أختي العزيزة: إنتي اللي علمتيه على هالشي من البداية والحين ماينفع الندم
أنا رايي تصارحينه وتبينين له إنه الريال في البيت وهو المسؤول عنكم وهو اللي لازم يصرف على البيت والزوجة والعيال وأيضا الهدايا اللي تقدمينها للناس في المناسبات..
والزوجة إذا ودها تحط من راتبها وتساهم بمبلغ فهذا شي راجع لها.. مش مجبورة فيه..
تحملي تحطين شي حق مدرسة البنت .. هو ماعليه قصور.. وأنا أعرف بعض الرياييل يبخلون على بيتهم.. بس إذا ودهم في شي خذوه لنفسهم على طول.. هو راعي بيت ومسؤولية.. لازم بكون قدها..
من اليوم ورايح لا تحطين شي من راتبك في البيت.. قولي له عطني فلوس باشتري كذا للبيت .. وإذا قال ليش ماتحطين من عندك؟ ردي عليه بأدب هذا بيتك وإنت الريال مو أنا..
وإذا رحتي معاه السوق لا تاخذين معاك فلوس خليه هو يدفع غصب..

أوووووووووووف والله قهرني زوجك..

مشكورين جدا على ردودكم وعلى نصايحكم

انا صج كرهت الشغل لهذا السبب بس ماافكر ابدا اني اترك الشغل
لما كنت مااشتغل مافكر فيني اني ابغي اشتري خاتم او اسواره اوساعه لاهو يعطيني ولا انا اطلب ولما لمحت وشفت ان مافي فايده بعت جزء من ذهبي .... بس هو لما كنت اقول له ابي فلوس ما كان يقول لي لا ... بس كان دايما يقول لي وفري من مصروفج ... وعلى فكره من اول يوم زواج كان يعطيني مبلغ كل شهر كان يكفيني وانا كنت احاول امسك نفسي عشان المصروف يكفيني لاخر الشهر ونادر جدا ماكنت اطلب منه وكنت احس باحراج وفي لحظتها كنت اتمنى اشتغل ... وحملت وجبت بنت والمصروف على حاله واحيانا هو يدفع اذا كان بالسوق معاي وبعد كان دايما يقول لي حاولي اتوفرين ما يفكر ان قريب العيد تكثر المصاريف او اذا كانت عندي مناسبه

صدقوني انا احمد ربي واشكره ان كل المناسبات مثل عرس اخوي واختي وخالي صارت وانا متوظفه

حتى قبل مااشتغل كان يقول لي لما ابتشتغلين تبيني اقطع المصروف عنج ؟؟؟ قلت له ابراحتك

ومن اول يوم اشتغلت فيه تفاجأت انه راح البنك وقطع المصروف لا والقهر كان يقول لي ايش بتجيبين لي هديه من اول راتب ؟؟؟
وانقهرت وقلت ماراح اشتري له شي لكنه كان جاي من سفره طويله وشريت له وسيت عشا لبيت هله ولبيت هلي ولا فكر حتى يدفع ... حتى من السفره انا كنت اموصيته على شنطه وجابها لي مع بلوزتين سعرهم مايتعدى 300

صدقوني كل هذي المشاكل لاني ساكته ومااحب احسسه باحراج او تقصير او حتى اجرحه لكن انا الحين عرفت ان ما في فايده معاه

اوعدكم اني اكون قويه وارد عيه واقول له لا

دعواتكم لي

وآآآسفه على الرد المتأخر لانشغالي

وتحياتي لكم

اخواني واخواتي
استفسار طرى على بالي في هاللحظه ....



يا ترى ايش بيكون موقف زوجي لمما اسوي اللي قلتولي عليه واتجرأ واطلع اللي في قلبي ؟؟؟

اخاف يقول هذي بخيله وماتبي تتعاون ويفهمني غلط او يزعل ويحط في خاطره وياخذ فكره عني غلط

لاتهتمين
 

أخيتي خليه يقول عنك بخيلة هو ما يشوف حالة بعد

المهم لا يهمك خليك صريحة والحق حق

والمثل يقول اللي مايستحي منك لاتستحي منه

اتمنى لك التوفيق والله يهدي زوجك

إذا قال عنك بخيلة ترى مايستحي على ويهه.. قولي له أنت ملزوم فينا وماتصرف علينا وأنا اللي مش ملزومة أصرف على البيت والعيال.. يعني منهو البخيل فينا..

أختي أكره مافي الريال بخله، فإذا كلمتيه وكبرت السالفة أو تم على حاله مالك إلا تشتكين عليه عند ( هله ) بالأول وإذا مافي فايدة قولي حق هلك..
هالموضوع أبدا ماينسكت عنه.. وإذا هو عديم احساس خليه يحس بالغصب..

للاسف معظم الرجال كذا يلف ويدور على راتب الحرمة انا مااني موظفة ودااااااايم زوجي يقوللي كملي دراستك
وتوظفي عشان تساعديني علماانة راتبة موقليل... بس فعلا الواحد لازم يكون عندة فلوس للزمن والاسهم ما شاء الله فرصة ذهبية ...