رد: مطلقه في صراع ما بين عقلها وقلبها
 

جزاك الله خيرا
باذن الله ناويه اني ارد مثل اول بدراستي واهتم بجسمي والرياضه

رد: مطلقه في صراع ما بين عقلها وقلبها
 

ممكن تجاوبون على سوالي لو كنتو مكاني ايش رح تسوو


انا كلمت المصلح الاجتماعي وقتله بالي حصل وقتله بالتلاعب الي تلاعبو فيه زوجه الاب واهو ومصلح اجتماعي اخر ،
بحكم عملها في المحكمه الله يسامحها، خبت الملف ودخلته عند واحد عشان يضمن حقوق ابنها وما يكتب سبب الطلاق ، ويطلقوني غيابي ،في ملف الطلاق غيرو السبب وكتبو ان مشاكل عائليه ، وانا عندي ورقه رسميه تدل على تعاطيه وتثبت ذلك . قالي من حقك تغيري في مجال يتعدل الملف لكن ما يقدم او ياخر ، تحسون اعدل عليه ؟ وله خلاص ايش بستفيد لو سويت
كذا و يمكن اخرب حياته ؟ وهل الناس رح تهتم فيه ؟ انا محتفظه بالورقه الي تثبت تعاطيه لو سمح الله
وجا احد وتكلم في عرضي او ظلمني اوريه الورقه

ايش رايكم اغير السبب لان بعد كم يوم لازم اروح واخبرهم ان خلثت العده وغيره واستلم الورقه النهائيه

رد: مطلقه في صراع ما بين عقلها وقلبها
 

شوفي اختي اذا حقك محفوظ نفقة (العده والمتعه)
مايحتاج تعدلي على الملف وتضيفي انه يتعاطى ماراح تستفيدي شي ...!
لكن اذا حقك راح يضيع ويكون الطلاق بسببك وتنحرمي من العده والمتعه لا اهنيه تحتاجي تعدلي على الملف وتضيفي تعاطيه للمسكرات لضمان يكون الخطأ عليه والضرر وقع عليك منه ...!
ولاتنسين من ستر مسلماً ستره الله يوم القيامه ....!

رد: مطلقه في صراع ما بين عقلها وقلبها
 

ممكن تشرحلي عن العده والنفقه ؟ لان والله مب فاهمه ايش يعني ،

انا بقولك ياها عشان اتعرف اذا استحق الشيئين او لا ! طبعا اهلي خيروني بين الطلاق او الرجوع ( على شرط انهم يتبرون مني) انا كنت ابغي استمر لكن مع علاجه واذا وافقوا بوافق واذا لا لا ما رح ابيع اهلي بسبب شخص ، وقتله لو ما تصلحت انا ما ابغاك ورح امشي ورا اهلي وانت تدري اخذتك لدينك وبتركك لدينك وقالي صح ، وبالاخير رضخ للامر الواقع وطلق ولا حاول محاولات جاده ، وابوه طرشلي ممسج ان امشي ورا كلام اهلي، طلقني امام ابوي وابوه في البيت يوم ابوي طلب ان يطلقني ساله اهيه تبغي قال له اي لان كنت ما شوف منه اي شي صح وطلق على طول، بعدين انا خلاص حسبت العده في التاريخ الفلاني كان تقريبا في شهر 4 وكنت في بيت ابوي ، المهم مرت الاولى والثانيه بعدين ابوي سالهم اثناء العده ايش سويتي في موضوع بنتي ، الاب جاوب خلاص فتحنا ملف ، وما كانو فاتحين قاله لو حاول يرجعها والله لاقتله عادي عندي ، و خلاص قتله اسمع كلام ابوي ولا تفكر فالرجوع المهم وهو قالي امشي على شور اهلك وخلاص انا وياه انقطعنا عن بعض ثاني يوم راح اهو وابوه لامه الي هيه زوجه ابوه و بحكم عمالها فتحت الملف بنفس الوقت ما كانو فاتحينه من قبل بس كذبو علينا ، و في الملف كتبو طلاق رجعي ، وان فلان طلق زوجته المدخول بها طلقه واحده ، في التاريخ الفلاني الي هو بشهر اربعه تقريبا ، و كاتبن انهم اتصلو علي لكن ما جاوبت واهم بالاساس ما تصلو ، و كتبو السبب بان مشاكل عائليه و غيرو الشاهد الي هو ابوي وحطوه المصلح الاجتماعي ، وانتهينا وانا انتهت عدتي

