رد: زوجي تزوج وطلب مني العودة
 

الله يشرح صدرك وييسر امرك اختي
اول شي استخيري واستخيري ولاتياسي من رحمة الله وكلي امرك له وأكثرية من دعاء( اللهم أني وكلتك امري فأنت خير وكيل ودبر لي فاني لا احسن التدبير)
ثاني شي اذا حطيتي شروط وطلبات بيمشي عليها اكيد مثل بيت مستقل لك بعيد عن أهله وزوجته ويعدل معاك في المبيت والمصروف اسكني في مدينته عشان اولادك وعيشي حياتك لنفسك واولادك
اما اذا مابيعدل خلاص يحط لك بيت عند اهلك ويلتزم بمصروف اولادك وكمان حياتك عشان اولادك
اما اذا انتي تحسين انك محتاجه رجل في حياتك وهذا من حقك فانتي بالاخير انسانه تحتاج شريك يمكن ربي يعوضك برجل يعوضك عن الي شفتيه فيمكن الطلاق يكون هو الحل
بالاخير الدعاء والالتجاء الى الله وربي مايضيعك ان شاءالله
فكري كثير وادرسي الموضوع لا تستعجلون باتخاذ القرار الله يسعدك ويوفقك ويفرج همك

رد: زوجي تزوج وطلب مني العودة
 

من ناحية العدل اكيد راح يعدل .. لكن هو مستفز ويرى دايما اني ضده بسبب مايسمعه من امه فتجدينه دايما في حري معي ولو بحث عن السبب مافي اي سبب !!
مجرد شحن وكلام فاضي
انا النقطه المهمه ابنائي ان قررت ان ابقى على ذمته هذا يعني اني ضحيت برغباتي عشان اولادي
فهل الافضل لهم يعيشون معي حول ابوهم الي يبحث عن توافه عشان يستفزني طبعا هو بغض النظر انه يستفزني هو كشخص متعبه الحياه معه والتعامل معه مرهق واسلوبه جاف في تعاملاته وياخذ حقه بقوه وكانه انتصار مع اني اكثرا ودا وتملق في المعاملات اليوميه معه لكن لايتاثر ولايخجل من كونه يعاملني العمس وبالطبع هذا شي يتعب نفسيتي وارى انه ينعكس على اطفالي .. فهل الافضل قربهم منه رغم ماسيتسبب لي من الم وقلق لقربه ام الافضل هو بعد الاطفال عن ابيهم والعيش باستقرار نفسي رغم فقدهم له في اليوميات خذا اللي يحيرني
اشعر اني اظلمهم .. فلو اصبح لديهم اخوه من ابيهم فسيشعرون بالغيره لانهم اقرب لابيهم منهم
لاادري لكن محتاره جدا وارى ان الوقت الي اخذته طويل جدا في التفكير

رد: زوجي تزوج وطلب مني العودة
 

كم لك منفصلة عنه
ماتقدرين تتجنبين المشاحنات معه قدام اطفالك ؟
هل ممكن يكون متغير ان شاء الله
خصوصا انه كبر شوي
لانك تقولين فقط تحريض امه هو السبب

رد: زوجي تزوج وطلب مني العودة
 

وللعلم هو مايقصر نهائي بالاستفزاز ولاادري وش السبب ؟

رد: زوجي تزوج وطلب مني العودة
 

جربي ارجعي وشوفي وضعه بعد الزواج يمكنه تغير ..بعضهم يتحسن اذا تزوج ..واذا لقيتيه زي ماهو هذاك الوقت استخيري وقرري

رد: زوجي تزوج وطلب مني العودة
 

استخيري و شوفي اللي يريحج، الأولاد ما راح يضيعون حتى لو تطلقتِ
إذا شفتي راحتج بالطلاق تطلقي، بالذات أنه متزوج بأخرى بالتالي مو فاضي لكم على طول
و إذا تبين تردين له الأفضل بيت قرب أهلج، لكن قبلها لازم يكون في تفاهم مع زوجج على كل عيوبه و تدخلات أهله و سالفة أنه يعاملج بسوء بحجة أنج مقصرة مثلاً، عذر أقبح من ذنب
محد راح يقرر عنج، فشوفي اللي ترتاحين له نفسياً

رد: زوجي تزوج وطلب مني العودة
 

الله يكتب لك الخير ..ولاولادك

لكن شخص يتهمك و يقول مريضه نفسيا ..

قولي له .. مش انت تقول مريضه نفسيا .. انا ابغى الطلاق ابغى اجرب فعلا بعدك وبعده ارجع لك


وجربي فعلاااا الحريه بدونه وشوفي اي يصير لك من شعوور وحياه

وعيالك خليهم معك والله يسلم المحاكم تخليه يعطيك مصروف لهم

رد: زوجي تزوج وطلب مني العودة
 

واذا قدر الله ورجعتي له .. طلعي عيووووونه .. مش مريضه نفسيا .. واطلبي كل شيء

وايش اللي ما يبغى يطلق فيه محااكم لمثل هالمواضيع

رد: زوجي تزوج وطلب مني العودة
 

بنات انتم ترون ان مسكلتي حلها الطلاق مثل ماانا اشوف ؟!

انا كل اللي حولي يقولون انتي ماتشوفين الا الطلاق حل !!
عشان كذا ماتفكرين ولا باي حل

رد: زوجي تزوج وطلب مني العودة
 

مابي احس بالذنب على عيالي لكن برضو ماودي اهين نفسي اكثر من كذا ..
وانا اشوف انه شخص مايستحق الصبر ولا التضحيه