|
ماشاء الله تبارك الله ... ماشاء الله تبارك الله إيش الأخبار السعيدة والطيبة هذي يا أخت " دوت " مبارك الحمل .. وأسأل المولى الكريم أن يمن عليكِ بصلاح مولودك ونبارك لكِ بولادته وخروجه إلى الدنيا عن قريب :17: وأعتذر والله عن التأخير في تسجيل مشاركتي هنا أما عن الليالي الرومانسية .... وما أدراكم ما الليالي الرومانسية .... لا تخافي .. فكل يسعد بما كتب الله له ... وسبحان الله قد يكون سعادة زوجك وفرحه بخراب كل ليلة تُعدِّين لها ... وأنه يشعر بالفرح والتقدير لكل جهدكِ أكثر من كونها تحققت ونفذت فعلا تلك الليلة ... فلا تحملي هماً .... فقط لا تتوقفي .. وأنتِ من يختار أين وكيف ومتى عمل مثل تلك الأمور وفقك الله في حياتك الزوجية ... ونحن والله سعداء بأنها تسير إلى من حسن إلى الأحسن .. متعكِ الله وزوجك بسعادة الدارين .. ورزقكما الذرية الصالحة ... سلمتِ وبارك الله فيكِ .... |
اختي شخصيه مجهوله.....تسلمين حبيبتي على هالدعوات الطيبه و مداخلتك الرااائعه.....
حبيبتي...مشمشه عمري.......تسلمين على ردك الثاني.....والظاهر ما في الا هالحل.....عدم المبالغه و الحماس الزايد..... اختي الفاضله صريحه جدا....الله يبارك فيك.....ومشكووورة على دعوتك الطيبه....ووالله ان المواقف اللي ذكرتها هي نقطه ببحر....بالنسبه لاجمالي المواقف اللي حصلت معاي......وعلى قولتك....بلاش مفاجات و فاجعات.....هههههههه حبيبتي حنان الله يبارك فيك....والفال للجميع اختي البحله بالنفس.....مو لهالدرجه انا جريئه....بس الحظ مرات يضرب معاي....وتنقلب المفاجات و الترتيبات كلها على راسي....اما عن المنظفات فانا فيني هوس نظافه و ترتيب....والله اول ما ادخل على الجمعيه على طووووول اتجهه لقسم المنظفات المنزليه....واكتشف كل ما هو جديد...واحب اجرب كل شيء.....بس خلاص تووووبه من بعد ذاك اليوم حرمت ادخل الفلاش لبيتي......عموما تسلمين على ردك........ اختي الشوووق.....فعلا لما قريت موضوعي مره ثانيه كاني قاعده انكت و قلت اكيد الموضوع راح ينلغي.....بس كل اللي كتبته هو فعلا ما حصل بالضبط......وانا قلت من قبل مواقفي هذي بوقتها تحرق الاعصاب بس بعدين امووووت من الضحك لما اتذكرها........شكرا على ردك و على دعواتك...... دوووووت |
مشرفنا الكبير النور و الحنان.....مشكووووور على مداخلتك و مشاركتك الرراااائعه.....والف شكر لدعواتك الطيبه لي.....والله يرزق الجميع بالذريه الصالحه.....ويرزق كل محرووووم
دوووووت |
أولاً مبروك على الحمل...وانتي صادقه أحيان كلمه وحده تحول الليله رومانسية من غير تجهيزات.. واذا نفسك تعملين ليله رومانسيه وتجهيزات استعيني بأحد خواتك أو أحد تمونين عليه يقوم بالمهمه عنك ههههههه
والله المستعان |
الغاليه دوت اولا الف مبروك علي الحمل والله يثبته يارب ويقومك بالسلامه
ثانيا حسيت بشعورك او مادخلت المنتدي بعد السفر بالفعل تغير حيل وان شاء الله للامام بالنسبه للرومانسيه فخليك ابعيد عنها احسن ههههههههههههههه لان النحس باين عليك يالغاليه بالفعل اضحكتني مواقفك واتصدقين من كثر ماكلمتينا عن اخوك كنت اتوقع انك مو متزوجه ؟؟؟ علي العموم شنو اخباره الحين وان شاء الله كل شي تمام |
السلام عليكم ورحمة الله وبركاته الله يسعد قلبك مثل ما أسعدتينا دووووووت:) والله إنك صادقة بس ماعليك تصير بأحسن العائلات:cool: معوضة خير هههههههه:22: يكفي الحب والروح الطيبة المرحة لصنع ليلة جميلة لا تنسى نسيت أبارك لك بالحمل ( بارك الله لك فيه ورزقك بره وجعله خيراً من والديه) |
الاخ فهد....مشكور على مرورك الطيب......
مهاوي حبيبتي....حمدلله على سلامتك....شلون خالتك الحين....؟؟....تصدقين شكلي ببتعد عن الرومانسيه لاني منحوسه معاها......وتسلمين حبيبتي على سؤالك عن اخوي.....كل شيء تمام....وصحته ممتازه....وعلى قولته السجن بديرته افراج مقارنه بالمعتقل اللي كان فيه......والله كريم.... غاليتي وجود....مشكورة على ردك الطيب....والله يبارك فيك و الفال للجميع...الله يرزق الجميع بالذريه الصالحه.... دووووووت |
الف الف مبروك حملك.... dot dotحقيقة انك نعم الزوجه .... لذلك الله يسعدكم ببعض ويهنيكم..... أما عن حركات ... فانا ضحكت من طريقة القائك .... حقيقه .. اسلوب....ممممممم يضحك وبس الله يوفقك ويرزقكم الذريه الصالحه ولاتنسي هذه الدعوه ( اللهم حسن خلقه وخلقته واصلحه واصلح به) الله ييسر وتجيبب دوت صغيرون عشان يصير عندنا اثنين |
:14: ما شاء الله ، الف مبروك أختي الفاضلة دوت على الحمل والله يرزقك الولد البار قولي آمين. والله يعينك ويوفقك.
بس عندي لك نصيحة بلاشي ليالي رومانسية فيها جهد وتعب لانك حامل وهذا خطر على الجنين اخاف تطيحين وانتي حامل وتندمين، ثم يجيبون لك الإسعاف:30: ، ويمكن تكونين قايلة لزوجك تعال الساعة احدعش ونصف وبتكلمينه :27: بس ما تقدرين، وترى مو شرط في اليالي الرومانسية تسوين من هالحركات يكفي تعطين زوجك كم كلمة حلوة في هذيك الليلة وتتزينين على الخفيف ، وتلبسين لبس حلو وتعطرين بعطر يحبه زوجك ، وتطنشيين اي كلمة منه ما تعجبك ، وتكون هذيك اليلة رومانسية بحق وحقيق . |
اهلا عزيزتي دووت
قبل كل شي عظم الله اجركم في الشيخ جابر رحمة الله عليه اي والله صدقتي احلى شي العفويه مو بس في الليالي الرومانسيه حتى في الطلعات احلى شي لما يصير شي بدون تخطيط يكون طعمه احلى لكن بعد هذا ما يمنع ان انفاجأ أزواجنا بليالي رومانسيه وحركات بين فتره وفتره.... على فكره ممكن سؤال عن توقيعك؟؟ اعتبريه لقافه :) شنو تقصدين (( اسألوا عن اصحاءكم قبل مرضاكم )) ؟؟ |
| الساعة الآن 07:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©