رد: تصرف زوجتي
 

يبدو لي ان المرأة بعد النفاس يصبح الامر حساسا لديها خوفاً من عدم تقبلها
لذلك شد حيلك واسعدها واسعد نفسك

رد: تصرف زوجتي
 

لفت انتباهي موضوعك السابق والذي تشتكي من ردود زوجتك عليك
المرأة عندما لا تكون مشبعة من زوجها تصبح عكرة المزاج وتدور اي شيء تفش غيظها فيه وربما لا تدري هي ما السبب في تعكر مزاجها ،، ستلاحظ الفرق عندما تعطيها ما تحتاج
وعلى فكرة ،، المرأة تشعر بمشاعر زوجها تجاهها ،، انت مو متقبلها وتبغاها تكون معك لطيفة في التعامل !!!

رد: تصرف زوجتي
 

نعم هذا هو ما تريده زوجتك الاشباع من الناحية الجنسية وهذا حق لها ويجب ان تؤديه وإذا كان يوجد عندك مانع فعالج نفسك

رد: تصرف زوجتي
 

ليش يعني ماتتقبلها بعد الولادة ؟
صارت المرأة استعمال مرة واحدة وخلاص ؟
يجيبون 10 ومازالت العلاقة الخاصة طبيعية بين الزوجين .. تعوذ من الشيطان وعالج نفسك.. واضح المشكلة فيك ..

رد: تصرف زوجتي
 

فيه نقطتين جديده احب اعلق عليهم ..
الاولى .. هي انها بعدتك عنها في الشهور الاخيره .. طيب ليه بعدتك ؟ مو كره فيك بس لان الثقل يذذذذبح والجنين حركته تكون موجعه اثناء الجماع ويضغط على القفص الصدري وينكتم نفسها .. وبعد ماتخلصون انت بتكون خلص خلصت وماصار شي بس هي بطنها بتصير متحجره بقووووه كل دقيقتين وراح يضغط البيبي ع المثانه وتصير كل دقيقه تروح للحمام والخ انا ايضا حاولت امنع زوجي بالشهر الثامن بس كان رافض وبالتاسع صرت ابكي واترجاه يعذرني وقلت له ترى ابي بس مقدر استمتع معك بالعكس اتوجع واضل اعاني ساعات طويله وما انام الليل والخ و زوجي تفهم الوضع ومازعل .. والحين انا بالنفاس ويعد الايام متى اطلع الاربعين ...
النقطه الثانيه هي تعكر مزاجها .. مثل ماقالوا لك .. لان تكون تبي وبنفس الوقت ماتبي تطلبك .. تصير تعصب ع أي شي وانا شخصيا مريت بهالشي واتوقع كل النساء كذا

رد: تصرف زوجتي
 

من جد رجال اول معاهم زوجتين ثلاث وكل وحده تحمل ع الأربعين
هذا وحريمهم ماهمهم شكل الجسم وشياكتهم اي كلام ولا تفكر بالتضييق
واحنا نلبس ونتعطر ماركات ونهتم بأجسامنا
ونتخيط ونلازم اسرتنا فوق الشهر عشانهم واخرتها يتقززون🌚

خلاص عرفنا وين الخلل

رد: تصرف زوجتي
 

تأكد ان حالة زوجتك النفسية بالحضيض..
لازم يستوعب الزوج ان حاجة زوحته للعلاقة مو بس جنسية بحته مثل اغلب الرجال
لا الزوجة تبي تحس برغبة زوجها نحوها وحبه ولهفته..

ماطلبت بشكل مباشر
مو بس حياء
بس ماتبي تجي تحصيل حاصل مثل --- طرف ينادي طرف يؤدي ويمشي..
على فكرة مااتوقع ان زوجتك مازالت محافظة على هدوئها لأنه قااااسي جدا وصعب جدا على الزوجة أن زوجها يهجرها أو يتجاهل تغذية عواطفها..

الزوجة اذا حست ببرود زوجها نحوها تنجن وتبدأ تتخبط وتعصب وتتصرف تصرفات غريبة

بدل الضحك رح عالج نفسك وألحق على بيتك
ع الاقل عطها تطمينات احضنها بقووة قبلها اضغط على يدها صارحها ان بعدكم وقت الحمل أثر عليك وأنك محتاج وقت..

ترا أمام الله أنت مسؤول عن اعفافها وهذا حق شرعي من حقوقها

رد: تصرف زوجتي
 

صبر جميل والله المستعان : )

اذا أنجبت ماعجبتهم
وإذا ما أنجبت ماعجبتهم

وإذا لمحت مافهموا واذا صرحت ماتستحي

واذا لبست شفاف قالو البسي غير شفاف
واذا لبست غير شفاف قالو ليه ماتلبسين شفاف ومغري

--------------------

رد: تصرف زوجتي
 

أحسنوا الظن

انا مستخدم عقار ومسبب لي تاخير في القذف وقلل الرغبه الجنسية بشكل فظيع

رد: تصرف زوجتي
 

اخي الكريم كنت وضحت هالشي بالبداية حتى يتم وضع حلول على هذا الاساس..

انت قلت بصريح العبارة انك مو متقبل زوجتك.. في اكثر من رد.. ولا تدري لماذا.. والان تقول عندك مشكلة بسبب عقاقير..