ابو خلاد..

فكرتك رائعه بالفعل ..

وطبيعي ان يبحث عن صاحبة الرقم واكيد راح يجده لدى اخواته..

وامي واختي يعلمان جيدا انه لو اتى لي لوافقت عليه

لانها عندما رفضت اختي سألتني : هل توافقين على شاب في ظروفه

فأجبتها انني اوافق وبالعكس احرص على مثل هؤلاء الرجال..

جزااااك الله بجنات النعيم وغفر الله لك

الله يطمنا عليك

ماشاء الله عليك يامرهفة الاحساس

عاقلة وثقيلة ,,,,,,,الله يوفقك ياحبيبتي مع اللي يسعدك ويهنيك.

الله يسعدك يارب اختي دفء الحياه ..

الله يسهل لك امرك ويجزاك خير على هذي الدعوه الطيبه..

وربي بردودكم حسستوني اني ماني لحالي

:)

ايش رايكم بهذي الرساله لو ارسلتها له ؟؟
اتمنى منكم تعطوني رايكم وهل هي طيبه ومناسبه ..؟؟
كتبتها وقلت بشوف لو انها تمام ارسلتها له
واذا كان فيها شي يصير تساعدوني اقومه :)




السلام عليكم ورحمة الله
اول شي احب اقوله لك اتمنى ماتفهم رسالتي على انه طيش او تفاهه مني..
..... انا هذي الرساله لي سنه اكتبها وامسحها والسبب خوفي انه تفهمني غلط
وبعد سنه.. اقصد بعد 15 سنه جا وقت اللي اتكلم فيه واقولك شي بخاطري من زمان
اني أحبك واتمنى اني اكون سبب سعاده في حياتك ..
يمكن كان حلم الطفوله وكبر معايا وكبر حبي ليك
لكن كان الفرق في السن اللي بيننا يمنعني اني اقول لانك بتنظر لي على اني مراهقه
وجالسه اطلع هبلي عليك بس وربي اني احبك لدرجة اتمنى اشوفك سعيد وادعيلك وربي في كل صلاة
ان الله يسهللك ببنت الحلال اللي تسعدك واذا كان فيه وحده راح تحبك اكثر مني وتحاول تسعدك اكثر مني وربي اني اسأل الله يسهلك امرك معاها
ويقرب بينكم ويجمعكم على خير وقلبي بيكون في قمة سعادته مادامك سعيد..
حتى لمن خطبت اختي والله كنت اسعد وحده لاني فكرت انك اخيرا راح تستقر وماتوقعت انها ترفض وحاولت والله انه توافق
وقلت لها ماراح تلاقي واحد زيه بس سبحان الله رفضت:(
وحبيت عشان لاألوم نفسي اقول لك اني أحبك وانه يسعدني اكون زي السيدة خديجه رضي الله عنها واقولك
انه ان تقدمت وطلبتني من أهلي حكون اسعد وحده وراح ابذلك كل شي عشان اسعدك
واذا كنت مااناسبك حتى بعد علمك بااحساسي
انسى كل هذا الكلام وامسحه وبتظل انت كما انت عندي مهما صار..
وتأكد تهمني سعادتك في الاول والاخر..

الله يوفقك ويكتب لك مافيه الخير استخيري الله وتوكلي عليه وارسليها ولاتنسينا ردي علينا وش صار الله يفرح قلبك ويسعدك دنيا واخره

ان شاء الله يارب

وبإذن الله لو صار شي بجي اقولكم ..

وربي يجزاك ويجزى كل من اشار علي بجنات النعيم

نعم ارسليها ...
والخير مااختاره الله لك.. واعلمي أيها الغالية أن حتى وإن لم يحصل نصيب بينكما فهو والله خير لكما...
فأملي من عاقلة مثلك أن تعقل أمرها بالله وتوكله شأنها... فكل مايقضيه خير وصلاح...
وإن كتب الله لك هذا الرجل فاحمديه واشكري فضله عليكما...
والله الله في كل الأحوال بالإكثار بالحمد والثناء على الرب.... أنصحك أنصحك أنصحك لوجه الله
أذكري الله في كل مكان وأكثري من الإستغفار في كل حين عسى الله أن ييسر لك أمورك...

والله الهادي إلى سواء السبيل

يكفي ان تقولي له ان الانسان احيانا يبحث عن شيء معين ومن كثر ماهو قريب لا يراه

عسي ان يــــري أو يحـــس .

وانا لست مع من ينصحوك بكتابه ورقه او مثل ذلك فربما يتطور الامر ويساء فهمك داخل الأسره.

و التلميح يغني عن التصريح

واللبيب بالاشاره يفهم

وهذا اصون لكرامتك ان لم يكن ذا ميل اليك.

كل هذا اذا لم تجدي من يوصل له مشاعرك وتثقين فيه كما قلتي في عائلتك

وفقك الله وجعل لك الخير دوما

بعد عمري إنتي والله حاسه بمعاناتك بس انتبهي لأمور:
احذري ثم احذري أن تصارحيه مباشره أوترسلي له رساله لأنك راح تطحين من عينه والدليل كلام الأخ لقمان وهو أعرف بالرجال هذا أولاً :11:
وثانيا لاتنسين إنه غير محرم لك يعني ما يجوز لك تراسلينه وإنتي أعرف مني وأحسبك والله حسيبك ولا أزكي على الله أحد إنك من الصالحات وهذا واضح من رسالتك خوفك من الله...
عليك بالدعاء والله ما راح يخيبك وهو القائل ادعوني استجب لكم ثقي بالله ثم ثقي بالله ووالله ثم والله لو ربي كاتب لك الخير راح يجيك ولاتستعجلين على القضاء
حتى لو كان من نصيب غيرك ارضي بنصيبك وثقي إن الله اعلم بمصلحتنا وأرحم فينا من أنفسنا وصدقيني لو جاء أحد غيره وخطبك راح تنسينه تماما وراح تتعلقين في خطيبك الجديد (والله قاعده انقلك تجربتي وخطيبي الحالي أغلى من عيوني لأن حبي السابق مجرد حب وهمي واشباع لغريزة الميول للجنس الآخر خلال فترة المراهقه"ترى عمري نفس عمرك باقي احنا صغار") :15:
حاولي زي ما قال الحكيم تلمحين لأحد أقاربه بس انتبهي تصرحين
وأبشري مني بالدعاء الصادق لك بظهر الغيب بس انبهك لما تدعين اطلبي من الله يكتب لك اللي فيه الخير ولا تحددي رغبتك في دعائك لأن ربي راح ييسرلك الخير
واخيراً:خلاصة كلامي عليك بالدعاء مع الثقه بالله والصبر وانتظار الفرج :17:

مع احترامي الشديد لوجهات نظر الآخرين
تكفين حبيبة قلبي لا تتهورين لا تخلين العاطفه تنقلب عليك عاصفه لازم تضبطين نفسك صدقيني خايفه عليك تخيلي فعلاً أرسلتي له رساله ودفعه الفضول يعرف مين إنتي ويمكن ما يميلك و يستعملها ضدك ماتدرين ما فيه شئ تضمنينه هالأيام أو يشوه سمعتك وتخسرين كل شئ يمكن تقولون عني موسوسه بس لنا في القصص وما يحصل هالأيام عبره أتمنى إنك ماتضعفين واستخيري وادعي ولاتتعجلين