المشاركة الأصلية كتبت بواسطة خالد_عبدالله (المشاركة 3460076)

اللي بيلتفت لكلام الناس وبيقعد يفكر في كل كلمه تنقال احسن له يدفن حاله في البيت !!
كلام الناس لا يقدم ولا بياخر ..
عليج من نفسج .. بما ان الطالبات حابين طريقتج في التدريس توكلي على الله واستمري ..
وماعليج من الديناصورات .. يمكن همهم انهم يثبطون عزيمتج لانج افضل منهم في التدريس ليس الا ..
انا من وجهة نظري استمري بوظيفتك بما ان حالتكم الماديه على كلامك عن زوجك انها مش ولا بد ..
ولا تاخذين الوظيفه على انها راتب وروتين تادينه يوميا وخلصنا .
حطي في بالك انك معلمه وانك بتخرجين اجيال مستقبلا ..
راح تشوفينهم شاغلين مناصب في المستقبل باذن الله ..
هذا الشي راح يسعدك جدا جدا ..

انا اعمل في شركه وماسك فيها منصب متوسط .. ودايما يزورني احد المدرسين اللي درسني في المرحله الاعداديه .. لانهاء بعض المعاملات ..
لما يشوفني يفرح جدا .. ويقول للزملاء ترا فلان انا مدرسنه وشوفوا وش صاار ..

اتمنى لك التوفيق والسداد . وانتي عاقله وكبيره مو كل كلمه ماما قالت وماما تبي وماما تقول ..
القرار بايدك الحين .. مو عند ماما ..
اذا شايفه انك مستحيل تتاقلمين في هذا المكان انقلي مكان اخر .. ولو زعلت الماما ..

المشاركة الأصلية كتبت بواسطة محب السنة (المشاركة 3460103)

أنت مشكلتك مو في العمل بحد ذاته لأنك متميزة في أداء عملك كما ذكرتي
أنت مشكلتك في جو العمل (بيئة العمل)

المشاركة الأصلية كتبت بواسطة فجر الهوى (المشاركة 3460401)

النقل صعب الان الا بعد سنة تقريبا
و القرار فعلا بيدي لو بتركها لكن من فين نصرف و نعيش ؟!!
امى اعرفها بتنفذ كلامها و ماتعطينى لو ريال ..

المشاركة الأصلية كتبت بواسطة ZOTA (المشاركة 3460218)

تعينت بعد التخرج على طول في نفس الجامعه .. زاملت رئيسة قسمي ودكتوراتي اللي كانوا يدرسوني .. اعطيت محاضرات عملي لزميلاتي من نفس دفعتي واللي لسه ماتخرجوا

نفسيتي كانت سيئه صح لا أدري ما السبب .. وحسيت بضيق في البدايه ربما لأنه جو جديد ونقطة تحول في حياتي من طالبه شايله مسئولية نفسها لاستاذه شايله هم طالبات وقسم واشغال اداريه ..

لكن الحمدلله تأقلمت بعد ترم من التدريس وبدأ احساس الضيق يتلاشى ..

دائماً يا اختي قولي الحمدلله على النعمه غيرك مو لاقي وظيفه والمشاعر اللي تحسي فيها عاديه تجي دائماً في البدايات لكن محتاجه وقت تاخذي وتعطي مع الزميلات

اكيد في معلمات قريب من سنك في المدرسه
والكبار مافيه مثلهم .. تاخذي منهم خبره وتستفيدي منهم كثيييييير ..

المشاركة الأصلية كتبت بواسطة خالد_عبدالله (المشاركة 3460403)

ليش امك هي اللي تصرف عليكم !!!

المشاركة الأصلية كتبت بواسطة المتواضع305 (المشاركة 3460335)

انقلي من مدرستك لمدرسه ثانيه
او حولي من معلمه الى اداريه الحلول كثيره ان شاءالله
بإمكانك تأخذين اجازه امومه بدون مرتب او بنصف راتب ....!

المشاركة الأصلية كتبت بواسطة فجر الهوى (المشاركة 3460409)

تساعدنا بالصرف
انا اصرف من راتبي و من احمد ..

المشاركة الأصلية كتبت بواسطة -مسك الليل- (المشاركة 3460342)

يا أختي لو يعطوني أضعاف الأجر المعتاد ما أدرس في مدرسة تذكرني بطفولتي بحلوها وبمرها.. المسألة نفسية ما أقدر حتى أمر جنبها..

يمكن الأمر له علاقة بعلاجك مثلما قلتي..

المشاركة الأصلية كتبت بواسطة خالد_عبدالله (المشاركة 3460412)

ماشاء الله راتبين ومو مكفيكم والوالده تساعدكم بعد ..
هذا بروحه سبب رئيسي عشان تضغطين على روحك وتستمرين بالوظيفه ..
وحطي في بالك مافي وظيفه كلها ايجابيات .. لابد من وجود السلبيات ..
انا الان هذا المكان الخامس اللي انتقل له .. والايجابيات والسلبيات موجوده في كل وظيفه ..