ما حصلت ولا فلس منهم واساسا انا مب محتاجه منهم وعزت نفسي ما تسمحلي اطلب من هذي العايله اي شي ، الجرح الي سولي ياه ما داويه فلوس الدنيا وما فيها ولا تقدم ولا تاخر ، لكن ما تكلمو عن النفقه او اي شي فهل يعني تلاعب ! حتى الموخر فالملكه عطاني فلوس بس ما ادري هل هذا الموخر او شي اخر لان موخري 2500 وما اذكر بضبط كم عطاني هل 2500 او لا وهو ما قالي لو موخر او فلوس لي، فما ادري ، ابوي هدفه فقط تخليصي من هذا الشاب ، و خلو اخوه الصغير يجي لاابوي ويعطيه ورقه طلاقي وانتهو ، وانقطعو عنا ، وابوي تابع الملف وقاله المصلح ان في زياره وحده ولازم انا اكون موجوده لتوقيع عشان خلصت العده و انتهينا

فهل استحق العده و النفقه يعني ؟ لكن اذا نفقه تعني فلوس احس اني كاني محتاجه لهم واذل نفسي له وبالاخير انا مب محتاجه له ابدا
هل توافقوني بالراي

وعن الستر يشهد الله علي اني ما تكلمت عنه لاي شخص الا لصديقتي المقربه وكان الهدف ان توقف
معاي والله ما نسيت الفضل ومدحته ، لان زوجه اخوه صديقه صديقاتي وهم ناشرين سبب اخر وهالسبب بصراحه احس فيه تشويه لي وهو ان طلبت الطلاق لانني اريد منزل لحالي وكبير و بسبب التدخين ، وانا والله ما طلبت الطلاق عشان هذا ، كانو يسالون عن السبب اقولهم الله ما كتب والله يسامحه واكتفي حتى صديقتي ما رح تتكلم الا اذا زوجه الاخ ظلمتني امام صديقاتي بغيابي، والسبب الحقيقي اخوانه خبرو الاهل

رد: مطلقه في صراع ما بين عقلها وقلبها
 

نعم اختي يحق لك نفقة العده ونفقة المتعه وهي حلال بلال لك شرعها الله عند طلاق الزوجه وهي في ذمة طليقك الى يوم القيامه ....!
وهي نفقة العده مصرف ثلاث شهور مقطوعه لمره واحده اعتقد انتي من الامارات يعني ثلاث الاف درهم هذه العده...!
ونفقة المتعه مصرف سنه كامله مقطوع لمره واحده يعني 12 الف درهم طبعاً يرجع ذلك الى يسار وعسار الزوج ...! بعض القضاة يجعلها 600 درهم عن كل شهر لمدة سنه حسب راتب الزوج ويسره ....!
وهي جبر لخاطر الزوجه لطلاقها ...!
يعني لك عده ثلاث شهور ومتعه سنه ....!
طبعاً حلال لك وحقك كتبه الله من سبع سموات الله يكتب لكم ولنا ولمن يقرأ الخير .....!

عفواً نسيت اضيف اذا لك مؤخر صداق فهي في ذمة الزوج لابد ان يدفعها لك وتعتبر ذمته مشغوله حتى ان يؤديها لك ....!

رد: مطلقه في صراع ما بين عقلها وقلبها
 

اكتب بصك الطلاق السبب الحقيقي
من شان اذا جالك نصيب ان شاء الله وتقدم
لك خاطب يعرف سبب طلاقك

رد: مطلقه في صراع ما بين عقلها وقلبها
 

بس ما ادري ايش نوع الطلاق الي وضع :( لانه اول مره يوم فتحو الملف كان اسمه طلاق الضرر ، وكان فيه ارفاق بان الشخص هذا يتعاطي ودخل مصحه ، وتسكر الملف يوم رديت له و كتبت شروطي :( وانتهينا منه ، المشكله م ادري ايش نوع الملف المفتوح الان لان فتحوا كل شي وسوه من ورانا . الورقه الي وصلتني هيه فقط ورقه وقع الطلاق وان طلقه واحده فقط وحتى السبب غير مذكور فيها لكن الوالد سال مصلح اخر وبينله السبب ، لان لو سالت الوالد بيقولي ايش تبغين هدفه الولد هو تخليصي من هذا الرجل باي طريقه كانت ، حتى كان بيدفع له فلوس الي يبغاها لاجل تطليقي واخاف من الوالد ولو جلست معاه بيدعي عليه دعاوي وانا بصراحه ما اقدر اسمع احد يدعي عليه ، على الظلم الي نظلمت منه لكن ما اقدر اكيد فيه اشياء زينه وهم ما يدرون عنها ، والوالده لو سالتها بتفتح لي جرح جديد و بتدفعني للمطالبه بتعويض وانا والله ما ابغي مشاكل خلاص شي وانتهى واعرف ما يقدر يجيب التعويض من وين له بالمبلغ الي امي تبغاه، واحس بضغط عليه وممكن لو كان تايب يرد للطريق العوي ، وحتى ماجله موضوع زياره المصلح ما ابغي الجرح ينفك مره ثانيه ، دام ان نفسيتي افضل وخلاص م عد اسمع هالسالفه من اهلي فالحمدلله ، احس لما بوقع وبيقع الطلاق صدق خلاص بنهار ، اخ الله يسامحه

