|
رد: تعبت من جفاه وأسلوبه الجاف ..
طنشته زي ماقلتوا لي.. من يوم الثلاثاء وهو فاك الحظر عني بس ما كلمته ولا كلمه ولا اتصلت
اليوم اتصل على امي يقولها تبغي عسل اعمل حسابك ولا لا ؟ طبعا اتصل على جوالها .. ما كلمني وخلاص من عافنا عفناه .. الان لما يرجع كيف اتعامل معاه والله محتاره استقبله ماكأنه صار شي وادوس على قلبي وزعلي منه .. علشان أتجنب المشاكل ؟! ولا أزعل وما ارد عليه وما أقابله ردا ع تصرفاته ؟! محتاره والله انا الان اتعامل لسنوات قدام ان ربي أدانا عمر .. يعني ما ابغاه يحط بباله ان عاملته كويس لما يجي انه هذي الإنسانه عادي طنشها واحظرها وتلقاها تستقبلك احسن استقبال ؟؟ جد جد اسعفوني ... كان في واحد دايما يغلطني نسيت اسمه بس كان مايقصر فيني ويهديني عيوبي واخطائي بتطرف .. احتاج رأيه الان .. وكثير اخوات وإخوان فاقده ردودهم بمتصفحي.. |
رد: تعبت من جفاه وأسلوبه الجاف ..
حبيبتي زوجك قاعد يلوي ذراعك علشان ينسيك قصة بنت خاله
انا أقول قفلي على الموضوع وانسيها وحاولي تتعاملين معاه بحذر لانه بصراحه مو سهل اذا أخطئ يعرف كيف يقلب الموضوع عليك خليك رسمية معه الفترة الجايه وإذا رجع لا تبينين له اي شي لا زعلانه ولا راضيه رسمية جدا أدي واجبك اللي عليك و لا تقصرين في شي بس لا ترجعين هذيك المشتاقة المحبة الله يكون في عونك والله التعامل مع زوجك يبغاله دراسه و معرفه لطريقته في التفكير |
رد: تعبت من جفاه وأسلوبه الجاف مستجدات رد21
منفردة
اختلي بنفسك و اسألي نفسك : هل أريده في حياتي؟! كوني واضحة وصادقة مع نفسك، متجردة من كل المشاكل و المواقف المؤلمة التي قد تؤثر على إجابتك، حاولي بكل جهدك أن تتوصلي لإجابة صريحة وواضحة وواقعية فأنتِ وحدك و لن يسمعكِ أحد أو يصفك بأنك ضعيفة أو أي وصف لاتحبيه. هذا السؤال و اجابته مهمين جدا في تحديد مسار حياتك مع زوجك، لأنكِ إن كنتِ فعلا تريديه في حياتك فستتركين أشياء و تفعلين أشياء لأنكِ تريديه ، يعني ستتجاوزين أخطاؤه ستغفرين زلاته سيتسع صدرك له لأنك تريديه ! وعلى فكرة راحة بالك أهم منه، فأنتِ عندما تتغاضين عن أشياء وتمثلين نسيان جروح عميقة وتستمتعين باللحظة وتتركين التفكير بالماضي لأنه ماضي و تذكرك له لن يفيد بشيء، هذا لأجل راحة بالك أنتِ أولا و أخيرا، صدقيني لنفسك حق ، فكري في نفسك فكري في راحة بالك كأولوية دائما. |
رد: تعبت من جفاه وأسلوبه الجاف مستجدات رد21
هو عارف انه صغر بعينك بعد الخيانه
فجالس يستفزك للخطأ عليه حتى تختلط الامور هالنوعية تحتاج طولة بال او انسحاب حلين لا ثالث لهما بما انك حابه تستمري معه طولي بالك لاقصى درجة ولا تبيني ابدا انه استفزك ولا تسألي نهائي عن الحظر ولاتجيبي طاري الخيانه نهاااائي ولا كأنو هامك اي شي صار تقدري؟ اذا قدرتي وضبطتي امورك وقتها تأكدي انه بيتغير هو مجهز نفسه اذا رجع ومتوقع منك عتب وتصفيه حساب خالفي توقعاته لا ترحبي فيه كأنه جاء من دوامه مو سفر يعني سلام بارد وصمت وبس واذا فتح مواضيع قولي معليش مصدعه او المسلسل بدأ بعدين نتكلم المهم لاتعطيه فرصه يقلب الطاوله خالفي توقعاته حبيبتي وتدربي على هالشي من الان واذا رجع صدي عن الجدل وانشغلي ببنتك.. لعبيها ودلعيها يعني نظام انا مبسوووووطه وبالي مرتاح بس انتبهي للغه جسدك مو تعملي كذا وانتي نظراتك ناريه او صوتك منرفز لا لا خلك ريلاكس وبارده معه ادري صعبه بس هذا ردي على سؤالك اذا رجع |
