المشاركة الأصلية كتبت بواسطة Neat Man (المشاركة 3467211)

مرحبا مبتعثة

ذكرتيني لما رجعت من امريكا بعد الدراسة، كنت أقول لاصدقائي اللي في امريكا، ترى لعب فيني الهوم سك بالسعودية ودي ارجع لكم فيضحكون.

المهم أنا حاااااس بشعورك جيداً لأن مررت به وبقوة، وكنت رجعت 2013 ،وبعد سنة مباشرة 2014 رجعت لامريكا ولنفس مدينتي وكنت ناوي اروح للجامعة بس ماكتب الله، كان شعور لايوصف أبد، متأكد لو رجعتي راح تبكين على تلك الأطلال.
كنت أشعر بانتماء غريب لتلك المدينة، كنت ومازلت أشعر أن جزء من روحي مستقر هناك، حسيت فيها إنها مدينتي، كنت أشعر بالهدوء والسلآم والأمان والانتماء والحرية رغم ضغط الدراسة في بعض الأحيان
اتذكر أيام الشتاء وأيام الصيف والبحيرات اللي حول مدينتي ماديسون
كانت من أجمل فصول حياتي
لما رحت زرت الأماكن اللي كنت أرتادها والكوفي شوب والحدائق والمنتزهات، رحت لشقتي والاماكن اللي حولينها.
رحت للمطاعم اللي كنت أكل فيها عادة وخاصة Olive Garden, Taxes Roadhouse, Chipotle,
وبالنسبة ل Olive Garden فتح عندكم بالكويت أعتقد ثلاث فروع كنت أبحث عنه قبل مدة، واذا حبيتي تروحين له علميني علشان اقولك وش تطلبين مش راح تقدري تغمضي عينيك.

نصيحة يا متفائلة، حاولي هالسنة هذي أو بالبريك تروحي لمدينتك، واسترخي واستمتعي فيها، راح تشعرين بشعور جميل جداً.

عندي أكثر من خطة لعام 2017 أسافر فيها، من ضمن الخيارات المحتملة هي أمريكا، وبالذات مدينتي الحبيبة.

المشاركة الأصلية كتبت بواسطة إستنكار (المشاركة 3467222)

انا مثلك وبشدددددة للاسف
و لا احب اشوف الصور القديمة ترجع لنا الذكريات التي لن تعود
قبل كنت استغرب من اللي يقولون مانحب نشوف صور عيالنا و هم صغار و لا نحب صور الذكريات و الان عرفت السبب .. لاننا راح نحن لشيء لن يعود و هذي الذكريات لن تنفعنا ..
المفروض مانصور نعيش اللحظة و ننساها .....العمر قصير جدا .. المفروض ما نضيعه على هذا الشيء
اول مشاركة لي بعد العودة🙂

المشاركة الأصلية كتبت بواسطة Zainab123 (المشاركة 3467225)

مدينة ماديسون في ولاية ويسكنسن انا ايضا اعتبرها مدينتي واحس بالإنتماء لها خاصة اني درست اوانجبت ابناائي هنا ..والآن كبروا فيها وكونوا صداقاتهم ..
...
مبتعثة احس بشعورك حتى وانا هنا في الغربة بمجرد اني افكر في الرجعة واني ماراح اشوف مدينتي مرة ثانية احس باكتئاب صحيح الوطن ماله مثيل ولكن بصراحه اعتبر غربتي وطني الثاني ...مااتخيل اني ممكن انزل ولا ارجع. في الإجازات عندما اكون في السعودية صحيح افرح بشوفة الأهل ولكن بعد اسبوع اشتاق لبساطة الحياة هنا..

المشاركة الأصلية كتبت بواسطة معلمة مختلفـ❤ــة (المشاركة 3467220)

ياحظكم ماشاء الله تبارك الله :) .. انا مابغى ادرس صراحه لكن نفسي اعيش تجربة في الخارج واختلط بثقافات الاخرى اصلا لو اقول لوالدتي هذا الكلام تجلس تضحك علي .. انا اكتفيت من دراسة من ايام الدراسة الجامعية ومابعد الجامعة دبلوم وغيرها لانها مملة وانا طبيعتي احب اتعلم ذاتي افضلي ويناسبني كثيرا لكن اتخيل انو ماخضت تجارب في الحياة كثير شيء مؤلم :/ ..

المشاركة الأصلية كتبت بواسطة روح الطير (المشاركة 3467256)

مبتعثة

الإحساس هذا ما أظن راح يفارقك أبدا ..
شوفيني إلى الآن .. مشتاقة للمدينة الي درست فيها ..

و لو رجعت بإذن الله بريطانيا بأزور جيراني القدامى
في المدينة التانية :)

المشاركة الأصلية كتبت بواسطة أعماق (المشاركة 3467253)

مرحبا مبتعثة..

ارى ان الموضوع له عدة مسببات .
منها طبيعة الشخص ارتباطهم بالذكريات واشتياقهم لها في اي مكان كان في داخل البلد او خارجها ..
والبعض يفصل ويحدد ولا يضيعون وقتا ً في التفكير او استرجاع الذكريات ..

اعتقد مايعزز هذا الشعور ايضا هو استقلاليتك هناك وادارتك لحياتك وفق ماتحبين ..
كوني سعيدة بما لديك .dff
،‘،

قبل كم يوم كنت افكر بموضوع له علاقه بالغربه والدراسه بالخارج وتذكرته لما شفت موضوعك
ساطرحه قريب ان شاء الله

المشاركة الأصلية كتبت بواسطة بياض الديم (المشاركة 3467288)

المشاركة الأصلية كتبت بواسطة الإشراقة! (المشاركة 3467404)