|
اختي لاب توب
لا تخلين فكرتك (وهي انك تتزوجين بطريقة غير تقليدية) تكون سبب في ضياعك ولو نسبة احتمالها تقدربـ 0.5% في هلاك مصيرك ركزي كلمة مصير... لنفرض انه مثل ما قلتي وانه فعلاً الرجال كما توقعتيه وإن توقعاتك اصبحت صحيحة...وان الرجل مالي عينك وحصل الزواج وهو الزوج المثالي بالنسبة لك... وأهلك وافقوا عليه ... وانتي وافقتي عليه ... وحياتك سعيدة .... وكما هو الحال في الحياة الزوجية ... بين الصعود والهبوط ودخلت بينكم مشكلة ... (وأنا أجزم إنك عارفه انه راح تكون مشاكل .. لأنك انسانه فاهمة وعقلك اكبر من سنك. استنتجته من كلامك). وحمي الوطيس في النقاشات ... صدقيني ما تسوى عليك ... وانتوا تتناقشون يرمي عليك كلمة ((اكبر غلطة سويتها اني عرفتك من الانترنت.. وتزوجتك)). وطلع وقفل الغرفة اسألك باللي رفع سبع السموات من غير عمد ... وش بيكون موقفك..؟؟! اسألي نفسك وجاوبيها...؟؟ صدقيني كل المثاليات اللي كنتي بانيتها في فكرك تنهدم ... وبتحتقرين نفسك وبتقولين كان بإمكاني إني ما اسويها ... وتحطين نفسك في موقع محرج قابل للتكرر فتصبحين كأنك مأسورة. ولكن لو كانت بالطريقة التي اعتاد عليها الخلق كلهم... تكون لك العزة في كل تصرف وفي كل كلمة ... وحتى لو حصلت خلافات لك العزة لأن انتي ما قلتي تعال خذني من اهلي بالعكس انت من طقيت الباب وخطبت... فأنا انصحك .. وأتوقع الأخوة ما قصروا واتمنى لك الحياة السعيدة والتوفيق... وانتبهي لنفسك.. لأنك انتي مسؤولة عنها.. تحياتي لك |
حبيبتي لاب توب أنا بنفس عمرك وتقريبا نفس افكارك ,ويعجبني الرجل في عمر ال30
بس حبيبتي الرجال بهالسن محترف تمثيل وخداع ويساعده جاذبية عمره انا ماني فاهمه كيف يفكر يتزوج وحده مايعرف عنها الا المراسلات يعني لاصوت ولا شكل ولاطبايع وبعدين مشكلة النت انك تعرفين الناس من خلال مايكتبونه وهذا يصورلك انهم ناس رائعين يمكن هو يعاملك باسلوب حلو وباهتمام بس هو قاصد من كذا انه يخليك تعجبين فيه عشان يقدر يوصل لك وعني شخصيا كنت اشوف ناس كثار محترمين من خلال تصرفاتهم وعرفت عنهم اشياء بعضها بالصدفه مرررره سيئه, يعني سهل الواحد يخدع ويسحر الثاني بتصرفاته وعموما حبيبتي اذا بتتأكدين من صدقه او كذبه قولي له يجي يخطبك الان وشوفي ردة فعله اذا بدأ يصرف ويتعذر فاعرفي ان ماعنده سالفه وان جاء وخطبك فحرام تضيعين عمرك مع اولاده تربينهم من حقك تتزوجين واحد انت اول زوجه له والدنيا مليانه شباب بعمر ال30 وخلوقيين وشخصياتهم تعجبك مررره ويدخلون البيت من بابه انتي اصبري وادعي الله وان شاء الله نصيبك سيأتيكِ |
السلام من جديد ..
