اخ او اخت طموح المجد
شكرا على المداخله و انت اثرت نقطه مهمه وهي

	على الزوج أن يكون عزيزاً عفيف النفس، لا يطالب زوجته بمساعدته ولا يلمح لها بذلك، ولا يحاول استعطافها..

لان بعض الازواج في البدايه يرفض ان زوجته تساعده وشويه ياخد وهو مستحي و بعد شويه يعتبر المساله حق من حقوقه و يبداء يحاسبها لو اشترت شئ هو يعتبره كماليات طبعا الزوجه راح ترفض تدخل الزوج وهذا الي للاسف يعتبره الزوح ان زوجته تعايره وممكن في هالحاله يصير شرخ بين الزوجيين
بسبب امور ماديه.

بس انا راي من الراي الاخوان الي قالوا انه لازم يكون في مصارحه من البدايه و تحديد المسوليات لطرفيين


تحياتي

كنت أعتقد أنني سوف أرتبط بزوجة عاملة لكني حظيت بمن تحب رعاية بيتها وشئونه ورعاية أطفالها.

عندما كانت تعمل في بداية زواجنا كانت تشتري أغراض للمنزل والمطبخ وملابس لها دون أن تطلب مني شيئاً فهي ترى أن الحياة مشاركة، وليس عيباً أن تصرف. وفوق راتبها كنت ومازلت أعطيها مصرفا من راتبي.

انا زوجتي كانت موظفه وكان راتبها (5000) ريال المهم خليتها أول ثلاثة أشهر تفرح براتبها وتتصرف فيه كيف تشاء لشيء في نفسي ( يعني ابي اعرف كيف راح تتصرف فيه) وطلبتني شغالة وجبت شغالة من راتبها طبعاً وهي تعطي الشغالة راتب في المقابل البيت نظيف والأكل جاهز والملابس جاهزة ، المهم راتبها مايجلس عشرة أيام كل شهر ملابس كل شهر مكياج كل شهر بلايز وتنانير كل شهر ، علماً بأن مصاريف البيت علي والحمدلله وربي ساتر علي الحمدلله من غير ماتتوظف هيه ، بعد ثلاثة أشهر جيت وكلمتها قلت يافلانه ودنا نوفر وندخر ووو أول ماردت سدت نفسي اكمل سواليفي معاها كأنها هي الرجل قالت وفر من راتبك وفلوسك (أركدي) توها ماشافت مني شي ، قلت لها ليه مانتساعد طيب على الحياة راتبك مو قليل رجال يفتحون فيه بيوت ويتزوجون منه وأنتي بصراحه تصرفينه في غير طريقه قالت راتبي وأنا اتعب فيه ، قلت لها طيب أنا ناقصني اشياء كثيرة في البيت انتي ماتطبخيلي وماتغسلين ملابسي ولاتجلسين معاي بوجه زين وجهك تعبان من الشغل ووووو ، المهم قالت والله انا جايبتلك شغاله وأنا الي اعطيها راتب (والله انها تتكلم وترد علي وأنا اتبسم وأضحك أقول والله ماهي عارفه اخرتها وشي) المهم والله بعد ثلاثة أيام قلت لها أنا راح اسافر والله لشرقية عندي انتداب عاد هي وش تقولي وأنا الصباح مين يوديني العمل قلت لها وأنا وش علي فلوسك ووظيفتك ولا علي منك بس طلعه من الباب هذا من غير محرم بيصير فيها مشاكل ، المهم والله وأطلع وأسكن بفندق وأجي يوم الأربعاء بعد الدوام وأدخل البيت والقاها جالسه وأخلاقها صفر طبعاً غياب الأسبوع كامل المهم عطفت عليها ودبرت لها تقرير طبي وراحت للعمل وتصرفت بالتقرير الطبي وعدت لها على خير ،، والله قلت يمكن تعرف انها لازم تحتاجني وتراجع نفسها شوي والله وكأن شيئاً لم يكن ، والله ويمر شهر وأستلمت الراتب وتقلب علي تبي السوق وتبي المحلات الفخمة قلت لها انطقي في البيت بلهجة قويه شوي ، وراحت اتصلت على أخوها ووداها السوق ورجعت البيت وجابت لي عشا معاها على بالها راح تسكتني في العشا ، انا زعلت والله وقلت لها مافيه عمل خلاص قالت ليه وماليه قلت لها مافيه شغل خلاص وأي شي تبينه انا أعطيك إياه وأشتريلك إياه قالت ابي اشتريلي من حلالي قلت لها والمتزوجات الي مو متوظفات كيف يتصرفون قالت والله هم أحرار انا ابي اجلس موظفه قلت لها وأنتي ماعندك زوج تراجعينه سكتت ،، ماودي اطول عليكم ياجماعه المهم في الأخير وبعد المشاكل مشت معاي صح. إن كيدهن عظيم. وسلامتكم ، والله الحريم مايعرفون يتصرفون ويحسبونها صح بس يبيلهم حكمه .

الصراحة هذا الموضوع لم أجد من اوافقه الرأي سوى بوعبدالله

يا جماعة الخير الله يقول ( وقرن في بيوتكن) وتقولون الشغل حسب الضوابط !!!!!

