|
رد: زوجي يستغفلني
اقتباس:
هل هذا مبرر للي سواه وحط مفسك مكاني |
رد: زوجي يستغفلني
الأخت الكريمة ,, أسأل الله أن يربط على قلبك ,, إذا كان هذا الموضوع يهمك بهذه الدرجة الكبيرة ,, فالأفضل أن نجعل قوة علاقتكما مرتكزاً أساسياً نسعى من خلاله لحل هذه المشكلة من منظور إيجابي ,, لما سألتك ,, ماذا تفعلين لو أخبرك بسفره ,, قلتِ ’’ اذا اعترف لي وهو نادم ووعد بعدم تكرارها سامحته وبدينا صفحه جديده ’’ الآن هو اعترف بعدم سفره ,, واعترف بأنه لم يفعل شيئاً مخلاً بالآداب ,, لماذا لم تصدقيه ؟!! السبب ,, لأنكِ سمعتِ منه كلاماً غريباً و لم يثبت لكِ أنه بريء ,, ولم يدخل في نقاش معكِ ,, ولا أهتم بطريقة اكتشافك للموضوع أكان تجسساً أم لا لأن هذه مشكلة أخرى ,, ولا تغير حقيقة ما سمعتيهِ ,, وكأنكِ تريدينه عُنوةً أن يعترف بسفره !! والآن هو لا يريد التحدث في الموضوع لأنه قال لكِ خلاف ما تريدين سماعه ,, وما زال يراعي مشاعركِ ,, وأنت من الأفضل أن تؤجلي النقاش معه في الموضوع ,, لسببين ,, الأول أنك تمرين بنهاية فترة الوحام وقد يؤثر هذا الوحام في طريقة تناولكِ للموضوع أياً كان ,, والسبب الثاني أن زوجك حالياً قال ما عنده والتزم الصمت ولايريد النقاش معك في هذه الفترة لأنه قد تتطور لمشكلة أكبر ,, ويمكن لكم النقاش في جو أكثر هدوءاً بعد أن تهدأ النفوس ,, أسأل الله أن يلين ما بينكما ,, موفقة ,, |
رد: زوجي يستغفلني
مبروك الحمل و شكلك حامل ببنت ..
مادري وش دخل البنت بس لان انا لما كنت حامل ببنتي صار عندي شكووووووك وصرت اتسبب بمشاكل واسيء الظن رغم ان زوجي يثبت لي براءته بس انا ما اصدق .. ولما ولدت وتعدلت هرموناتي رجعت اثق فيه وكذا .. يعني الحمل له دوووووور بنفسيتك انتبهي تهدمين بيتك بيدك وحتى لو نفرض انه غلط .. هو راح مع اصحابه ويمكن هم اجبروه على هالشي .. ومافي انسان مايغلط ولازم تثقين فيه حتى لو انه ايش من وراك .. صدقي كلامه حتى لو كان يكذب عليك .. لان الثقه والتصديق له دور كبير بأنه راح يوفي لك بالمره الجايه والخ ويكفي انه زين معك ومو مقصر بشي وش تبين اكثر .. الحين خلص خليك عند اهلك لاتتواصلين معاه اجلسي فترة وارتاحي من تعب الحمل وخليها فترة نقاهه لك لحد مايكلمك هو |
رد: زوجي يستغفلني
😳😳😳
وش دخل الوحام والحمل في الموضوع ابي افهم مو هي سمعت زوجها يكلم يعني الموضوع واضح مسافر وبنات وشرب يعني هذا كله عندكم عادي لو انه صادقه بكلامه كان فتح الموقع يعني اذا قصرت الحرمه مع زوجها حلال له يروح الحرام وش هالاعذار سخيفه انا اقول لك ماله وجه يكلمك عشانك كشفتيه اذا هذا كله عادي عندك ارجعي له وتاسفي له من كلامك حسيته عادي عندك الوضع لازم يبي له قرصة اذن |
رد: زوجي يستغفلني
لااا يا توق مافهمتي علي هههههههه