رد: تعبت من جفاه وأسلوبه الجاف مستجدات رد21
اقتباس:
هاذا حل مشكلتك و مشكلتي يا منفدرة نقطة الى السطر |
رد: تعبت من جفاه وأسلوبه الجاف مستجدات رد21
اكيد ابغاه .. فيه صفات كثير حلوه
لكن قسوته الزايده والله احيانا ماالقى لها تفسير ولما بوقت الصفاء النادر جدا اسأله ليش تسوي كذا يقول انا والله احبك وربي اني احبك لكن انتِ تعاندي انتِ ماتسمعي كلامي وانا والله اني اسمع كلامه لكن من جد من جد زي ماقلتوا تصرفاته مالها تبرير الا انه يحاول يلهيني عن اللي صار احسه اصعب اختبار اني اكون بارده وساكته لكن لازم اكون كذا الشي اللي قلبي يدلني عليه اوقات اني ارتمي بحضنه وابكي وأقوله ليش تسوي فيني كذا لكن الحياة معاه مايبغالها إظهار مشاعر بالذات هالفتره يبغالي ابين له انه انا بعيش برضاك او بدونه ماعدت اهتم بنات مرا شكرًا لمساعدتكم كنافه ... انا متابعه كل كل مواضيعك من زمااااان واعرف كل تفاصيلها دعواتي لك انه ربي يصلح زوجك ويسخره لك طيب بنات حتى لما اروح البيت ما اسولف معاه ولا اجلس عنده كثير ولا ايش اسوي ؟ ابغى خطه متكاملة بحيث تكون لفترة زمنيه معينه بعدها لابد ارجع لطبيعتي وهو لازم يرجع احسن من اول كونوا بالقرب .. |
رد: تعبت من جفاه وأسلوبه الجاف مستجدات رد21
اقتباس:
هههه مشكلتك و مشكلتي متشابهبن كثييير و يبالنا نفس الحل بنتظر معاك ردود الاعضاء جزاهم الله خيرا..بشان خطة التعامل..الله يجيب الخير |
رد: تعبت من جفاه وأسلوبه الجاف مستجدات رد21
ليلة هادئه
زوجك يهمل مسؤولياته ويأجلها زوجي مهتم كثير بشؤون البيت ويهتم لامر بنته ويتدخل بكل شي لدرجة ممله مدري انتِ ايش تشوفي الرابط بينهم ؟ |
رد: تعبت من جفاه وأسلوبه الجاف مستجدات رد21
اقتباس:
المشكل الاساسي النقاش معاه عقيم و احب افهم ليش يسوي اشياء و هو مايفهمني ما يرد على اتصالاتي مثل مازوجك يحظرك..و لما اسالو انت ليش تسوي هيك يقول انتي نكدية و يطلعني انا الغلطانة..اثنينهم يبيلهم خطة و طريقة تعامل وحدة...مبدأها التطنيش...و باقي اللي ينصحونا بيه الاعضاء الكرام هاذا في رايي ابرز وجه شبه بينهم حبيبتي ادا ما ودك ندمج الموضوعين بلاها مزحة و اسفة على التطفل هههه |
رد: تعبت من جفاه وأسلوبه الجاف مستجدات رد21
ابدا لا تطفل ولا شي .. بالعكس لو من كلامهم فائدة لك انتِ كمان تفضلي المكان مكانك .،
اكتبي هنا اللي تبغيه وناقشيهم كمان .. عدم ردهم وأسلوبهم فيه قلة احترام لكن الواحد ايش يقول اعلم انسان اكبر مني الاحترام ؟ مشكله |
| الساعة الآن 02:04 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©