الله إن شاء الله يرزقكم وتملون بيتكم بنات واولاد ويكثرهم ويخليهم لكم إن شاء الله .. بس من كلامك انك ياست من موضوع الحمل وهالشي غلط الا كثر من الدعاء واطلب الله انت ويا زوجتك واصر بالدعاء وكثر من الصدقات واشتر لك خروف وقسمه على الفقراء وصدقني هي مسالة وقت وفرصة ما جت لاتمشي بكلام الاطباء ..ربك لو اراد شي بيصير ..بس سو اللي عليك ولا تيأس من ربك وخل عندكم امل ن إن شاء الله بيصير حمل بس انتظر متى ربك يامر بهالشي ..اما من ناحية زوجتك انت طمنها وريح بالها وغير جوها بس لاتحسسها انك راحمها علشان ما تنكسر ترى الحرمه في هالمواضيع ما تتحمل خاصة لة شافت زوجها راحمها ..فخلك طبيعي وامزح واطلع فيها وانشالله يارب يرزقكم من عنده لين تدخلون تشتكون منهم في هالمنتدى وبالتوفيق إن شاء الله . :22:

لا ابدا
مايئست ولله بل العكس انا متفائل جدا ودري ان الله رحمته واسعه
بس الي انا اقوله
اردتة الله فوق كل شي يعني وش بسوي يا العبد الضعيف

ونا عارف ان الله الي يقسم الارزاق

انا كنت اشتغل من يومني بالثانويه يعني عمري 17 تقريبا ادرس بنهار وشتغل في محل جولات بالليل ماعندي ريال
درست الثانويه ونا اشتغل دخلت الجامعه ونا اشتغل تخرجت من الجامعه توظفت بالنهار واشتغلت في نادي رياضي بالليل
قسم بالله ماكن عندي الي اشتري لي فيه اغراضي الشخصيه الوالد متوفي الله يرحمه
يعني من لا شي الى شي
شوفو قدرة الله
انا الي ماكان عندي قيمة مصروفي زوجت نفسي شريت بيت والحمد لله على كل شي
انا مؤمن جدا
ولست يائس ابدااااااا
لني عارف ان الله ما اراد الشي هذا لي لحكمه الله وحده يعلمها


ونا اعامل زوجتي بدون رحمه ولا شي عادي وكان شي لم يحصل
اسلوبي مثل ماهو ماتغير
ولا راح اغيره

والله ياخوي اصبر الصبر مفتاح الفرج ودام انها سااعدتة ومريحتة خلاص وصدقني ياامة ناس كذا وبعد 10او20 سنة يجبون لا تستعجل والله يرزقك ان شاء الله

بس يااخوي اول مااتحمل زوجتك بأذن الواحد لاحد لازم تقول لنة على شان نفرحلك بس لاتنسى الذ بايح:d

الله يرزقكم الذريه الصالحه
 

أخوي
أنا أغبط زوجتك على كل هالحب وعندي عنوان لدكتورة ممتازة وإن شاء الله تفيدكم
الدكتورة : أسماء شحرور
في جدة بشارع فلسطين بجوار مستشفى سليمان فقيه في عمارة اسمها بناية نورا
وبصراحه هي ماشاء الله عليها يجونها ناس من خارج المملكة روح للعمرة ومنها على جده وشوفوا الدكتورة ومابتخسرون بإذن الله

يا أخ نواف الله يهنيك أنت وزوجتك يا رب ويرزقكم الولد الصالح ..
وماشاء الله عليك انت مؤمن بالله وانسان مكافح الله يعطيك العافيه ..
أما عن زوجتك فهذا شيء طبيعي جدا و أكثر البنات لو كانوا مكانها كان
اتصرفوا بنفس الطريقة , وهذا دليل على حبها الشديد لك ..
فهي ما تبي تحرمك من العيال ..
يا أخي كل بعد فترة خرجها من البيت وفسحها , والطب تقدم والحمد لله
أعرف كثير يروحوا في التخصصي في الرياض وما شاء الله ربنا
يرزقهم ب 2 مو 1 .. حاول ترجعلها الأمل ...

ولا تنسى الدعاء انت وهي ... إن شاء الله الشهر الجي تكون المدام حامل يااااااااااارب..

السلام عليكم



يا اخوي موضوعك بسيط روحو دار الايتام وشوفولكم ولد او بنت

وربوه عندكم كانهم اطفالكم و بكذا ارضيتوا ربكم و اجركم عظيم يوم القيامه وما يخفى عليك حديث الرسول صلى الله عليه وسلم عن كافل اليتيم

وبتكون امايت الفراغ الى عند زوجتك ان شاء الله .

ما شاء الله عليك أخي، الله يخليك لزوجتك ويخليها لك
ويرزقكم الذرية الصالحة

الله يرزقك بالذرية الصالحه بأقرب وقت..





أرجو الانتباه . يحظر إضافة روابط خارجية
أرجو مراجعة تعليمات المنتدى على هذا الرابط

تسلمون اخواني على الردود وعى اهتمامكم
اختي مستفيده
اشكرك على حرصك
ونا نسخت ردك
وبروح مثل ماقلتي ماراح نخسر شي منها تمشيه ومنها علاج

موضوع دار الايتام صعب شوي

بنت عمتي عندها ولدين توفو متصادمين بالدبابات البحريه في جده

تبنت ولد
وخلت اختها ترضعه
بس وش اقولكم وراها الويل هبل فيها
يقول ذبحتي امي وبوي