الرسول صلى الله عليه وسلم يفضل صلاة المرأة في بيتها على المسجد النبوي (تذكروا انه بألف صلاة) وتقولون العمل واجب في هذا الوقت

اتمنى من الجميع ان يكون الشرع المحكم الأول والأخير لما نقول ونفعل

وان نمد رجولنا على قدر لحافنا

وكفى بالله حسيبا

مرحبا
 

اخى لو انا مكان زوجتك كنت جلست بالبيت اراعى بيتى

لكل مقام مقال
واحوال الناس وظروفهم ليست سواسيه
راتب الزوجه للزوجه ولاحق للرجل منه بريال واحد.........................................الا

الا اذا سبق شرط عند عقد النكاح فالمؤمنون على شروطهم
كأن يشترط عليها ان لاتعمل او يشترط عليها جزء من الراتب نظير عدم قيمها بحقوقها كامله

لكن الا ننظر للامر من جهه آخرى
اليست العلاقه الزوجيه مبنيه على الموده والرحمه
اليست علاقه تسمو عن اي علاقه دنيويه
اليست علاقه روح في جسدين
كيف لهما ان يستقبلا حياتهما بحاجز اقل ما يقال عنه ان وسيله لاغايه

في نظري ان الزوج والزوجه لديهما الحلول الكثيره لتجنب تلك المشاكل
فراتبها لها
ولكن ليس لها ان تنفق منه كيف شاءت
واذا كانت اهملت امر من امور البيت على حساب عملها فعليها ان تعوض ذلك النقص بدون جرح مشاعر زوجها

كيف لهما ان يلتقيان على سرير واحد ملتصقي الاجساد متباعدين الارواح......................؟

رغم ان الموضوع هو عن سؤال اخت كريمة عن طريقة مساعدة زوجها لانه محتاج الا ان الموضوع تحول بقدرة قادر الى ميدان حملت فيه نساء المنتدى تروس الدفاع وسيوف الهجوم وكل واحدة فيهن تصرخ بأن هذا الراتب حلالي ولا يحق لزوجي لمسه ونست انها في سبيل هذا الراتب قد اهملت بيتها وتركته تحت رعاية الخدامة وتركت اطفالها لانها ترجع تعبانة من العمل وبالتالي تنام حتى العشاء ثم تتفرغ للتواجيب وزيارة الصديقات والتفتيش في الاسواق عن كل جديد تاركة بيتها ضاربة بالحقوق عرض الحائط فلبيتها حق عليها ولزوجها حق عليها ولعيالها حق عليها وقد تناست كل هذا ثم تصرخ وتقول راتبي من حقي والاسلام قال والشرع قال والشيخ فلان قال والحق يقول وتناست حقوق الباقين عليها .
اخواني واخواتي في المنتدى اتمنى من الجميع ان يقتصوا من انفسهم قبل ان يطلبوا الحق من غيرهم .
واعود واكرر للاخت السائله : ساعدي زوجك واحمي بيتك فليس من الشاهة ان تتركي زوجك يحتاج وانتي تملكين المال وليس من العيب مساعدة الزوج .
اليست الزوجة سكن لزوجها ؟
كيف تكون سكناً وهي تراه لاينام الليل والهم اكله وهي تملك المال وتمنعه عنه والرجل يعمل ويكدح ولا يمنع المال عنها ولا عن بيتها
كيف تكون سكننا وزوجها يعرض وجهه للذي يسوى والذي لايسوى حتى يستلف مايسد به حاجتها وحاجة عيالها وهي تملك المال وتحرم بيتها وعيالها منه بحجة ان على الزوج توفير المال .
ان الزوج او الزوجة الذين يملك المال ويحرم الاخر منه فهو في قمة الانانية والاستهتار بمشاعر شريك الحياة بل وجالب(ـة) للحقد عليه(ـا) ولتنفعهم النقود حين يحاسبهم الله على التقصير او حين ينام الزوج غضبان كاره لها والملائكة تلعنها لبخلها وحين تحاسب يوم القيامة على تقصيرها على بيتها وزوجها وتركها لأولادها وواجباتها لكي تعمل وتجلب المال وتبخل به عن بيتها .
اتمنى من البخيل(ـه) ان(تـ) يمنع نار جهنم يوم تكوى بها جباههم وجنوبهم وظهورهم ويقال لهم هذا ماكنزتم لأنفسكم فذوقوا ماكنتم تكنزون .
عموما قد يجد بعض البخلاء والبخيلات في كلامي هجوما عليهم ولكن اكره صفة اكرهها هي البخل ولا استطيع ان امنع نفسي من توبيخ البخيل علانية وفي اي مكان اجده فيه وليسمح لي باقي الاعضاء ولكني لم اجد اي حديث او اية او حديث قدسي يشجع على البخل بل وجدت الله سبحانه ورسوله (الكريم) يحثان على الكرم والسخاء والانفاق .
كافي ترى مااتحمل البخل
والسلام ختام

اخوي بو عبدالله مساعدتي لزوجي تحصيل حاصل ومن الصعب عليه اشوف زوجي محتاج ونا عندي وما اساعده وخاصة انه يحبني ويعاملني معامله طيبه وانا احبه لحد كبير لدرجة اني
غثيته من كثر الحب بس انا كان سوالي متى يعرف الزوج انه في خط احمر المفروض ما يتجاوزه في راتب زوجته وكيف ان الزوجه في ممكن تلفت نظره بان هدا راتبها ومن حقها تصرف فيه وان مساعدته شئ اختياري مو اجباري بدون ما تجرح احساسه و كرامته كرجل.

ويغلق الموضوع اكتفاء بالردود ولخروج بعضها عن مسار الموضوع...