رد: مطلقه في صراع ما بين عقلها وقلبها
 

والله ما ادري الوالد يقولي ولا يهمك الكل يعرف نقاء صفحتك ونقاء اخلاقك ، والمصلح يقولي ما تقدم ولا تاخر مين الي بيفتح الملف وح يدور ع السبب ، وامي تقوول لانك مب بنته ومب محروق قلبه عليك ، وانا ابغي الستر وايش رح استفيد لو كتبت ممكن اضيع مستقبله لو اهتدى، و لعل الله يجاريني على فعلتي، بالحقيقه انا امتلك ورقه تثبت تعاطيه ، لكن لو خطبوني يني رح اعلقها على ظهري! يعني بجد امر صعب الله يسامحه .

لا ادري :(
في حيره من امري وخصوصا ممكن الوالد فجئاه
يقولي يالله للمحكمه عشان التوقيع فلازم اكون متخذه القرار السليم من قبل

رد: مطلقه في صراع ما بين عقلها وقلبها
 

للاسف انا بديت فالانحدار ومره ثانيه بالبكاء بعد ما قطعت شووط 😭😭الله يسامحهم من كبيرهم لين صغيرهم وربي كنت ناسيه الزواج ولا همي ، كان همي اتخرج من الجامعه بمعدل عالي وافتحلي مصنع بعد ما كان همي الدرجات والجامعه اخ 😭😭 اذا اهم عارفين عن ولدهم ليش يبلشوني ليش مب حرام عليهم ؟! ما يفكرون في ذريتهم ؟ ما يفكرون بالقبر 😭😭 والله فيني غيض خاطري اجمع عايلته فمكان واحد اصرخ وادعي عليهم وادوسهم كلهم كلهم والله بس خوفي من الله ، ليش اذا مب قد الزواج ياخذون بنات مالهم ذنب و ياخذونهم و يراون الناس انهم عادي يتزوجو و بعدين يطلقونهم ، الولد يكمل حياته والبنت ما غير تتحسر بعد م خسرت كل شي وربي هذا الشي يالمني الم مب طبيعي اخذ اعز ما املك ورماني كذا والله كانو يتوافدون علي الخطاب كنت مرغوبه اخذني بهال الشكل ما تفلسفت فالمصاريف ولا ازواج الي يقدر عليه ، حتى بيتي شلوه وسكتت اثاثي الي اخترت رجعوه و حطو ع ذوقهم ا، وربي اهو مب فارقه معاي بس ليش اذا مب قد الزواج وعارف ان شتان ما بيني وبينه ليش يكمل ليش يرضى يخطب ، ليش ما اخذ من شاكلته ؟ مب ظلم اخذ مني اغلى ما املك ، اخذ شي ما ينرجع اخ ، والله ما حد يحس بحرقتها الا الي مجرب ، اليوم من عايلتي يقولون طالبيه بتعويض ؟ اي تعوض والله لو عطوني اموال الدنيا وما فيها بتبرا جرحي ، ليش اذا اهو عارف قلبه مع الفاسقات ، قلبه مع الخرابيط قلبه مع السكر والمخدر ليش ياخذون العفيفات ليش ما ياخذون اللي معاهم ! ليش اهو ناوي يكون اب ؟! ليش ناوي يكون اب حرام عليهم ، خل ياخذون من شاكلتهم للوناسه لوحده تجهزله اجواء الديسكو لوحده تصبله الشراب لو حده تعمرله المدواخ وحده تتعاطى معاه ، اااه قسم بالله بهم اقول ياريت بس يرجع الزمن ورا، خاطري ان ربي يعطيه وحده تراويه هو واهله نجوم الليل في عز النهار بعد ما ظلموني ولين الحين احترمهم ولا واحد منهم اعتذر ولا واحد منهم قال سامحيني حليليني ، وانا المظلومه الي انظلمت يوم غلط علي سكرت في ويهه وبعديها طلبت منه ان يحللني ، وهو الي عمل كل هالعمايل ولا وحد منهم اعتذر ؟ اهو بالذات يعرف كيف عاملته وشو سوويتله اه والله حرقه فصدري لو اقدر اصرخ لصرخت وقلت للبيت عن حسرتي وقلت للبيت عن حرقت قلبي مب حاززني حاليا اسم مطلقه حاززننني كيف عطيت شخص ما يستاهل و لا اهو قده اعز ما املك


ادعولي ان الله يربط على صدري والله يعلم بالي فصدري من نار وقهر

رد: مطلقه في صراع ما بين عقلها وقلبها
 

الله ينسيك همك
ويعوضك زوج ابرك منه
ويسرامور دراستك ويرزقك من حيث لا تحتسبي
فقط اجتهدي في دراستك وراح ان شاء الله تتيسر امورك