طبعا انا اودع زوجي ومرات هو يفاجأني بعد ما يطلع يرجع ويقول نسيت شي؟
مع العلم هو مو ناسي شي يقول حبيت اشوفك خخخخخخخخخخخ ويطلع
وبصراحو الاستقبال استقبال مؤجل لأن احنا مع اهله يعني ماعندي في البيت الا غرفتي
يعني امه وابوه يستقبلوه ويسولفون معاه ساعى يالله يدخل للغرفة حتى يبدل هدومه( انا بصررررراحة انقهر)

أما أنا فما تعودت لا اودعه ولا استقبله لانه مو مهتم ابدا وما يحب هذه المراسم لانه يظن اني اسوي كذيه علشان اشجعه ما يطلع مع اصحابه
بس في الفترة الاخيرة صرت استقبله استقبال حلو واحس ما يعجبه كثرة الكلافة لكني بستمر عليه لحد ما يتعود

طبعا انا مالكه ومن الحين ناويه اعوده على الاستقبال و القبله ودي يجي هذا اليوم بسررررررررعه

وطبعا الزوج وعلى ما تعوديه بس بصراحه ما أعرف متى أعوده ، طبعا فشله من أول اسبوع ولا انتو شو رايكم

عطونا نصايح في هذا الموضوع

جزاكم الله خير

امممممممممممممممممم
انا لي سنه ونص
غالبا اودعه الا اذا كنت مرهقه يطلع بشويش عشان مايزعجني:15:
والاستقبال على حسب متى يرجع لان ماله وقت محدد يعني احيان يرجع بدري ويدخل ينام واحيان بعد العصر :(
لكن بكل الاحوال هو يحب يدخل وبعدها دش وبعدها السرير لاغدا ولاهم يحزنون:22:
وهذا طبعه من يوم هو صغير عشان كذا يقولي لو شافني استقبلته وش صحاك ذلحين بدري:(

اول كنت اودع زوجي وحتي اقوله اذا وصلت شغلك دق علي وطمني بس من يوم ماحملت مااقدر اقوم من فراشي واودعه وانا على فراشي حتي يقولي لا تتعبين روحك ...

ام الاستقبال لا كلام عليه استناه عند الباب واول مايفتح الباب اسلم عليه واصافحه..
ام لولو

أنا وزوجي نعمل..أصحى أول أصلي وإذا في وقت أقرأ كمن آيه أو أكتفي بأذكار الصباح,، بعدها أشوف الخدامه شو محضره لنا فطور.. ألبس وأكون جاهزه ولما يحين الوقت أروح أصحي زوجي بهدوء وبكلمة غزل...ملابسه تكون جاهزه، بس آخذ غترته وأكويها...نفطر ونتوكل على الله ويوصلني للعمل أول وقبل ما أنزل أودعه بالدعاء.... في بدايات زواجنا كنا نبوس بعض بوسه عالطاير على الخد...بعدها بطلنا لأن المكان يكون فيه ناس تقعد تراقبنا..وهو ماعجبه هذا الشئ أما أنا فبالعكس أبي الكل يشوفنا!:25:

مافي اجمل من انه الست توصل زوجها للباب وتكون واقفة معه وهو يلبس ملابسه وتتغزل فيه وتدعمه معنويا ، وتدعو الله ان يحفظه وان يرده لهم سالم معافي ، وفي اخر المطاف تعطيه قبلة الصباح ، وهوالوقود الذي يتزود به خلال النهار كله ، وكم لها من تاثير ، حفظكم الله ورعاكم وسدد خطاكم

عاااااااااااااااااااااجل
 

بصراحه الواحد حس بإحراج.... يعني مافي ولا وحده ما تودع زوجها ؟؟؟؟

أنا ما أودعه.. لأن عندي دوام بعده بساعه... فأكمل نومي لأني بصحى بعد شوي و وراي دوام طويل....

بس الإستقبال طبعا أستقبله وأسلم عليه...

هل أنا مقصره ؟؟؟؟!

نداء للزوجات .......
إن توديع الزوجة لزوجها عند خروجه إلى عمله له أثر كبير عليه وعلى نفسيته وراحته يبقى طوال ليوم .

وإن كثيرا من الأزواج قد يخفي هذا الأثر ولا يبينه لزوجته مع فرحه به وسروره منه ، فتظن الزوجة أنه لا يبالي بها ولا يهتم لهذا الأمر..... فتتركه .

أقول لا... لا تتركه بل تستمر عليه..... ولو لم يبدي الزوج في نظرها اهتماما به ، لما له من الأثر البالغ في سعادته.

و ليس كل شيء في الزوجة يعجب الزوج لا بد أن يتكلم فيه ،

والله الموفق.