والان فتح امامي باب تفكير آخر

رد: ابني يقرف من كل شيء
 

الله يسعدك يا عسل
امين ولك مثلهاgggh


اختي والله ما ودي تخافي ولا تقلقي
وصحيح كان كلامك عن الاكل ورفضه له
لكن لما قلتي تحديدا انه يقرف من شكل النوى على الطاوله
وجت سموره بقصة بنتها تذكرت نفسي كيف كنت وانا صغيره
وايش صار معي لما كبرت

ما اتوقع انها اشياء عاديه "بناء على تجربتي "
يمكن مع اطفالكم ما ينطبق نفس الشي
وممن ينطبق الله وحده اعلم

الله يحفظهم بحفظه من كل شرdgt

رد: ابني يقرف من كل شيء
 

بنت أختي عمرها 5 سنين كذا تتقرف من الأكل عايشه على الشيبسات والعصيرات والحليب وبعض الأكلات يمكن أربع أصناف بس هي اللي تتقبل تاكلهم وتتقرف أحيان من أمها ومن روائح بعض الأكلات
و واحد من أخواني في صغره كذا ومازال هالطبع فيه وهو بالعشرينات الحين
مره كان عازمه واحد من أصحابه وهم ماشاء الله عائلة ثرية المهم مد له سفرة طول بعرض وماأكل أخوي إلا شي بسيط زعل منه صاحبه بس فهّمه أخوي السبب وهالشي يخلي أخوي مايقبل العزايم لأنه ماياكل يتقرف كم مره يزعلون منه أصحابه لأنهم يعزمونه وماياكل بالذات برمضان ع الفطور و لو طبخنا بالبيت ماياكل إلا أشياء معينة وأغلب أكله من برا بصراحة الله يهديه مُتعب
ودورة المياة مستحييييل يدخلها إلا ببيتنا حتى لما يكون مسافر بالطيارة أو السيارة يتعمد ماياكل ولايشرب عشان مايدخل دورة المياه هو حالياً بأمريكا يدرس يعني تخيلي لما يسافر بالطيارة كل هالساعات مايدخل الحمام إلا لو حس إنه راح يعملها على نفسه مايقضي حاجته وإنتم بكرامة إلا بحمام بيتنا أو حمام شقته هناك بأمريكا ياما نصحناه مايصير يحبس نفسه هالشي بيأثر عليه لكن لاحياة لمن تنادي أوقات يرجع للبيت يقضي حاجته ويرجع لبيت صاحبه اللي يبعد عننا مسافة 45 دقيقة
أنا مع البنات لازم تنتبهين لولدك هل هذي مؤشرات لوسواس ممكن لاقدر الله يصيبه بالمستقبل ولو كان فعلاً وسواس علاجه من البداية أسهل لأن أخوي وأختي أم البنت كلهم مصابين بوسواس النظافة ماأدري بصراحة لو هالشي وراثي وإنتي ذكرتي أعمام أولادك مصابين بالوسواس الله يعافي الجميع

رد: ابني يقرف من كل شيء
 

شكرا اختي لنقلك هذه الحالات والف شكر لتنبيهي
حاولت كثيرا لكن والله عجزت عن ايجاد حل
كان همي في الاول جعله ياكل اما الان كيف لا يتطور الامر