|
استخيري الله قبل كل شئ
والعمر مو مهم والله يوفقك |
اختي ترفه
اول شيء ياغالية عليكي بصلاة الإستخارة ، هي اللي رايحه تريحك بإذن الله تعالى واقووووووووووووولك ياغالية فارق العمر ماهو عيب ابدا ، وانا عن نفسي ملّكت قبل 3 شهور ، وزوجي اكبر منّي بعشر سنوات !! ، والحمدلله مبسووووووووووووووووووووووطة معاه جدا ( طبعا بسبب التفاهم والحب ) العمر مووووووووووووووووووووووووووووووووووو مشكلة هذا رأيي الشخصي والإختلاف في الرأي امر عااادي تحياااتي لك |
فارق العمر مو مشكلة .. لكن عليك الاستخارة .. وحاولي تعرفي أيهم أكثر كفاءة .. ... وربنا يوفقك
|
انا مع الجماعه استخيري الله والله يوفقك ان شاء الله
|
صدقيني عزيزتي العمر مب مهم ..المهم اخلاقه وسيرته وطبعه والتزامه بدينه
انا عن نفسي اعتقد ال27 مناسب لك بس تأكدي من صفاته الأخرى ! |
اشكركم جميعكم عى ارائكم المتنوعه واخص
اللقى وklddd رايكم اثر فيني جدا واحس بمصداقيته وخوفني بعد برعم مع انك صادق لكن مو كل الناس توافقك لان سني كويس للزواج الحين مع اني اتفق معك فكريا قطرة مطر من اروع النصايح نصيحتك عمليه ميه بالميه وهي اللي كنت انشدها عند كتابتي للموضوع لكن يبدو ان مافيه نصيب مع اي منهم لاني اهتم لمسأله العمر والله اعلم , خيره !!! . |
مرحبا اختي..
اولا ابن 27 رجال وفاهم وناضج وعدا مرحلة المراهقه ولاهو صغير ولاشي بالعكس مناسب جدا لك وما انصحك بالكبير ابدا فرق كبير بينكم ولا تقولين ناضج ومثقف وباخذه ياما رجال بهالسن ماهم قد المسؤليه انتي استخيري وان شاء الله ترتاحين وربي يوفقك |
سلام
انصحك تاخذين اللي عمره 27 لان فرق السن كبير انا ععمري 24 وزوجي 27 واحسه كبير علي ولكن الحمد لله علىكل حاااااااال في النهايه سوي اللي ترتاح له نفسك وبدون ضغوط وحطي جدول بالسلبيات والايجابيات لكل منهم والله يوفقك المهم لاتنسين تعزمينا على العرس |
بالاول استخيري الله عزوجل ..
ثانيا اقعدي مع كل واحد وشوفي هيئته وطريقة كلامه يمكن تقدرين تحددين امور تخليج تفضلين احدهما على الاخر .. بالنسبة لفارق السن : سوي جدول بالايجابيات والسلبيات .. ثم طبقيه على حسب النظرة اللي تكونت عندج من خلال جلوسج معاهم .. الدين الاخلاق حسن التصرف جمال الالفاظ وسحر البيان درجة النرفزة ولا تنسين ان احب النساء الى الرسول صلى الله عليه وسلم خديجة وعائشة .. خديجة اكبر منه بكثير .. وعائشة اصغر منه بكثير .. لكني اذكرج : الزوج الكبير : حنون .. عاطفي .. شديد المحبة لدرجة العشق .. كثير الدلع .. حسن التصرف عند المشاكل .. يعني غالبا ما راح يكون عليج قاصر .. الزوج الكبير راح تضمنين انج الوحيدة عنده وراح يبحث عن رضاج وحبج .. فجميع المبادرات راح تكون منه هو تجاهج .. يعني راح تكونين كالملكة .. الزوج الكبير راح يصبر على اخطائج مهما تكررت لانه يبيلج الكمال بدافع الحب المطلق .. اما الزوج الصغير فانتي اللي راح تبحثين عن حبه وارضاءه .. يعني هو الملك .. صبره على اخطائج محدود .. وباي لحظة يمكن ينفجر .. بالنهاية : هذا مجرد كلام .. كل تجربة معرضة للنجاح او الفشل .. لا تفكرين بالفشل .. فكري بالنجاح وتحقيق الغاية من الزواج .. شيلي من بالج الطلعات والسفرات والروحات والفلوس وهالامور .. فكري شلون تسعدين زوجج وتعيشون مع بعض للابد .. قناعة المرأة تزيد المحبة في قلب الرجل قبل وبعد الزواج .. الله يسعدج .. |
اذا كان الكبيرمتفتح وشبابي احسن لكن اذا صار تفكيره شايب ابعدي عنه
|
| الساعة الآن 08:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©