رد: هل اساعد زوجي ماديا ؟؟
 

ايضا مالك حق:

تشاركيه اذا سافرتو..:

السفر مو شيء واجب على الزوج وليس ملزوم فيه بالنفقة. وحتى لو لديه المال ممكن يشوف انها تصرف في وجه اخر غير السفر افضل.
ولو طلب الزوجة واصرت عليه تدفع من جيبها الله يحييها هي الي تبي.. ولا لاحد منة انو الزوجة دفعت في السفر..

بالنسبة لحاجياتك الي متكفلة انتي فيها:
برضو هو ملزوم بالنفقة الشرعية اما الاشياء الزايدة من كماليات ولبس وشغلات الحريم هذي انتي ملزومة فيها.. والا ليش الشباب ياخذون موظفات؟ لو كل شي ملزومين فيه نحن ناخذ ربات بيوت ينتبهون للبيت والعيال وليش غثا وظيفة الحرمة وسحبتها على العيال والبيت.


وايضا اذا سدد عنك شي ياخذه هذا الشي من نفقاته هو؟ او حاجات تبعك انتي؟

رد: هل اساعد زوجي ماديا ؟؟
 

هذا اللي اقصده بالضبط
اقصد انتي تجين هنا وتقولين زوجي طلب سلف ورفضت طبعا الجميع راح يقولك مانتي غلطانه بمنظور ان هذا حقك ومانتي غلطانه تصرفينه باي شي تبينه
ولكن الموضوع مايقاس بهذا الشكل
تخيلي انتي انك احتجتي فلوس ومتأكده ان زوجك معه وطلبتيه وقالي ماعندي او ماابي اعطيك وش شعورك راح يكون وقتها
اختي فيه حاجات صغيره ولكن كبيره على النفس

رد: هل اساعد زوجي ماديا ؟؟
 

انا مو حابه اخرج عن صلب الموضوع ونتكلم عن حقوق وماحقوق لانه انا اسوف ان الحياة صعب لم نمشيها على الحقوق اكيد حيكون فيه مراعاة وتقدير وتعاون بس ما اعرف انت اي رابط دخلت زوجي حولت له راتب الشغالة حتى يسحبه ليه وانسحب من البنك وقالي ح اعطيها بعد كذا الان لنا يمكن اربع او خمس شهور ليش انا اقدر ادفع ساكته وانتهى بس هالاسلوب مو حلو وقلت له قسطه لها حتى لو على مبالغ بسيطه دخلت رابط الموضوع او لا انا ماعندي مشكلة في التعاون هو زوجي وابو عيالي واعتمد عليه اكثر من اهلي والله لا يدخل مشاكل بيننا بس المبدأ مو حلو وما ارضاه حتى من اهلي اتمنى وضح

رد: هل اساعد زوجي ماديا ؟؟
 

ام احتاج وانزنق ويكون عنده ويرفض او يحتاج وعندي وارفض مو حلوه بس لم احتاج او يحتاج
والله ماهان عليه بس حسيت الموضوع زاد عن حده

رد: هل اساعد زوجي ماديا ؟؟
 

مرحباً أختي

أعتقد أن الكثير من الزوجات لا تمانع مساعدة زوجها مهما كان المبلغ

ولكنها تخاف من ذلك لعدة أسباب :

منها خوفها إعتماد زوجها عليها

ومنها شككها بجهة صرف المال مع أنها تعلم أنه يوجد لديه مال ويستيطع تدبر نفسه

ومنها حتى لا تقع ضحية إستغلال ويكون هدفه الوحيد فقط مالها وليس لذاتها


وأنا أعتقد أن مجمل ما ذكرته سابقاً له وجهة نظر عند الزوجة .. ولكنها تبالغ بعض الأحيان بسبب التحذيرات والتنبيهات المتداولة بين النساء والتي تحذر من الإنسياق بالمال لزوجها


ورأيي الشخصي
أن كل شئ لابد يقدر بقدره .. فإذا علمت الزوجة من زوجها الصلاح وحسن العشرة وتثق به .. فلا مانع من المساعدة فيما تعلم أنه ضروري أو لابد الوقوف مع زوجها ولو من باب المجاملة بعض الأحيان .


والله أعلم

رد: هل اساعد زوجي ماديا ؟؟
 

عجيب
توك مؤيد الكلام اللي يقول الزوج دافع دم قلبه و سفريات و الخ و الخ
والله محد قله يدفع 😅على نفس وزن. انها ماحد قالها تدفع
زوجها مو سيّء. بس تقولك طلب مبلغ بعد يومين من استلام الراتب
و عدم اصراره او طلبه مرة ثانية. يدل انه مش مزنوق
بس حتى الوحيد شكله ما قرأ الموضوع. و الردود
تقولك مو محتاج. تقول مو حلوة يكون. محتاج و ترديه!!!


كلام الرسمي 👍👍👍
واغلب النساء تساعد و تحب تساعد زوجها
و السؤال ما يأتي من فراغ

رد: هل اساعد زوجي ماديا ؟؟
 

لا طبعا
اذا مريض ومحتاج
ولا بيسجنونه
قلنا

رد: هل اساعد زوجي ماديا ؟؟
 

يعني ياخذ موظفه عشان تصرفه عليه هو بعد
الله المستعان
الاخت شايله نفسها وشغالتها ومصاريفها وسايقها
تبونها بعد تصرف عليه واسلفه
وفجاه صارت الالفين ولا شي
ومباغ صغيرون وبسيط جدا

رد: هل اساعد زوجي ماديا ؟؟
 

غجيب كلامك بصراحه
يعني كيف مو محتاج فيه احد يطلب سلف وهو مو محتاج؟
ولو ان المبلغ كبير كان قلنا يمكن انه يبي يدخل مشروع او اي شي من هالقبيل ولكن المبلغ بسيط وكون انه لسى مستلم الراتب هذا مايعني ان عنده فلوس وحاطها في البنك يمكن عليه التزامات وسددها على الراتب واحتاج الفين ريال يمشي اموره فيها
واما انه ماكرر طلبه هذا شي طبيعي اي واحد مكانه ماراح يكرر الطلب اذا طلب وشاف التجاهل طبعا راح يدور سلف من برى