انا بهذيك الفتررررة صارت تجيني تخيلااااااات والله وكان لما يكلم ربعه من بعيد اسمع كأن صوت حرمه ولما اجي و اقرب بطريقة غير مباشرة يطلع صوت رجال .. لما اسمع صوت زوجي يضحك او اشوفه فاتح جواله ويضحك اجي اطل فجأه عشان مايسكر والقاه فاتح مقطع يضحك ويقوللي تعالي تعالي شوفي والله بتموتين ضحك و يوريني .. لما يسافر او شي فجأه اطلبه يصور نفسه و يوثق لي السفره كلها .. ومن ولدت تعدلت والله ولما رجعت حملت رجع لي الشك هههههههههه وما اقول هي مقصره معه ومن حقه والخ لا بالعكس حرام بس كان لازم تكسر الشر وتصدقه ليش تعاند ؟ انا مره عاندت وهو كان يعاند ولما اثبت لي انه صادق زعل مني 3 ايام لان شكيت فيه لان قبل يثبت كان يحاول يشككني ويقول لا خايف مقدر اخاف تزعلين واخاف مدري ايش وانا اكون معصبه وبعدها يقول اوك بس اذا طلعتي غلطانه ؟ راح تندمييين واقوله ما اندم ولما فجأه يثبت لي اسكت واجلس اعتذر له وهو يزعل ويطلع وماكلمني 3 اياااام ولا حط عينه بعيني و ولا شي .. الرجاال يختلفون و اللي هي سمعته مو قليل وما الومها وانا لو مكانها بسوي نفس الشي بس شوفي صفاته الايجابيه وشوفي هي كيف خانقته وكل انسان يغلط مافي رجال ما غلط بحياته .. بس المهم ان الغلط مايستمرررررر والحين هي لازم ماتكلمه حتى لوووو تعبت او شي خلاص لما هووو يكلمها ويعترف بغلطته او يصالحها ويسكرون ع الموضوع |
رد: زوجي يستغفلني
لو ما اخدتي موقف من اول مرة
راح يكررها مرتين و ثلاث و على طول |
رد: زوجي يستغفلني
اقتباس:
الله يصبر قلبك ويعينك |
رد: زوجي يستغفلني
اختي العزيزة
الله يثبت حملك امكن كلامي صادم بعض الشيء بس هو الحقيقة للاسف ترى الرجال قلة قليلة صار لديهم الخوف من الله البعض ماقدر يصبر على المغريات ومع توفر المال بيجرب كل شيء لاتفكرين متجوزه صحابي تراه بشر وفي هذا القرن يارب لك الحمد كنت مثلك اصدم كثير لما اسمع اغلب الرجال كذا واغلب الرجالواسمع الخيانات واسمع واسمع لكن عرفت انه يفتن ويمتحن ومايثبت الا من يثبته الله حطي في بالك سفر لحاله اكيد الا مارحم ربي منكرات وحتى الصالحين واعرف ائمة من الحرم الله يحفظهم لبعدهم عن الحرم يتجوز بدون علم زوجته اختي سوى منكر ذنبه على جنبه وربي راح ينتقم لك لخيانته طالما ماجاهر اقسم بالله يقولون لي ورقة استأجر غرفة ليوم شفناها وسألتها وش سويتي قالت ربي راح يحاسبه ليش اتعب نفسي وهو يتسلى انا مااقول طعنة الا طعنة وقهر لكن ربك بالمرصاد والحين ياحبيبة ياعشيقة يايتسلى ادعي الله يربط على قلبك ويلهمك حسن التصرف بس لاترفعي سقف توقعاتك زميلة اختي تجاوزت الاربعين واخذت تبحث واعطوها ارقام تخيلي طلبوا منها طلبات والله يندى منها الجبين لكي يتجوزوها انهم يوفرون كل شيء مقابل تنام مع صحابه زي ماينام مع زوجة زميله واللي طلب تشرب معاه في النهاية تزوجت ستيني ترى زماننا يخوف الله يحفظنا ويبعد عنا الفتن |
رد: زوجي يستغفلني
اقتباس:
|
رد: زوجي يستغفلني
اقتباس:
إنتشار الحرام حولنا لايعني إستباحته !!! وكأنك تقنعينها ان الامر عادي وترضى بالي يفعلة زوجها وانتي عارفة بالدين ماهو جزاء الزاني المحصن ؟؟ هي اللزم ماعليها راحتها اذا زوجها اعترف وندم خير وبركة اذا لا فيتركها لأنسان فعلاً يستحقها وانا نصيحتي لها ان لاتتنازل بسهوله لان الخطاء على زوجها اذا هو انسان غير كفؤ لزواج ليه يتزوج من الاساس . |
| الساعة الآن 08:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©