رد: زوجي مسافر مع امه
 

الله يعينك
مقدرة شعورك
الزوجة هنا تحس انها وقف
ندري ان يصير يسافر لحاله. بس ذوقا ياخذ بخاطرها او امه تقول السبب. مش يعاملوها كأنها بدون احساس
لكن ما بيدك حيلة.

رد: زوجي مسافر مع امه
 

أم وعيالها مسافرين انتي وش موقعك بينهم تبين تفرضين نفسك عليهم؟
انا اسافر مع اهلي بدون زوجي .. وزوجي سافر مع أهله بدوني.. وانا مقدرة هالشي ومتفهمته لأني في سفراتي مع أهلي أحس ماينفع يروح معانا بيصير دخيل علينا ..
وفوق هذا السفرة على حساب أمه وهي اللي قررتها وخططت لها تبي تسافر مع ابنائها وتاخذ راحتها معاهم .. لو زوجك اللي دافع ومخطط للسفرة واخذ امه واخته وخلاك هنا ممكن الموضوع يزعل شوي .. ولو اني اشوف ان الرجال من حقه يقضي وقت مع اهله بدونك ..

رد: زوجي مسافر مع امه
 

عزيزتي
هل انت تقدري تسافري مع أهلك بدونه؟؟

رد: زوجي مسافر مع امه
 

موقعها انها زوجته .. !!!

رد: زوجي مسافر مع امه
 

انت لو بتسافر مع اهلك تحب اخوك ياخذ زوجته معاه؟ ماراح تحس بالضيق والتقييد؟

رد: زوجي مسافر مع امه
 

الزوجة صلة قرابتها بأهل زوجها نسب وليس دم كافراد الاسرة..
أنا اعرف اني لست بذات اهمية بالنسبة لأم زوجي .. زوجي يصير ولدها ومهم بالنسبة لها وكذلك ابنها وابنتها .. لكن انا دخيلة لو جلست بينهم ..
هذا واقع وحقيقة مايزعل هالشي ..
ولو سافرت معهم راح تنقسم المجموعة .. اما النساء لوحدهن والرجال لوحدهم.. او انا وزوجي لوحدنا وأهله اوحدهم .. وهذا اهم سبب يخلي الزوجة تقعد مكانها ..

رد: زوجي مسافر مع امه
 

اتوقع كذلك عزيزتي مريم
ان حصول الزوجة على سفرة مع اَهلها بالمقابل. اقصد في أوقات اخرى تفرق كثير
فرق بين زوجة تقدر تطلع و ترد و تجتمع مع صاحباتها و تسافر مع اَهلها بين فترة و اخرى
و بين وحدة جالسة بين جدران حالتهم ما تسمح للسفر. و هو يسافر و يفلها بدون كلمة تجبر خاطرها
و نقول عادي. ما لك دخل
انت اجلسي بالبيت متى ما حصل لك سفر افرحي. غير كذا لا تزعلي
ترى فرق!!نمط الحياة هو اللي يخلي الانسان كذا

رد: زوجي مسافر مع امه
 

نعم .. اغلب سفراتنا عائليه زوجتي وزوجات اخواني واخواني والوالد والوالده ..
في بعض السفرات بدونها .. وهي لها سفرات مع اهلها لحالهم ..
بس انا تعليقي كان على نقطه موقعها بينهم .. موقعها انها زوجته واصبحت فرد من افراد العايله .. هذا اللي حبيت اوضحه ..
اما لكل واحد الحق انه يسافر من اهله بروحه من غير الزوج .. والعكس ..

رد: زوجي مسافر مع امه
 

احترامي لك اخي خالد
نادرا ما ارى رجل منصف وحقاني
خصوصا في هذه الامور
بارك الله فيك

فعلا الزوجة ليست دخيلة
المفروض اصبحت جزء من الاسرة
اسلوب: مالك دخل/ الزمي حدك.. جارح

ام الزوج المفروض تعتبرها بنتها
ولو بتأخذ زوجها تعطيها عذر وتطيب خاطرها بكلمتين

وكلام مسز داني برضو صحيح
الزوجة اللي زوجها يسافر ويتركها
ويكون مسموح لها تسافر مع اهلها
وتطلع تغير جو مع صديقاتها
وترفه على نفسها من وقت للثاني
هذي مستحيل تنزعج من سفرته
لكن اللي حابسها وكاتم انفاسها
بيضيق صدرها وتنجرح
هو يروح شرق وغرب ويفلها
وهي ممنوع عليها تجلس ساعه مع صديقاتها

مالكم كيف تحكمون


صاحبة الموضوع
مابعد الضيق الا الفرج
ادعي الله يعوض صبرك خير

رد: زوجي مسافر مع امه
 

نعم فرد من افراد العايلة، هي زوجة ابنهم وأم احفادهم ..
لكنها ليست في مقام ابنتهم .. ولو كانت كذلك لأخذتها ام زوجها معهم في السفرة ..

كوني عزيزة نفس اختي .. لا داعي للزعل والنكد وإن شاءالله يعوضك زوجك في سفرات لكما وحدكما اونس واريح ..

انا ايضا مثل مسز داني اتمنى ان اعرف ان كنت تسافرين مع زوجك او مع أهلك ..