التطور في موقفك اختي لاب توب يبشر بخير :)... اول شي بعلق على كلامك انتي وبقايا الصمت .. بالنسبة للأهل .. أنا قصدت من كلامي انك ما تقررين قبل قرار الأهل !! اذا هم قالولك يا لابتوب وافقي او لا .. فكري وقولي ايه أو لأ ..! مو تبنين قرار قبل ما تستشيرينهم أصلا !!!... الاستخارة والاستشارة اهم شي في الزواج ... لاب توب انتي بادية تناقضين نفسك .. انتي مندفعة شوي ، وبعدك صغيرة ومتحمسة للحياة .. لاتحسبيني أكبر منك ، أنا كبرك .. ومقبلة على الزواج إن شاءالله ... و لي خمس سنوات استخدم النت .. ولو اني مخلية الباب مفتوح كان كل شوي خطبني واحد من النت !!! :29: بصراحة يا لاب توب !!! لا تنسين ان النت كله شخصيات افتراضية مالها اي علاقةبالواقع ... لا تنسين ان كله اشخاص انتي ما تعرفين شي عنهم الا ما يعبرون به هم عن أنفسهم !!! لا تنسين أشياااء كثيرة .. طيب بسألك سؤال .. تقدرين الحين .. الحين .. تروحين عند امك وتقولين ماما انخطبت بالنت ! ويبغى يجي يخطبني ! وهو كذا وكذا وكذا !!! "هذا هو التصرف الصح بمثل حالاتك ".. انتي ممكن تقولين لامك كذا .. لكن تقولين لها ماما انا سجلت بموقع زواج ووو ؟؟ مارح تقولين صح .. :) ؟. اذا كنتي مصرة على موقفك .. فهذا هو التصرف الصح الوحيد اللي تقدرين تسوينه .. واذا كان في بالك غير هالتصرف .. فتأكدي إنك غلط 100% ,, اخر شي بقوله .. قبل لا تستخيرين لا تحطين في بالك رفض أو إيجاب .. ادعي بالخير لنفسك وبس .. اللهم أرني الحق حقا و ارزقني اتباعه .. وارني الباطل باطلا وارزقني اتباعه .. أخلصي نيتك .. ليش تبين تتزوجين ؟ 1- إعفاء نفسي وإ عفاء شخص اخر بالحلال 2- الاستقرار النفسي والعاطفي 3-انشاء أسرة جديدة أنا سبب في سعادتها بإذن الله 4-استخرت ربي واحس اني مرتاحة جدا لقراري .. 5- احس اني بسن ووضع مناسبين للزواج ، وتحمل المسؤولية وفي داخلي رغبة له .. اذا كان عندك غير هذي الاسباب .. فاعرفي انك مندفعة :).. وبالنسبة لإبداء الرغبة في الزاوج ! انا ما قلتلك روحي لامك قوليلها زوجووووووووووووووووووووووني !!! :d مافيه شي الحلال .. ومافيه بنت بالدنيا ماتبغى تتزوج ... على الاقل لازم امك تعرف انك مو صغيرة على الزواج و مورافضة المسؤولية .. لان احتمال تنخطبين و يرفضون باعتبار انك صغيرة وما يوصلك الموضوع .. اعتقد الام اقرب شي لبنتها .. والمفروض كل مشاعرك تبوحين لها فيها .. صدقيني بترتاحين .. وتشوفين الصح واضح مثل عين الشمس .. راح تظلين محتاجة لأهلك ما دمتي تحت ظلهم .. لا تشوفين نفسك عليهم كبيرة !! اطلبي مشورتهم ومساعدتهم في كل شي ... بعدين ترى الزواج أكبر من شخصيتين متوافقتين !! الزواج أسرتين متوافقتين .. راحة متبادلة ... واسألي اي اثنين متزوجين وسعيدين كيف اتزوجوا !! ولا 1% بيقولون لك من موقع زواج !! :29: ارجوك تريثي .. وواضح من كلامك ان شخصيتك قوية وعقلانية .. فاستخدمي عقلانيتك صح ، ولا تسمحين للعاطفة تغلبك .. وانا متأكدة انك بتختارين الأصلح بإذن الله .. ولا تنسين ان كل اللي ردوا عليك هنا هم أصحاب تجربة .. بينما أنتِ مازلتي تنهلين من تجارب الحياة ... وباقي اللي في بالي الاخوان ما قصروا في توضيحه .. الله يشرح صدرك للي فيه الخير لك .. ويصلح شأنك كله ... ويكتبلك التوفيق والحياة السعيدة ... |
