بصراحة أنا أمشي على ذوق زوجي تعرفوووون ليش؟

لأن ذوقه أحلى من ذوقي بألف مره والكل يشهد

مثلاُ في المكياج,قالي لما تحطين خفيف يطلع يجنن, وفعلاُ لما أحط خفيف البنات ينهبلن

أما عن أختيار الملابس وكمالياتها لما أخذ ذوقه بصراحه تطلع اللبسات روعه ولما أكون لوحدي مره أصيب ومره أخيب

بصراحه أثق في ذوقه الراقي والناعم حتى في ملابسه ولبس أبني

لما أشتري لطفلي يطلع اللبس حلو

بس لما يختاره هو يطلع روعه ماشاء الله

وقالي شو نوعية اللبس إلي اللبسه والحمدلله أسمع كلامه

أدري اذا قال الشي مش حلو فعلا يطلع مش حلو

بس لو شاري لي حاجه أو اختار معاي حاجه الكل يقول حلو

:d اكيد بطيعه

لا طاعة لمخلوق في معصية الخالق
نعم اطيعه ما دام الامر لا يغضب الله سبحانه وتعالى

والله انا هالسالفة صارت معاي في بداية زواجي .... وللحين

انا الحمد لله دايما محتشمة في لبسي ..حتى من قبل ما اتزوج .. بس تدرون الوحدة تحب تلبس عالموضة خاصة في الاماكن اللي كلها حريم ....فانا كنت البس بناطيلو تنانير و فساتين عارية شوي .. طبعا فوق هذا عباة وسيعة و غليظة .. واللبس هذا ماكان حتى في الاماكن العامة لكن مثل ما قلت عند الحريم في الزيارات و الحفلات و هالسوالف

يوم تزوجت .. ريلي بدا الاول في سالفة اللبس ... طلب مني اول شي اتحجب حتى قدام ابوي و اخواني انا في البداية ما اقتنعت و هو ما حاول يفرض رايه بس انا شوي شوي اتعودت و فعلا مع الوقت اقتنعت ان كلامه صح لان تدرون لبس البيت احيانا ممكن يكشف جسم الحرمة ..مثلا لو لابسة مخور مثلا و الصدر وسيع شوي و بتوخين تشلين شي من الارض ممكن اللي قدامج يقدر يشوفجسمج و هذا شي غلط حتى لو قدام الاخوان

المهم بعدين طلب مني ما البس بناطيل الا لو في الحجرة و متاكدة ما حد بيدخل غيره ولا بطلع من الحجرة بالبنطلون

بعدين التنانير الراصة و البديات الكت ... قال ان مافيهم شي بس هو ما يحس براحة يوم يشوفني لابسة هالاشياء.. يفضل اني اكشخ بس باحتشام .. و فعلا طعته لان الاولى بالحرمة ترضي زوجها ...و الحرمة ما تدور الا على سعادة زوجها و راحته معاها صح؟؟؟

فصرت حتى لو بروح زيارة او حفلة .. حتى لو زوجي مو معاي او ما بيشوفني و انا طالعة ..خلاص ما البس الاشياء اللي طلب مني ما البسها .. لاني بيني و بين نفسي حابة اكون قدامه و قدام الكل بالصورة اللي هو يباني اكون فيها .. و هذا موضعف في شخصيتي لكنه حب لزوجي و ثقة في حبه لي و في انه اكيد يبالي الاحسن


بالنسبة للمكياج ... انا كنت واااااااااااايد احب الشدو و اتفنن في الوانه ... بس زوجي قال انه يحب عيوني طبيعية او بكحل خفيف مو اكثر .. و مع اني ما اقتنعت لاني كنت شايفة ان الشدو واايد ياثر في شكل العين و الوجه كله بس طعته لاني مو حاية ازعله و حابة اكون بالشكل اللي هو يباه

اما باقي المكياج فهو ما يتدخل فيه (طالما اني ما ابالغ و طبعا ما اكشف ويهي جدام الرياييل) ... و لو حاول يتدخل و يحددلي شو الالوان اللي احطها بالضبط اعتقد اني بطيعه .. لاني اللي يهمني راحة زوجي ..و المهم انه هو يشوفني حلوة مو مهم راي الناس او شو اللي بيعجبهم

إذا في البيت والله اسوي الي يبغى ويرضيه وعلى كيفه لكن بر البيت صعب تطبيقه وممكن أقنعه برأي ويقتنع في اللبس والمكياج مع إن زوجي يحبني بطبيعتي يقول لا تحطين مكياج انتي كذا أحلى وأكثر جاذبيه.....وسلامتكم

لله درك يأختي : ( بنت_الحب ) على هذا الرد الرئع الذي أثلج الصدر ,

أسأل الله العظيم رب العرش العظيم أن يسعدك في الدنيا والآخرة ، وأن يجعلك قرة عين لزوجك ، وأن يقر عينكي بزوجك , ويصلح ذريتك ،
وآمل من أخواتي الفاضلات الاستفادة من رد الأخت في التعامل مع الزوج وتقديم رضاه على هوى النفس ، وإرضاء الناس .