|
اولا
ياليت تستخدمون كلمه ثانيه غير العوانس هذي الي تخلي البنات كان فيهم مرض ثانيا لكل اخت تاخر زواجها احمدي الله على كل حال فالله العليم القدير على كل شي يعلم سبحانه الخيره وين ثالثا باختصر عليكم النصايح واقول انا والله حاسه فيكم تذكرت ايام ماكنت اشوف البنات من حوالي يروحون وانا مكاني والله كنت ابكي وادعي الله يعوضني بزوج صالح والحمدلله رب العالمين لكن باقول لكم نصيحه اكثرو من قيام الليل وخلوها كانها فرض عليكم مو نافله وادعو الله السميع المجيب القادر الكريم على ان يرزقكم عاجلا غير اجل بمن يسعدكم ولاتنسو دعوه سيدنا موسى عليه السلام( رب اني لما انزلت الي من خير فقير) >>>> ذكر العلماء انه يدعي بها من اراد الزواج لان سيدنا موسى لما دعى بها كان جائع واطعمه الله واعزب وزوجه الله وخاف وامنئه الله فعليكم بها الحمدلله دعيت بها الى ان تزوجت والان الحمدلله استمر عليها لعل الله يرزقني الذريه الصالحه الله يوفقكم يارب ويفرحكم ويستركم بازواج صالحين عاجلا غير اجل |
السلام عليم
اشكركم جميعا على تفاعلكم الله يرزق كل محروم |
[COLOR="Red"]السلام عليكم اخواتي الناضجات
انا اول مرة اشارك بس يمكن لاني الليلة بالذات فيني احساس بالاختناق[ مو عشان ماتزوجت بل لاني من صغري مرغوبة ولكن كثير اهلي يردون ولهم اسبابهم ولله الحكمة انا ماصار في بالي الا الكلمات والمواقف اللي مرت علي بسبب الخطاب واهلهم وكثرة التعليقات على والله حلوة ليه ماتزوجت للان واكيد متشرطة واهلها مايبغون اي احد او والله هي زينة بس مانبغاها لولدنا وهكذا وكأن المجتمع صار يحب ينتقم من اللي ردوهم فيني الحمدلله بس انا فعلا ماصار قلبي يتطمن لاي وحدة تلمح بخطبة وخاصة الان في عمر 32 لاني انا مو مرتاحة في بيت اهلي وودي يكون لي بيت مستقل يمكن انتوا تشوفونها صعبة في مجتمعنا ولكن والله هو الحلم اللي احبة من قلبي الحيطة وليس الرجل وهذا اللي اسئل الله في هاللحظة ينوله لي لان الانسان له كرامته من رب العالمين ومااحنا ملطشة لكل من هب ودب انا اقدر اعيش بدون رجل بس بدون كرامتي وراحتي لا اما الزواج فقد اصبح وررررررررررررررطة وبس واي واحد ماح يخطبك لوجه الله الا وهو يدور من وراك مصلحة له ولو حس ان مصلحته مو معك اما يتحجج بظروفه او بك انتي صدقوني انا جربت وخلاص اصبح في قلبي مرارة ولاا ارغب في الزواج واللي تبغى تدعي لي لا تدعي على بالزواج بل ان يعطيني الله منزلا ملكا بأسمي والوحدة من نعم الله على الانسان ان احسن استخدامها وتأمل فيها حاله واستزاد من الخير تحياتي /COLOR] |
اقتباس:
عزيزتي ... ياكم كثير من هم مثلك ومثلنا ومثل كل فتاه تعاني .. من شي مو بيدها ولا هي مسؤوله عنه .. وللعلم وفي الاغلبيه قد تكون العانس هذه تفوق المتزوجه تلك جمالا وعلما وادبا وذكاء ولكن النصيب وقدر الله قبل ذلك قضى عليها بهذا الحظ .. واحيانا ظروف حولها اوصلتها لهذا المسمى ولذلك الشعار( العانسه ) .. منا من تكون على اول الطريق وتظل تنتظر .. ومنهم من اللي في منتصفه وبدات متاهات رحلة العنوسه ومنهم على اخرها .. والكل في سفينه واحده ..تجيها رياح الناس العاصفه .. واعاصير الاهل الهوجاء ..وتتمنى لو تجد جزيره ولو كانت متر في متر تحط عليها وتلقي ماعليها من حموله .. لا اخفي عليك ادعي المرح والرفاهيه والحياه السبور كما يقولون وحيده واعيش وحيده واعمل وحيده اتمتعم مع صديقاتي الغير متزوجات ( منهم يصغرنني سنا ومنهم من هم في مثل سني ولكن ولكن بشعار مطلقات ) ومن صديقاتي ايضا المتزوجات وهؤلاء منهم من هو سعيد ومنهم من هو تعس وانا استمع ادعي للجميع ... اشتكي وفضفضي لمن لديهم بذرة التفاؤل واصمتى لا تفاخري امام المتشائمين اصحاب النظره المسترحمه لوضعك .. واتمنى لك كل ماهو خير لك ولي ولجميع اخواتي المسلمات . |
اختى كاتبه الموضوع انا ايضا لم اتزوج ويطلق على لفظ عانس لكن عينى لم تدمع ابدا حين ارى امرأه حامل او حينما اجد قريبه لى حولها اطفالها رغم انى احب الاطفال جدا لانى اؤمن ان الحياة لا تنتهى عند هذا وان كل شىء قضاء وقدر وانى ممكن مستقبلا اتزوج وانجب اما عن كلام الناس فالناس بكل الاحوال تتكلم حتى لو تزوجت يلحون حصل حمل؟وان انجبت البنات نعتت بام البنات هذا حال مجتمعاتنا العربيه للاسف ويوجد ناس تكرر عبارات انك مرتاحه دون زواج بدون قصد وممكن تجى من اقرب الناس لك مثل والدتك فهل يعقل والدتك تنوى ايذائك نفسيا؟!! اخواتى العوانس عيشوا حياتكم وتمتعوا بها فلا زال بهذه الحياة امور تستدعى ان نلتفت لها ولا توافقن على الزواج من رجل غير مقتنعات به لمجرد انضمامكم الى خانه المتزوجات اما بالنسبه للاخت ليدى سوفت فلى تعقيب على كلامك واضافه ان مواقع الزواج اضافه الى كل هذا تحتوى على رجال متلاعبين هدفهم تكوين العلاقات وهم الغالب لكن لو خليت خربت وممكن نصادف اشخاص مميزين هدفهم ان يختاروا شريكه حياته بانفسهم وهم قلائل لكن لايمنع من المحاوله |
| الساعة الآن 01:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©