الاخت لاب توب اعتقد انك فكرتي يمكن بطريقة حضارية متل ما تقولي بس برايي انك تتروي بعد اكتر توك صغيرة 20 سنة وانت اكيد مو محتاجة انك تزوجي بهيك اسلوب غير انه فرق العمر و اولادة يعني لسى ما اجت الظروف يلي ممكن تخليكي تعيشي حياة متل كدا و طالما الدنيا امامك مشرقة ليه ما تفكري تزوجي من شاب متلك وتكوني انت اول فرحتة و ام اولادة
رايي اختي لو انت اعتبرتيني اخت واردتي نصيحتي كاخت والله و بتحمل اامانة نصيحتي رح قلك نفس الشئ والله يوفقك لما فيه خير لك |
اقتباس:
بالنسبة لكونك محترمة والنعم فيك وما شاء الله عليك.. و صدق او لا تصدق هالصفة مب نادرة ابد في مجتمعنا ولله الحمد انا لي في النت فوق 6 سنين واعرف المنتديات واسلوبها وطبيعتها, واعرف انه فيها اشخاص في منتهى الاخلاق والعقل والأدب من جميع النواحي.. انا تاركه المنتديات من فترة طويلة, لكني اتذكر ناس في هالمنتديات اخلاق وذوق وادب وألف من يتمناهم.. ووالله احيانا اتمنى اخطب لهم من كثر ماهم مميزين بصفاتهم! لكن انا مافكرت بأحد منهم لنفسي.. لانه مب طموحي اتزوج عن تعارف ولا ابي احد طبعه مثل طبعي ولا احد معجب فيني من قبل حتى لو كانت هالعلاقة قطنة بيضا.. بالنسبة للرسمية والغموض الي ذكرتيهم.. انا اعتبرهم مميزات وليس عيوب! وخاصة ان كل شي بيتضح بعد الطلب الرسمي في بيتي أنا.. لا اريد ان اطيل عليك.. فقط حبيت احدد نقطة وصل بين ردي السابق وردك هذا : ) مستحية.. حبيبتي انا ماطبيت شات وقلت من يبي يتزوج!! كثير دمجوا بين ظروف الاخ المتسبب في هالمشكلة وبين طلبه الزواج مني على النت.. وهذا رد بعد لك اختي reema18 يوم قلتي اقتباس:
ارجع لك مستحية واقولك.. متى ناقضت نفسي؟ بعدين احس انك مافهمتي الوضع مظبوط, يابنتي انا مالقيته في منتدى ولا شات.. كل الي دار بيننا سرد لظروفه بدون حديث عاطفي او انساني حتى او اي حديث عام.. اقتباس:
اقتباس:
مو عشان علاقتي بها قوية او ضعيفة.. لا.. عشاني انا نفسي مقتنعة اني ماسويت شي خطأ وهالطريقة أشرف من مليون طريقة وطريقة من ترقيم لتكليم لأي قصة حب تافهه.. وباقي ال 70% كلها خوف على ردة فعل اهلي ان موضوع الزواج يطلع مني. اقتباس:
reema18 اقتباس:
الاخ 3body اقتباس:
اقتباس:
انا مارحت له وخاطبته بهالشأن, كل الي سويته هو تواجدي في مكان كان اقرب له انه يختارني فيه وكل الي بيصير بعد كذا ممكن يصير لأي بنت يتقدم لها شخص للزواج في مجتمعنا السعودي.. صح ولا لا؟ Crestalla اجابتي لا وبكل ضمير والله على ما اقول شهيد.. والله احس موقفي صار رديء.. شوية رديء :( الظاهر ماقدمت موضوعي بشكل مناسب.. سامحوني عن الفوضى الي سببتها |
وضعك رديء؟ احنا بننصحك وانتي طلبتي رأينا واحنا حابين نساعد احنا بنشوف من منظار ثاني غير منظارك بس انا شايفه الموضوع انقلب محكمه احنا نتهم وانتي تدافعي بكل قوتك... بس في الاخير اقولك حطي ميزاته في كفه وسيئاته في كفه ثانيه وشوفي اي وحده راح ترجح..وقرري..
|
اختي الكريمه لاب توب .....
