رد: زوجي لا ينجب وانا محتارة بين الطلاق او ال
 

اول شي صلي الاستخاره وادعي ربك ..
تاني شي شوفي كم بالميه نفسك بالنجاب لان القرار هنا يرجع لكي احنا مانقدر نقرر ..
بس ممكن لو انا مكانك اختار الانجاب لان المرأه لها سن معين وتتوقف عن الانجاب وتحتاج ابناء يكونو عون لها في الكبر ويدعولها بعد الممات ...والمرأه بطبعها عندهاالرغبه ب الأمومه سبحان الله .. بس اوقات الحب يغلب على مشاعرنا ..
وشوفي كم عمرك؟ تقدري تصبري مع العلاج لفتره كمان حتى يرتاح ضميرك وتصري على علاج زوجك !؟
وبعدها قرري ..

رد: زوجي لا ينجب وانا محتارة بين الطلاق او ال
 

أنتي أعرف بما يجب عليك
أسألي نفسك واجيبي
صلي الاستخارة وقرري
وفقكِ الله.

رد: زوجي لا ينجب وانا محتارة بين الطلاق او ال
 

ربنا يجازيك كل خير ويسعدك دنيا وأخرة ويرزقك الفردوس الأعلي
للاسف انا لسة لم انتهي من هذه المصيبة بس باخد اقل حاجة ممكنة لم تصل لقرص بس عشان تسكين الالم بس اكيد مش هستسلم لوضعي والتحاليل اثبتت اني مش عندي أي مشكلة في الإنجاب وكشفت كتير عند دكاترة معروفين وكلهم اكدو اني سهل انجب بعد مشيئة الله
وبالنسبة اني اخد قرار صارم انا فعلا محتاجة ده جدااااا لانه بيستهبل هو اه بطل المرة دي بجد بس لسة زي ما هو حتي انه حن عليا ووداني اكشف واعمل تحاليل بالعافية والله وهو اه بعد ما عرف نتيجة التحاليل مش راضي يعيده ولا يكمل وعمال يأجل ويوعد ويخلف
انا بشتغل وهو قاعد ع السرير بكسب فلوس وهو بياخد من اهله كل الناس حواليه بتبني حياتها وهو متمسك بأمل هو متأكد انه مابقاش ينفع يعمله بس للاسف مش قادرة اعمل اي خطوة برده حاسه اني متكتفة شايفاه كويس وممكن يبقي احسن من غيره من تفكيره وكلامه بس مش بشوف منه أي فعل
متأكدة انه عمره ما خانني وده مخليني متمسكة بيه لان كل اللي حواليا خاينين ممكن اي حد يشوف انه مكانش أمين عليا وانه سبب في دخولي هذه الحياة بس هو كان ضايع مكانش عارف بيعمل ايه ومكانشدمتوقع نتيجة افعاله وانا اللي انجرفت في الطريق ده بكل لا مبالاة وبصراحة متوقعتش اني مش هعرف اخرج من الدوامة دي الكل مستغرب من اني مستحملة العيشة بالشكل ده امي زارتني في رمضان بعد ما مشيت قعدت تبكي لاخواتي اختكم فيها حاجة ازاي عايشة كده دي مدفونة لقتني متبهدلة وكل كلامي بعصبية وعماله اتخانق معاه وبيتنا ظلام حتي الإضاءات مكسل يغيرها هيموتو ويعرفو سر تمسكي بيه امي قالتلي لو ماسك عليكي حاجة قوليلي وانا هسامحك واداري عليكي حلفتلها لا عشان اريحها قلتلها لو سبته اضمن منين اتجوز تاني ومتبهدلش وقلتله حجج فارغة صدقني انا لو عارفة نفسي ولا عارفة حتي انا عايزة ايه كنت فعلا خدت قرار اعدل بيه حياتي
يمكن فكرت ان عدم الانجاب حجة اهرب بيها من حياتي دي بس مش عارفة برده خايفة من كل حاجة
وانا هعمل بنصيحة حضرتك وهبدأ من اليوم بقراءة سورة البقرة وابلغ حضرتك بالنتائج

رد: زوجي لا ينجب وانا محتارة بين الطلاق او ال
 

طيب عايزة استشيركم في حاجة زوجي عمل تحليل وقالي النتيجة بس من يومها سايب التحليل في العربية قلتله يطلعه كذا مرة مش راضي وهو قالي ان مممكن يبقي في امل انه ينجب لو خدت التحليل وصورته من وراه ووريته لوالدي هو طبيب عادي ولا ابقي خنته مع العلم هو قالي اما يعيد التحليل عادي اني اقول لاهلي انه عقيم لو دي النتيجة بس انه مخبي التحليل مني وانه بيماطل بقاله فترة في الاعادة قالقني الموضوع ده ايه رايكم

رد: زوجي لا ينجب وانا محتارة بين الطلاق او ال
 

رد: زوجي لا ينجب وانا محتارة بين الطلاق او ال
 

ربنا يكرمكددنيا واخرة يارب دايما حضرتك بتطمني وتشجعني وهعمل كده بإذن الله النهارده او بكرة