السلام عليكم اختلاف الرأي لا يفسد للود قضيه (( الاحظ على ردودك الانفعال و العصبيه )) ...... هل لان الردود لم توافق ما في نفسك او فيه هناك خطاء بتحليل موقفك من الاعضاء ؟؟؟ عموما ما اعتقد ان اغلب الاعضاء بيتفقون على شئ واحد وهو رفض مبدأزواج النت مع اختلاف صيغه كل عضو و كلهم بيكونون غلطانين لان هذا النوع من التعارف فيه مجال كبير للتلاعب و اللف و الدوران ....... و انتي طلبتي رأي الاعضاء وهم ردو عليك بكل امانه و الامر راجع لك اولا و اخيرا ..... اتمنى ان تعيدي قراءة الردود اكثر من مرة ربما يتبين لك امور تكوني غافله عنها .... مع دعائي لك بأن يوفقك الله للصواب اخوك ابو مروج |
اخوي ابو مروج..
ابد والله ماعصبت, لكن احيانا احس فيه سوء فهم واحب اوضحه اختي كرستالا بيكون الوضع مو مظبوط لو احد قدم اتهامه او نصيحته بناءا على معلومة غير صحيحة.. اكيد انتي معي في هالشي.. على العموم انا اشهد انكم ماقصرتوا وعسى الله يرزقكم ويرزقني ومن تحبون ان شاء الله وربي يهدينا اجمعين |
اقتباس:
اختي انا حسيت شوي باستفزاز شخصي من ردك.. :) هل بالفعل ردي كان كذالك ام حديثك وشرحك لموضوعي وعمل مقارنة بيني وبيك كان السبب في ردك السابق ؟! :) عزيزتي واختي الغالية... عندما قلت لك موضوعي لانك طلبتي المشوره وطلبتي من مر بتجربة من هالنوع وعندما قلت لك تجربتي لم اطلب تحليل لا منك ولا من احد غيرك لانها انتهت ... ويعلم الله اني قلتها من باب الاخوووووه وصدق الذات مع من اتحاور معهم فمن واجبك علي ...ان اصدق بما اقوله لك ....ونا اعطيتك تجربتي لاهون عليك الامر ولاصور لك بااااااانه كثير ماتحدث اشياء بحياتنا لم نكن نتوقعها اطلااااااقا وهي لا تتعدى حدود القدر والقسمة .... اما استفزاز لا ولله :11: انا يشرفني اخدمك بالي اقدر عليه ....لو بنصيحة صغيرونه بس ابي افهمك انك محتاجة للتفكير الاكثر والروية...ولكي منا صدق النصح حبيبتي .... ************** بالنسبة لكونك محترمة والنعم فيك وما شاء الله عليك.. و صدق او لا تصدق هالصفة مب نادرة ابد في مجتمعنا ولله الحمد بل هذا مو دق بالكلااااام :29: :) هههههههههههههه عيوني انا قلت العلاقة محترمة مو انا محترمة محد يمدح ذاته :26: ************** ولله احس موقفي صار رديء.. شوية رديء :( الظاهر ماقدمت موضوعي بشكل مناسب.. سامحوني عن الفوضى الي سببتها ************** ؟؟؟ لا بالعكس اختي خدمتنا لك شرف الاخوه .....وما يهمك من امر وطرحتية ثقي بانه يهمنا :18: ولكي منا صدق النصح ... بالعكس شوفيني ياحليلي :d اقولها بصدق لاني لدي قنااااااااعه بان اقوى قرار واوضحة واجلااااااه اللي يكون نابع من ثقة وتفكير وهذا يعلم الله ما اريدك ان تصلي له ولو راااااح ونا اختك لا تندمين على فرصة ....طالما انتي مع الله لن تخسري احترم تفكيرك فعقلك يدل على وعي رررررررررائع من فتاه رائعه :14: وفقك الله اخيتي اختك بقاااااايا الصمت |
عموما اختي علمينا في النهايه اذا خطبك وش صار
والله يوفقك |
| الساعة الآن 02:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©